ପ୍ରମୂଖ ଖବର
  • କେନ୍ଦ୍ରାପଡ଼ା ଜିଲ୍ଲା ପଟ୍ଟାମୁଣ୍ଡାଇ ଥାନା ଅଧୀନ ଚଉଦକୁଲାଟ ପାଳରେ ଜନୈକ ନାବାଳକର ମୃତଦେହ ଉଦ୍ଧାର
  • ||
  • ମୋହନା ଥାନା ମଲ୍ଲିପଦର ଗାଁର ବ୍ରହ୍ମଣ ସିଂ ହତ୍ୟା ଘଟଣାରେ ୧୪ବର୍ଷ ପରେ ତୃତୀୟ ଅଭିଯୁକ୍ତ ଗିରଫ
  • ||
  • ବାଲେଶ୍ୱର : ଗେମ୍‌ ଖେଳିବାକୁ ବାରଣ କଲେ ମାଆ; ଗଛରେ ରଶି ଲଗାଇ ଝୁଲିପଡ଼ିଲେ ଯୁବକ
  • ||
  • ବାଙ୍ଗିରିପୋଷି : ଦ୍ୱାରଶୁଣି ଘାଟିରେ ୫୦ ଫୁଟ ଖାଲକୁ ଖସିଲା ଟ୍ରକ୍, ଚାଳକ ମୃତ
  • ||
  • ଗ୍ରୀସ୍‌ରେ ପୁଣି ଶକ୍ତିଶାଳୀ ଭୂକମ୍ପ ଝଟକା ; ତୀବ୍ରତା ୬.୧ ରେକର୍ଡ, ସୁନାମି ଆଲର୍ଟ ଜାରି
  • ||
  • ୫୦୦୦ ଲାଞ୍ଚ ନେଇ ଧରାପଡ଼ିଲେ ତିଗିରିଆ ଥାନା ASI, ଏକକାଳୀନ ୩ ଟି ସ୍ଥାନରେ ଚଢାଉ
  • ||
  • ୱାଶିଂଟନ ଡିସିରେ ୨ ଇସ୍ରାଏଲ ଦୂତାବାସ ଅଧିକାରୀଙ୍କୁ ଗୁଳି କରି ହତ୍ୟା
  • ||
  • ଭୁବନେଶ୍ୱର : ରାଜଧାନୀରୁ ବ୍ରାଉନ ସୁଗର ବେପାରୀ ଗିରଫ; ୩୫ ଲକ୍ଷ ଟଙ୍କାର ଧଳାଜହର ଜବତ
  • ||
  • IPL 2025: ଆଜି ସୁପରଜାଏଣ୍ଟ୍‌ସ ପାଇଁ ପ୍ରସ୍ତୁତ ଟାଇଟନ୍ସ, ଲକ୍ଷ୍ୟ ଶ୍ରେଷ୍ଠ ୨ରେ ସ୍ଥାନ
  • ||
  • ରାଜଗାଙ୍ଗପୁର : ଅବକାରୀ ବିଭାଗ ଚଢଉ ବେଳେ ଭାଟି କର୍ମଚାରୀଙ୍କୁ ଗ୍ରାମବାସୀଙ୍କ ଆକ୍ରମଣ, ୫ ଆହତ
  • ||
  • ରାହାଡ଼ପୁର ପାହାଡ଼ରୁ ଖସିଲା କମ୍ପ୍ରେସର: ଜଣେ ମୃତ, ଜଣେ ଆହତ
  • ||
  • ସୋର ପୁଲିସକୁ ଖୋଲା ଚ୍ୟାଲେଞ୍ଜ; ବନ୍ଧୁକ ମୁନରେ ଲକ୍ଷାଧିକ ଟଙ୍କାର ଅଳଙ୍କାର ଲୁଟିନେଲେ ଦୁର୍ବୃତ୍ତ
  • ||
  • ଓଡ଼ିଶାକୁ ଫେରିଲା କରୋନା: ଭୁବନେଶ୍ୱରରେ ଜଣେ ଆକ୍ରାନ୍ତ ଚିହ୍ନଟ
  • ||
  • ଯାଜପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ, ୪ ପ୍ରକଳ୍ପର ଉଦ୍‌ଘାଟନ ସହ ୧୨ ଭିତ୍ତିପ୍ରସ୍ତର ସ୍ଥାପନ କରିବେ
  • ||
  • କଟକ : ଗୋଡିସାହି ପୁରୀ ମେନ୍ କେନାଲ ବନ୍ଧ ରାସ୍ତାରେ ଦୁର୍ଘଟଣା, ହାଇୱା ଧକ୍କାରେ ୨ ମୃତ
  • ||
  • ରାଜ୍ୟରେ ପ୍ରଚଣ୍ଡ ତାତି ସାଙ୍ଗକୁ ଗୁଳୁଗୁଳି, ଆଜି ୧୧ ଜିଲ୍ଲାକୁ ଆଲର୍ଟ ଜାରି: ୨୩ରୁ କାଳବୈଶାଖୀ ଆଶଙ୍କା
  • ||

