ଅନୁଗୁଳ, ୨୨/୦୮: ଅନୁଗୁଳ କାରାଗାରର ଜଣେ ବିଚାରାଧୀନ କଏଦୀଙ୍କ ମୃତ୍ୟୁ ହୋଇଛି । ଅନୁଗୁଳ ମୁଖ୍ୟ ଡାକ୍ତରଖାନାରେ ମୃତ୍ୟୁ ହୋଇଥିବା ଜଣାପଡିଛି । ମୃତ କଏଦୀ ଜଣକ ହେଲେ ଜରପଡା ଥାନା ଅନ୍ତର୍ଗତ ବଡହିଂସର ଗ୍ରାମର ରଘୁନାଥ ସାହୁ(୬୬ବର୍ଷ)।
ସୂଚନା ମୁତାବକ, ରଘୁନାଥ ସାହୁ ଗତ ୨୦୨୩ ମସିହା ଏପ୍ରିଲ ମାସରୁ ଏକ ହତ୍ୟା ଅଭିଯୋଗରେ ବିଚାରାଧୀନ କଏଦୀ ଭାବେ ଅନୁଗୁଳ କାରାଗାରରେ ଥିଲେ । ତାଙ୍କର ଉଚ୍ଚ ରକ୍ତଚାପ ଥିଲା। ସ୍ୱାସ୍ଥ୍ୟାବସ୍ଥା ଠିକ ନଥିବାରୁ ତାଙ୍କୁ ଡାକ୍ତରଖାନାକୁ ନିଆଯାଇଥିଲା । ହେଲେ ସେଠାରେ ତାଙ୍କ ମୃତ୍ୟୁ ହୋଇଛି । ପରିବାର ଲୋକ ଏସମ୍ପର୍କରେ ଖବର ପାଇ ମେଡିକାଲରେ ପହଞ୍ଚିଛନ୍ତି । କାରାଗାର କର୍ତ୍ତୃପକ୍ଷ ଠିକ୍ ଭାବେ ମେଡିସିନ ଦେଉ ନଥିଲେ ବୋଲି ପରିବାଲ ଲୋକେ ଅଭିଯୋଗ କରିଛନ୍ତି।
