ନୂଆଦିଲ୍ଲୀ,୨୦/୦୭: ବିମାନ ଇଞ୍ଜିନରେ ଲାଗିଲା ନିଆଁ । ଉଡାଣ ଭରିବାର କିଛି ସମୟ ପରେ ବିମାନରେ ଲାଗିଗଲା ନିଆଁ। ଡେଲଟା ଏୟାରଲାଇନ୍ସର ବୋଇଂ ୭୬୭ ବିମାନର ଇଞ୍ଜିନ ମଝି ଆକାଶରେ ନିଆଁ ଲାଗିବା ପରେ ଲସ୍ ଏଞ୍ଜେଲସ୍ ଅନ୍ତର୍ଜାତୀୟ ବିମାନବନ୍ଦରରେ ଜରୁରୀ ଅବତରଣ କରିଛି । ଫ୍ଲାଇଟ୍ଟି ଲସ୍ ଏଞ୍ଜେଲସ୍ରୁ ଆଟଲାଣ୍ଟା ଅଭିମୁଖେ ଯାଉଥିଲା। ବିମାନରେ ପ୍ରାୟ ୩୦୦ ଯାତ୍ରୀ ଥିଲେ ।
ବୋଇଂ ୭୬୭-୪୦୦ ର ଫ୍ଲାଇଟ୍ ଡିଏଲ୍୪୪୬, ଲସ୍ ଏଞ୍ଜେଲସ୍ରୁ ଆଟଲାଣ୍ଟା ଅଭିମୁଖେ ଯାଉଥିଲା। ଉଡ଼ାଣ ଭରିବାର କିଛି ସମୟ ପରେ ମଝି ଆକାଶରେ ଏହାର ବାମ ଇଞ୍ଜିନରେ ନିଆଁ ଲାଗିଥିବା କ୍ରୁ ମେମ୍ବର୍ସମାନେ ଜାଣି ପାରିଥିଲେ। ସୋସିଆଲ ମିଡିଆରେ ଭାଇରାଲ ହୋଇଥିବା ଭିଡିଓରେ ବିମାନର ବାମ ଇଞ୍ଜିନରୁ ନିଆଁ ବାହାରୁଥିବା ଦୃଶ୍ୟ ଦେଖାଯାଇଛି। ପାଇଲଟମାନେ ତୁରନ୍ତ ଜରୁରୀ ପରିସ୍ଥିତି ଘୋଷଣା କରି ବିମାନବନ୍ଦରକୁ ୟୁ-ଟର୍ଣ୍ଣ ନେବାକୁ ନିଷ୍ପତ୍ତି ନେଇଥିଲେ ଏବଂ ଏୟାର ଟ୍ରାଫିକ୍ କଣ୍ଟ୍ରୋଲକୁ ଯୋଗାଯୋଗ କରାଯାଇଥିଲା।
ବିମାନଟି ପ୍ରଶାନ୍ତ ମହାସାଗର ଉପରେ ଉଠିବା ପରେ ଡାଉନୀ ଓ ପାରାମାଉଣ୍ଟ ଅଞ୍ଚଳ ଉପରେ ବୁଲି ନିରାପଦରେ ଲସ୍ ଏଞ୍ଜେଲସ୍ ଅନ୍ତର୍ଜାତୀୟ ବିମାନବନ୍ଦରରେ ଅବତରଣ କରିଥିଲା । ଅବତରଣ ପରେ ଅଗ୍ନିଶମ ଦଳ ନିଆଁକୁ ଆୟତ୍ତ କରିଥିଲେ ଏବଂ କୌଣସି ଆହତ ହେବାର ଖବର ମିଳିନାହିଁ। ଡେଲଟା ଏୟାରଲାଇନ୍ସର ଜଣେ ମୁଖପାତ୍ର କହିଛନ୍ତି, "ଫ୍ଲାଇଟ୍ ଡିଏଲ୍୪୪୬ ବାମ ଇଞ୍ଜିନରେ ସମସ୍ୟାର ସୂଚନା ପାଇବା ପରେ ସତର୍କତାର ସହ ଜରୁରୀ ଅବତରଣ କରାଯାଇଛି ।