ପଶ୍ଚିମବଙ୍ଗ ରାଜନୀତି ସରଗରମ, ପତ୍ନୀଙ୍କ ସହ ମମତା ବାନାର୍ଜୀଙ୍କୁ ଭେଟିଲେ ଦିଲୀପ ଘୋଷ

Published By : Tapas Panda | April 30, 2025 10:39 PM

Image Courtesy: tv9hindi

କୋଲକାତା: ଦୀଘାରେ ବୁଧବାର ଜଗନ୍ନାଥ ମନ୍ଦିର ପ୍ରତିଷ୍ଠା ଅବସରରେ ପୂର୍ବତନ ପଞ୍ଚିମବଙ୍ଗ ବିଜେପି ସଭାପତି ଏବଂ ପୂର୍ବତନ ସାଂସଦ ଦିଲୀପ ଘୋଷ ମମତା ବାନାର୍ଜୀଙ୍କୁ ଭେଟିଛନ୍ତି । ଦିଲୀପ ଘୋଷ ତାଙ୍କ ପତ୍ନୀଙ୍କ ସହ ମମତା ବାନାର୍ଜୀଙ୍କ ପାଖରେ ବସିଥିଲେ। ସେ ଜଣେ ପୂର୍ବତନ ସାଂସଦ ଏବଂ ସାଂସଦ ପଦ ମଧ୍ୟ ହରାଇଛନ୍ତି। ତଥାପି ତାଙ୍କୁ ରାଜ୍ୟ ବିଜେପିର ଅନ୍ୟତମ ଚେହେରା ଭାବରେ ବିବେଚନା କରାଯାଏ। 

ମମତାଙ୍କୁ ଦିଲୀପ ଘୋଷଙ୍କ ସାକ୍ଷାତ ରାଜ୍ୟ ରାଜନୀତିକୁ ଉଷ୍ମ କରିଛି । ଦିଲୀପ ଘୋଷ ମନ୍ଦିର ପ୍ରବେଶ କରୁଥିବା ସମୟରେ ତାଙ୍କ ସହିତ ରାଜ୍ୟ ମନ୍ତ୍ରୀ ଅରୂପ ବିଶ୍ୱାସ ଥିଲେ। କୁନାଲ ଘୋଷ ମଧ୍ୟ ସେଠାରେ ଉପସ୍ଥିତ ଥିଲେ। ଦିଲୀପ ଘୋଷ ତାଙ୍କ ପତ୍ନୀ ରିଙ୍କୁ ମଜୁମଦାରଙ୍କ ସହିତ ସିଧା ମନ୍ଦିରକୁ ଯାଇଥିଲେ । ସେ ଜଗନ୍ନାଥ ପ୍ରତିମାଙ୍କୁ ଦର୍ଶନ କରିଥିଲେ । କଥା ଏତିକିରେ ଶେଷ ହୋଇନଥିଲା, ମମତା ବାନାର୍ଜୀ ନିଜେ ଦିଲୀପଙ୍କୁ ମନ୍ଦିର ପରିସରରେ ଥିବା ଏକ କୋଠରୀକୁ ଡାକିଥିଲେ। 

ମମତା, ଦିଲୀପ ଏବଂ ରିଙ୍କୁ ସୋଫାରେ ପରସ୍ପର ପାଖରେ ବସିଥିଲେ । ସେମାନେ କିଛି ସମୟ ପାଇଁ କଥାବାର୍ତ୍ତା କରିଥିଲେ। ମମତାଙ୍କ କୋଠରୀରେ ପହଞ୍ଚିବା ମାତ୍ରେ ଦିଲୀପ ଘୋଷ ପଚାରିଲେ, ‘ଆପଣ କେତେବେଳେ ଆସିଲେ?’ ମମତା କହିଲେ, ‘ମୁଁ ଏଠାରେ ତିନି ଦିନ ହେଲା ବସିଛି।’ ଦିଲୀପ ଘୋଷ କହିଲେ ଯେ ଏତେ ବଡ଼ ଅଞ୍ଚଳରେ ମନ୍ଦିର ନିର୍ମିତ ହୋଇଥିବା ଦେଖି ସେ ଖୁସି। 

