ନୂଆଦିଲ୍ଲୀ : ଦିଲ୍ଲୀର ଉପରାଜ୍ୟପାଳ ଭିକେ ସକ୍ସେନା ଦିଲ୍ଲୀର ସିଏମ୍ଙ୍କୁ କଲେ ପ୍ରଶଂସା। ଏକ ସମାରୋହରେ ଏଲଜି ସିଏମ୍ ଆତିଶୀଙ୍କ ଆଡ଼କୁ ଅନେଇ କହିଛନ୍ତି ଯେ, ସେ ନିଜର ପୂର୍ବବର୍ତ୍ତୀ ଅରବିନ୍ଦ କେଜ୍ରିୱାଲଙ୍କ ଠାରୁ ହଜାର ଗୁଣ ଭଲ। ଏଲଜି ଓ ଆପ୍ ସରକାର ମଧ୍ୟରେ ସମ୍ୱନ୍ଧକୁ ଦେଖି ଆତିଶୀଙ୍କର ପ୍ରଶଂସା କରିବା କୌଣସି ଆଶ୍ଚର୍ଯ୍ୟ ଠାରୁ କମ୍ ନୁହେଁ।
ଇନ୍ଦିରା ଗାନ୍ଧୀ ଦିଲ୍ଲୀ ମହିଳା ଟେକ୍ନିକାଲ ବିଶ୍ୱବିଦ୍ୟାଳୟର ୭ମ କନଭୋକେସନ ସମାରୋହରେ ଦିଲ୍ଲୀର ଉପରାଜ୍ୟପାଳ ଭିକେ ସକ୍ସେନା ଓ ମୁଖ୍ୟମନ୍ତ୍ରୀ ଆତିଶୀ , ଉଭୟ ପହଞ୍ଚି ଥିଲେ। ସେଠାରେ ଥିବା ଛାତ୍ରଛାତ୍ରୀଙ୍କୁ ସମ୍ୱୋଧିତ କରି ଏଲଜି ଆତିଶୀଙ୍କର ପ୍ରଶଂସା କରିଛନ୍ତି। ଉପରାଜ୍ୟପାଳ କହିଛନ୍ତି, ଆତିଶୀ ନିଜର ପୂର୍ବବର୍ତ୍ତୀ ଅରବିନ୍ଦ କେଜ୍ରିୱାଲଙ୍କ ଠାରୁ ହଜାର ଗୁଣ ଭଲ। ଉପରାଜ୍ୟପାଳ କହିଛନ୍ତି, ମୁଁ ଆଜି ଖୁସି ଯେ, ଦିଲ୍ଲୀର ମୁଖ୍ୟମନ୍ତ୍ରୀ ଜଣେ ମହିଳା। ମୁଁ ବିଶ୍ୱାସର ସହ କହି ପାରିବି ଯେ, ସେ ନିଜର ପୂର୍ବବର୍ତ୍ତୀ ଠାରୁ ହଜାର ଗୁଣା ଭଲ। ଏହି ଟିପ୍ପଣୀ କରିବା ସମୟରେ ଉପରାଜ୍ୟପାଳ ଅତିଶୀଙ୍କ ଉପରେ ମଧ୍ୟ ନଜର ପକାଇଛନ୍ତି।
ନିଜର ସମ୍ୱୋଧନରେ ଉପରାଜ୍ୟପାଳ ଛାତ୍ରଛାତ୍ରୀଙ୍କୁ କହିଛନ୍ତି, ଯେତେ ଯେତେ ଆପଣ ଆଗକୁ ବଢିଥାନ୍ତି, ଆପଣଙ୍କ ପାଖରେ ୪ଟି ଦାୟିତ୍ୱ ହୋଇଥାଏ। ପ୍ରଥମେ ଆପଣଙ୍କର ନିଜ ପ୍ରତି ଦାୟିତ୍ୱ , ୨ୟରେ ଆପଣଙ୍କ ମାତା-ପିତା ଓ ପରିବାର ପ୍ରତି ଆପଣଙ୍କର ଦାୟିତ୍ୱ ସମାଜ ଓ ରାଷ୍ଟ୍ର ନିର୍ମାଣ ପ୍ରତି। ସେ କହିଛନ୍ତି ଯେ ୪ର୍ଥ ଦାୟିତ୍ୱ ନିଜକୁ ଏମିତି ମହିଳା ଭାବେ ସାବ୍ୟସ୍ତ କରିବା , ଯିଏକି ଲିଙ୍ଗଗତ ବନ୍ଧନକୁ ଭାଙ୍ଗି ଦେଇଛନ୍ତି। ଏକ ଏମିତି ମହିଳା ଯିଏ ସବୁ କ୍ଷେତ୍ରରେ ଅନ୍ୟର ବରାବର ଠିଆ ହୋଇଛନ୍ତି।
ଉଲ୍ଲେଖନୀୟ ଯେ ଦିଲ୍ଲୀର ଉପରାଜ୍ୟପାଳ ଓ ଆପ୍ ସରକାରଙ୍କ ମଧ୍ୟରେ ଅନେକ ସମୟରେ ବିବାଦ ସାମ୍ନାକୁ ଆସିଥାଏ । ଏହି ସ୍ଥିତିରେ ଉପରାଜ୍ୟପାଳଙ୍କ ଦ୍ୱାରା ଆତିଶୀଙ୍କ ପ୍ରଶଂସା କରିବା କୌଣସି ଆଶ୍ଚର୍ଯ୍ୟକର କଥା ଠାରୁ କମ୍ ନୁହେଁ । କେଜ୍ରିୱାଲଙ୍କ ଦ୍ୱାରା ମୁଖ୍ୟମନ୍ତ୍ରୀ ପଦରୁ ଇସ୍ତଫା ଦେବା ପରେ ଆପ୍ ସରକାର ଓ ଉପରାଜ୍ୟପାଳ ଅନେକ ମାମଲା ଉପରେ ପରସ୍ପର ମୁହାଁ ମୁହିଁ ହୋଇଛନ୍ତି।
