ନୂଆଦିଲ୍ଲୀ ୦୮/୦୩: ଦିଲ୍ଲୀରେ ପୁଣି ସଡ଼କ ନାଁ ବଦଳାଯିବାକୁ ନେଇ ବିବାଦ ଦେଖାଦେଇଛି । ବିଜେପି ସାଂସଦ ଦିନେଶ ଶର୍ମା ଏବଂ କେନ୍ଦ୍ର ମନ୍ତ୍ରୀ କୃଷ୍ଣପାଲଊ ଗୁର୍ଜର ନିଜ ସରକାରୀ ବାସଭବନ ବାହାରେ ‘ତୁଗ୍ଲକ ଲେନ୍’ ବଦଳରେ ‘ବିବେକାନନ୍ଦ ମାର୍ଗ’ ଲେଖିଛନ୍ତି । ତେଣୁ ତୁଗ୍ଲକ୍ ରୋଡ୍ର ନାଁ ବଦଳାଯାଇପାରିପାରେ ବୋଲି କୁହାଯାଉଛି । ତେବେ ଏ ନେଇ ଔପଚାରିକ ଭାବେ କୌଣସି ଘୋଷଣା କରାଯାଇନାହିଁ । ଏପରି ନାଁ ବଦଳାଇ ବିଜେପି ଇତିହାସ ବଦଳାଇବାକୁ ଚେଷ୍ଟା କରୁଥିବା ବିରୋଧୀ ଦଳଗୁଡ଼ିକ ଅଭିଯୋଗ ଆଣିଛନ୍ତି । ମୋଗଲ ଶାସକଙ୍କ ନାଁ ହଟାଯାଇ ଭାରତୀୟ ମହାପୁରୁଷଙ୍କ ନାଁରେ ସଡ଼କଗୁଡ଼ିକ ନାମକରଣ କରାଯିବା ଦିଗରେ ବିଜେପି ଗୁରୁତ୍ୱ ଦେଉଛି ।
୨୦୧୫ରେ ଦିଲ୍ଲୀରେ ଔରଙ୍ଗଜେବ ରୋଡ୍ର ନାମ ବଦଳାଯାଇ ଡା. ଏପିଜେ ଅବଦୁଲ୍ କଲାମ ରୋଡ୍ କରାଯାଇଥିଲା । ସେହିପରି ୨୦୧୬ରେ ରେସ୍ କୋର୍ସ ରୋଡ୍କୁ ଲୋକ କଲ୍ୟାଣ ମାର୍ଗ, ୨୦୧୭ରେ ଡଲହୌଜି ରୋଡ୍ ବଦଳରେ ଦୀନଦୟାଲ ଉପାଧ୍ୟାୟ ମାର୍ଗ, ୨୦୨୨ରେ ରାଜପଥକୁ କର୍ତ୍ତବ୍ୟ ପଥ କରାଯାଇଥିଲା
