ଧଉଳି,୦୩/୧୦:ଆଜି ଧଉଳି ଶାନ୍ତି ସ୍ତୂପର ୫୨ତମ ପ୍ରତିଷ୍ଠା ଉତ୍ସବ । ଏଥିରେ ମୁଖ୍ୟମନ୍ତ୍ରୀ ମୋହନ ଚରଣ ମାଝୀ ଯୋଗଦେବାର କାର୍ଯ୍ୟକ୍ରମ ରହିଛି । ଏହି ପରିପ୍ରେକ୍ଷୀରେ ଶନିବାର ଦିନତମାମ ପ୍ରସ୍ତୁତି ସମୀକ୍ଷା ଓ ତଦାରଖ କରିଛନ୍ତି ଉଭୟ ପୁଲିସ ଓ ଜିଲ୍ଲା ପ୍ରଶାସନ । ଏହା ବ୍ୟତିତ ଦିନରେ ୨ଥର ଏକାମ୍ର ବିଧାୟକ ବାବୁ ସିଂ ମଧ୍ୟ ପ୍ରତ୍ୟେକ୍ଷ ଭାବେ ପ୍ରସ୍ତୁତି କାର୍ଯ୍ୟ ତଦାରଖ କରିଛନ୍ତି । କାର୍ଯ୍ୟକ୍ରମରେ ଦେଶ ବିଦେଶରୁ ଅନେକ ବୌଦ୍ଧ ସନ୍ୟାସୀ ଯୋଗଦେବେ ବୋଲି ପର୍ଯ୍ୟଟନ ବିଭାଗ ଉପନିର୍ଦ୍ଦେଶକ ରଞ୍ଜନ ବାରିକ କହିଛନ୍ତି ।
ସେ କହିଛନ୍ତି, ଐତିହ୍ୟସ୍ଥଳୀ ଧଉଳିର ଗୌରବ ଓ ଗୁରୁତ୍ୱ ଓଡ଼ିଆ ଜାତି ଭଲ ଭାବେ ଅଙ୍ଗାଙ୍ଗି ଭାବେ ବୁଝିଛି । ତେଣୁ ଏହି ମାଟିକୁ ସବୁ ସରକାର ପ୍ରାଧାନ୍ୟ ଦେଉଛନ୍ତି । ଏଥର ଏହି ପ୍ରତିଷ୍ଠା ଉତ୍ସବରେ ଯୋଗଦେବାକୁ ଆମେ ମୁଖ୍ୟମନ୍ତ୍ରୀଙ୍କୁ ସ୍ୱତନ୍ତ୍ର ଭାବେ ଜଣାଇଥିଲୁ । ସେ ମଧ୍ୟ ଏହି ଭବ୍ୟ କାର୍ଯ୍ୟକ୍ରମରେ ଯୋଗଦେବାକୁ ସମ୍ମତି ଜଣାଇଛନ୍ତି । ଶନିବାର ପ୍ରସ୍ତୁତି ସମୀକ୍ଷା କାର୍ଯ୍ୟକ୍ରମରେ ଜିଲ୍ଲାପାଳ ଚଞ୍ଚଳ ରାଣା, ଅତିରିକ୍ତ ଜିଲ୍ଲାପାଳ ରୁଦ୍ର ନାରାୟଣ ମହାନ୍ତି, ଜୋନ ୨ ଏସିପି କୃଷ୍ଣଚନ୍ଦ୍ର ପଲେଇ, ଧଉଳି ଥାନା ଏସ୍ଆଇ ରବୀନ୍ଦ୍ର ନାଥ ପାତ୍ରଙ୍କ ସମେତ ଅନେକ ଅଧିକାରୀ ଯୋଗ ଦେଇଥିଲେ ।
