ନୂଆଦିଲ୍ଲୀ: ରାଜଧାନୀ ଦିଲ୍ଲୀରେ ପ୍ରଦୂଷଣ ପୁଣି ଥରେ ଭୟାନକ ସ୍ତରରେ ପହଞ୍ଚିଛି, ଯେଉଁଥିପାଇଁ GRAP ୪ ପ୍ରତିବନ୍ଧକ ଲାଗୁ କରାଯାଇଛି। ଶନିବାର ଦିନ ଜାତୀୟ ରାଜଧାନୀରେ ବାୟୁ ଗୁଣବତ୍ତା ୪୨୮ ରେ ପହଞ୍ଚିଥିଲା, ଯାହା ଫଳରେ GRAP ୪ ପ୍ରତିବନ୍ଧକ ଲଗାଯାଇଛି ।
ଆଜି (ଶନିବାର) ବାୟୁ ଗୁଣବତ୍ତା 'ଗମ୍ଭୀର+' ବର୍ଗରେ ପହଞ୍ଚିଛି, ଯାହା ଫଳରେ ଗ୍ରେଡେଡ୍ ରେସପନ୍ସ ଆକ୍ସନ୍ ପ୍ଲାନ (GRAP) ର ଚତୁର୍ଥ ପର୍ଯ୍ୟାୟକୁ ପୁନଃ କାର୍ଯ୍ୟକାରୀ କରିବାର ନିଷ୍ପତ୍ତି ନିଆଯାଇଛି। GRAP ୪ କାର୍ଯ୍ୟକାରୀ ହେବା ପରେ, ସରକାର ବାୟୁ ପ୍ରଦୂଷଣ ନିୟନ୍ତ୍ରଣ ପାଇଁ ଅନେକ କଠୋର କଟକଣା ଲାଗୁ କରିଛନ୍ତି। ଏହି କଟକଣା ଅନୁଯାୟୀ, ଦିଲ୍ଲୀରେ କାରଖାନା, ନିର୍ମାଣ କାର୍ଯ୍ୟକଳାପ ଏବଂ ଯାତାୟାତକୁ କଠୋର ଭାବରେ ପ୍ରତିବନ୍ଧକ କରାଯାଇଛି।
ଆଜି ଅପରାହ୍ନ ୪ ଟାରେ AQI ୪୦୦ ଥିଲା, ଯାହା ରାତି ୮ ଟାରେ ୪୨୮ ରେ ବୃଦ୍ଧି ପାଇଛି। ଖରାପ ପାଗ ଯୋଗୁଁ ପରିସ୍ଥିତି ଆହୁରି ଖରାପ ହୋଇଥିଲା। ଫଳସ୍ୱରୂପ, CAQM ସବ୍-କମିଟି ସମଗ୍ର NCR ରେ ସମସ୍ତ କଠୋର GRAP ୪ ନିୟମାବଳୀକୁ ତୁରନ୍ତ କାର୍ଯ୍ୟକାରୀ କରିବାକୁ ନିଷ୍ପତ୍ତି ନେଇଛି। ପୂର୍ବରୁ ଥିବା GRAP ପର୍ଯ୍ୟାୟ ୧, ୨, ଏବଂ ୩ ସହିତ, ପର୍ଯ୍ୟାୟ ୪ ପ୍ରତିବନ୍ଧକ ଗୁଡ଼ିକ ଏବେ ମଧ୍ୟ କାର୍ଯ୍ୟକାରୀ ହେବ। ପ୍ରଦୂଷଣ ନିୟନ୍ତ୍ରଣ ବୋର୍ଡ ଏବଂ ସମ୍ପୃକ୍ତ ସଂସ୍ଥା ଗୁଡ଼ିକୁ ସେମାନଙ୍କର ସତର୍କତା ଏବଂ ତଦାରଖ ବୃଦ୍ଧି କରିବାକୁ ନିର୍ଦ୍ଦେଶ ଦିଆଯାଇଛି।
