ଭୁବନେଶ୍ୱର,୧୯/୦୨: କୂଅ ଭିତରୁ ୱାର୍ଡ଼ମେମ୍ବରଙ୍କ ମୃତଦେହ ଉଦ୍ଧାର । ମୃତକ ପଦ୍ମପୁର ଗାଁ ୧୩ ନମ୍ବର ୱାର୍ଡ଼ ମେମ୍ବର ବସୁ ପସାୟତ (୪୦) ବୋଲି ଜଣାପଡ଼ିଛି । କୂଅରେ ପଡ଼ି ତାଙ୍କ ମୃତ୍ୟୁ ହୋଇଛି ନା ତାଙ୍କୁ କେହି ହତ୍ୟା କରି ସେଠାରେ ପକାଇଛି, ତାହା ବର୍ତ୍ତମାନ ଅସ୍ପଷ୍ଟ ରହିଛି । ବଲାଙ୍ଗୀର ଜିଲ୍ଲାରେ ପୁଇଁନ୍ତଳା ଥାନା ଅନ୍ତର୍ଗତ ପଦ୍ମପୁର ଗାଁରେ ଏଭଳି ଘଟଣା ଘଟିଥିବାର ଖବର ସାମ୍ନାକୁ ଆସିଛି ।
ସୂଚନା ମୁତାବକ, ବୁଧବାର କିଛି ଲୋକେ କୂଅ ପାଖକୁ ଯାଇଥିଲେ । କୂଅରେ ବସୁ ପସାୟତଙ୍କ ମୃତଦେହ ଭାସୁଥିବା ଦେଖିବାକୁ ପାଇଥିଲେ । ଏହା ଦେଖି ସ୍ଥାନୀୟଲୋକେ ତୁରନ୍ତ ଅଗ୍ନିଶମ ବାହିନୀ ଏବଂ ପୋଲିସକୁ ଖବର ଦେଇଥିଲେ । ଖବର ପାଇ ଅଗ୍ନିଶମ ବାହିନୀ ଏବଂ ପୁଇଁନ୍ତଳା ପୋଲିସ ଘଟଣା ସ୍ଥଳରେ ପହଞ୍ଚି ମୃତଦେହକୁ କୂଅରୁ ବାହାରକୁ ଆଣିଥିଲେ । ତେବେ କୂଅରେ ପଡ଼ି ତାଙ୍କ ମୃତ୍ୟୁ ହୋଇଛି ନା ତାଙ୍କୁ କେହି ହତ୍ୟା କରି ସେଠାରେ ପକାଇଛି, ତାହା ବର୍ତ୍ତମାନ ଅସ୍ପଷ୍ଟ ରହିଛି । ମୃତଦେହକୁ ପୋଲିସ ଜବତ କରି ବ୍ୟବଚ୍ଛେଦ ପାଇଁ ପଠାଇଛି । ଏହା ସହ ଘଟଣାର ତଦନ୍ତ ମଧ୍ୟ ଚଳାଇଛି ପୋଲିସ ।
