ମୁମ୍ବାଇ,୨୩।୧୧: ମହାରାଷ୍ଟ୍ର ବିଧାନସଭା ନିର୍ବାଚନରେ ବିଜେପିର ବଡ଼ ଧରଣର ବିଜୟ । ରାଜ୍ୟର ଉପ-ମୁଖ୍ୟମନ୍ତ୍ରୀ ଦେବେନ୍ଦ୍ର ଫଡନାଭିସ୍ ବହୁ ବଡ଼ ନେତାଙ୍କ ସହ ମିଶି ଗଣମାଧ୍ୟମ ସହ ଆଲୋଚନା କରିଛନ୍ତି। ସେ ଏହା କହିଛନ୍ତି ଯେ, ଏହା ବିଜୟର ଏକତା। ଆମେ ସବୁ ଏକାଠି ମିଶି ନିର୍ବାଚନ ଲଢିଛୁ ଓ ଜନତା ମହାୟୁତିକୁ ଆର୍ଶିବାଦ ଦେଇଛନ୍ତି। ସେ ନିଜକୁ ଏହି ସମୟରେ ଆଧୁନିକ ଅଭିମନ୍ୟୁ ବୋଲି କହିଛନ୍ତି ।
ଫଡନାଭିସ୍ କହିଛନ୍ତି, ଆମେ ଫେକ ନ୍ୟାରେଟିଭ୍କୁ ଭାଙ୍ଗି ଦେଇଛୁ। ମୁଁ ଆଧୁନିକ ଯୁଗର ଅଭିମନ୍ୟୁ ଓ ଚକ୍ରବ୍ୟୁହକୁ ଭାଙ୍ଗିବା ଜାଣିଛି। ଉପ-ମୁଖ୍ୟମନ୍ତ୍ରୀ କହିଛନ୍ତି, ମହାରାଷ୍ଟ୍ରର ସବୁ ଲୋକ ମିଶିକି ଜିତାଇଛନ୍ତି। ଲାଡଲି ବେହନ ଓ ଲାଡଲି ଭାଇଙ୍କର ଆମକୁ ସମର୍ଥନ ମିଳିଛି। ଲୋକସଭା ନିର୍ବାଚନରେ ଯେଉଁ ଫେକ୍ ନ୍ୟାରେଟିଭ୍ ପ୍ରସ୍ତୁତ କରାଯାଇଛି, ଆମେ ତାକୁ ଭାଙ୍ଗି ଦେଇଛୁ।’
ବିଜେପି ଲିଡର କହିଛନ୍ତି, ଆମେ ତାଙ୍କର ଚକ୍ରବ୍ୟୁହକୁ ଭାଙ୍ଗି ଦେଇଛୁ, ଯାହା ଆମ ବିରୋଧରେ ରଚା ଯାଇଥିଲା। ଏହି ନିର୍ବାଚନରେ ଏକ ଧର୍ମ ବିଶେଷ ଧ୍ରୁବୀକରଣର ଚେଷ୍ଟା କରାଯାଇଥିଲା, କିନ୍ତୁ ସେ ସଫଳ ହୋଇନଥିଲେ। ଆମକୁ ସବୁ ସାଧୁ-ସନ୍ଥଙ୍କ ଆର୍ଶୀବାଦ ମିଳିଛି ଓ ସେମାନେ ଏକ ରହିବାକୁ ନିର୍ଦେଶ ଦେଇଛନ୍ତି। ଆମର ମୁଖ୍ୟମନ୍ତ୍ରୀ ଏକନାଥ ସିନ୍ଦେ, ଉପ-ମୁଖ୍ୟମନ୍ତ୍ରୀ ଅଜିତ ପାଓ୍ବାର ଓ ଛୋଟ ଦଳ ମଧ୍ୟ ମିଶିକି କାମ କରିଛନ୍ତି। ମହାୟୁତିର ହେଉଛି ଏହା ବିଜୟ। ମୁଁ ପ୍ରଧାନମନ୍ତ୍ରୀ ମୋଦିଙ୍କୁ କୃତଜ୍ଞତା ଜଣାଉଛି, ଯାହାଙ୍କ କାରଣରୁ ଆମକୁ ବିଜୟ ମିଳିଛି। ଏହାଛଡା ଗୃହମନ୍ତ୍ରୀ ଅମିତ ଶାହଙ୍କୁ ମଧ୍ୟ ଧନ୍ୟବାଦ ଜଣାଉଛି। ସେ ସମୟ ଦେଲେ ଓ ଆମେ ଜିତି ପାରିଲୁ।
