ମୁମ୍ବାଇ, ୧୮/୦୧: ପୁଣିଥରେ ପରଦାରେ ନିଜର ଜବଦସ୍ତ ଅଭିନୟ ସହ ଆକ୍ସନ୍ ଫିଲ୍ମ 'ଦେବା' ରେ ନଜର ଆସିବାକୁ ଯାଉଛନ୍ତି ସାହିଦ କପୁର । ଖୁବଶୀଘ୍ର ଫିଲ୍ମଟି ରିଲିଜ ହେବାକୁ ଥିବା ବେଳେ ବର୍ତ୍ତମାନ ଫିଲ୍ମର ଟ୍ରେଲର ରିଲିଜ ହୋଇଯାଇଛି। ତେବେ ଫିଲ୍ମର ଟ୍ରେଲରକୁ ବେଶ ପସନ୍ଦ କରୁଥିବାବେଳେ ଫ୍ୟାନ୍ସ ଫିଲ୍ମ ରିଲିଜକୁ ଅପେକ୍ଷର ସହ ଚାହିଁ ରହିଛନ୍ତି। ଟ୍ରେଲରରେ ସାହିଦଙ୍କୁ ଆକ୍ସନ ଅବତାରରେ ଦେଖିବାକୁ ମିଳିଛି । ଯାହା ଏବେ ସୋସିଆଲ ମିଡିଆରେ ଭାଇରାଲ ହୋଇଛି ।
ତେବେ ୧ ମିନିଟ୍ ୧୯ ସେକେଣ୍ଡର ଏହି ଭିଡିଓରେ ସାହିଦଙ୍କୁ ଜଣେ ପୋଲିସ ଅଧିକାରୀ ଭାବରେ ଦେଖିବାକୁ ମିଳିଛି। ଟ୍ରେଲରରେ ସାହିଦଙ୍କ ରାଗ ଏବଂ ତାଙ୍କ ନିକଟତର ବନ୍ଧୁଙ୍କ ହତ୍ୟାର ପ୍ରତିଶୋଧ ନେବା ମନୋଭାବ ସହ ଆରମ୍ଭ ହୁଏ। ସେ କୁହନ୍ତି, 'ସେମାନେ ଆମ କାର୍ଯ୍ୟକ୍ରମରେ ପ୍ରବେଶ କଲେ, ଆମ ଭାଇକୁ ଗୁଳି କରି ହତ୍ୟା କଲେ । ଏବେ ଆମର ପ୍ରତ୍ୟେକ ରାସ୍ତା, ବ୍ୟବସ୍ଥା, ଅଞ୍ଚଳକୁ ପ୍ରବେଶ କରିବାର ପାଳି ଏବଂ ଏଥର ମୁଁ ସମ୍ପୂର୍ଣ୍ଣ ସ୍ୱାଧୀନତା ଚାହୁଁଛି । ପରେ ସାହିଦ କପୁର ଗୁଣ୍ଡାମାନଙ୍କୁ ନିର୍ମମ ଭାବରେ ମାରୁଥିବାର ଦେଖିବାକୁ ମିଳିଛି । ଏହା ପରେ ଜଣେ ପୋଲିସ ଅଧିକାରୀ ସାହିଦଙ୍କୁ କୁହନ୍ତି, 'ତୁମ ବିଷୟରେ, ପୋଲିସ ନା ମାଫିଆ ବିଷୟରେ ଏକ ଲେଖା ପ୍ରକାଶିତ ହୋଇଛି?' ଯାହାର ଉତ୍ତରରେ ସାହିଦ କୁହନ୍ତି, 'ମୁଁ ଜଣେ ମାଫିଆ'।
ଏହା ମଧ୍ୟ ପଢନ୍ତୁ- ବଲିଉଡ୍ରେ ଏଣ୍ଟ୍ରି କରିବେ ଅଲ୍ଲୁ ଅର୍ଜୁନ୍! ସଞ୍ଜୟ ଲୀଲା ଭଁସାଲିଙ୍କୁ ଭେଟିବାର ଭିଡିଓ ଭାଇରାଲ୍
ତେବେ ସାହିଦ କପୁରଙ୍କ ଏହି ବହୁ ପ୍ରତୀକ୍ଷିତ ଫିଲ୍ମ "ଦେବା"ର ନିର୍ମାତା ଗତାକାଲି ଏହାର ଟ୍ରେଲର ରିଲିଜ୍ କରିଛନ୍ତି । ରୋଶନ ଆଣ୍ଡ୍ରୁଜ୍ ନିର୍ଦ୍ଦେଶିତ ଏହି ଫିଲ୍ମରେ ପୂଜା ହେଗଡେ ସାହିଦଙ୍କ ସହ ସ୍କ୍ରିନ୍ ସେୟାର କରିବାକୁ ଯାଉଛନ୍ତି। ଏହା ଜି ଷ୍ଟୁଡିଓ ଏବଂ ରୟ କପୁର ଫିଲ୍ମସ୍ ଦ୍ୱାରା ମିଳିତ ଭାବରେ ନିର୍ମିତ। ବବି-ସଞ୍ଜୟ ଏବଂ ହୁସେନ ଦଲାଲଙ୍କ ଦ୍ୱାରା ଲିଖିତ ଏହି ଫିଲ୍ମଟି ଜାନୁଆରୀ ୩୧ ତାରିଖରେ ପ୍ରେକ୍ଷାଳୟରେ ମୁକ୍ତିଲାଭ କରିବାକୁ ଯାଉଛି।