ମମତା ବାନାର୍ଜୀ ଏବଂ ଦିଲୀପ ଘୋଷଙ୍କ ସାକ୍ଷାତକୁ ନେଇ ରାଜ୍ୟ ରାଜନୀତି ସରଗରମ ହୋଇଛି । ରାଜ୍ୟ ସଭାପତି ସୁକାନ୍ତ ମଜୁମଦାର ଏବଂ ମୁଖ୍ୟ ବିରୋଧୀ ଦଳ ନେତା ଶୁଭେନ୍ଦୁ ଅଧିକାରୀଙ୍କ ପ୍ରତିକ୍ରିୟାରେ ଅସନ୍ତୋଷ ସ୍ପଷ୍ଟ ବାରି ହୋଇଛି । ଦିଲୀପ ଘୋଷଙ୍କ ନାମ ନନେଇ ଶୁଭେନ୍ଦୁ ଅଧିକାରୀ କହିଛନ୍ତି ଯେ, ମୁଁ କାହାର ବ୍ୟକ୍ତିଗତ କାର୍ଯ୍ୟ ଉପରେ ମନ୍ତବ୍ୟ ଦେବି ନାହିଁ । ମୁଁ କେବଳ ଜଣେ ବ୍ୟକ୍ତିଙ୍କ ମନ୍ତବ୍ୟର ଉତ୍ତର ଦିଏ, ଜଣେ ବ୍ୟକ୍ତିଙ୍କ ମନ୍ତବ୍ୟକୁ ଖଣ୍ଡନ କରେ, ଜଣେ ବ୍ୟକ୍ତିଙ୍କ ମନ୍ତବ୍ୟରେ ଥିବା ତ୍ରୁଟିକୁ ଦର୍ଶାଏ ଏବଂ ଜଣେ ବ୍ୟକ୍ତିଙ୍କ ମିଛକୁ ବିରୋଧ କରିଥାଏ। ତାଙ୍କର ନାମ ମମତା ବାନାର୍ଜୀ ।

ସୁକାନ୍ତ ମଜୁମଦାର ସ୍ପଷ୍ଟ କରିଛନ୍ତି ଯେ, ଦଳ ଜଗନ୍ନାଥ ଧାମର ଉଦଘାଟନୀ ଉତ୍ସବରେ ଦିଲୀପଙ୍କ ଉପସ୍ଥିତିକୁ ଅନୁମତି ଦେଇନାହିଁ । ସୁକାନ୍ତ କହିଛନ୍ତି, ‘ଦଳ ବିଶ୍ୱାସ କରେ ଯେ ମୁର୍ଶିଦାବାଦରେ ହିନ୍ଦୁମାନଙ୍କୁ ଯେପରି ମାଡ଼ ମରାଯାଇଥିଲା, ମନ୍ଦିର ଭାଙ୍ଗି ଦିଆଯାଇଥିଲା ଏବଂ ଘର ପୋଡ଼ି ଦିଆଯାଇଥିଲା, ତାହା ପରେ ସେଠାକୁ (ଦୀଘା ଜଗନ୍ନାଥ ଧାମ) ଯିବା ସେମାନଙ୍କ ପାଇଁ ଅସମ୍ମାନ।’ ତେଣୁ ବିଜେପି ନିଷ୍ପତ୍ତି ନେଇଥିଲା ଯେ, ଆମ ମଧ୍ୟରୁ କେହି ଉଦଘାଟନୀ ସମାରୋହକୁ ଯିବେ ନାହିଁ। ସେ ବ୍ୟକ୍ତିଗତ ଭାବରେ ଯାଇଥିଲେ।’ ସୁକାନ୍ତ ଏଠାରେ ଅଟକି ନଥିଲେ ଏବଂ ଏକ 'ଗୁରୁତ୍ୱପୂର୍ଣ୍ଣ' ମନ୍ତବ୍ୟ ଦେଇଥିଲେ, ‘ମୁଁ ଶୁଣିଛି ଯେ ତାଙ୍କ ପତ୍ନୀଙ୍କୁ ମଧ୍ୟ ବ୍ୟକ୍ତିଗତ ଭାବରେ ନିମନ୍ତ୍ରଣ କରାଯାଇଥିଲା।’

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.