ତୁମୁଡିବନ୍ଧ,୧୨/୦୧: ଭିନ୍ନକ୍ଷମଙ୍କୁ ସଶକ୍ତୀକରଣ ଓ ସ୍ୱାବଲମ୍ବୀ କରି ମୂଖ୍ୟ ସ୍ରୋତରେ ସାମିଲ କରିବା ପାଇଁ ସରକାର ବିଭିନ୍ନ ଯୋଜନା କରିଛନ୍ତି । ଏହି କ୍ରମରେ ଭିନ୍ନକ୍ଷମ ସୁରେନ୍ଦ୍ର ବେରୁକଙ୍କୁ ରାଜ୍ୟ ସରକାରଙ୍କ ତରଫରୁ ମିଳିଛି ଏକ ବ୍ୟାଟେରୀ ଚାଳିତ ତିନି ଚକିଆ ଅଟୋ ରିକ୍ସା। ଏହାକୁ ନେଇ ସୁରେନ୍ଦ୍ରଙ୍କ ପରିବାର ବର୍ଗ ଖୁସି ଅନୁଭବ କରିଛନ୍ତି ।
,ସୂଚନା ମୁତାବକ, ଦୀର୍ଘ ଦିନ ଧରି ଭିନ୍ନକ୍ଷମ ସୁରେନ୍ଦ୍ର ଯିବା ଆସିବା ପାଇଁ ବାଉଁଶ ବାଡ଼ିକୁ ସାହାରା କରିଥିଲେ। ଏଥିପାଇଁ ତାଙ୍କୁ ବହୁ ଅସୁବିଧାର ସମ୍ମୁଖୀନ ହେବାକୁ ପଡୁଥିଲା। ଗାଡି ଖଣ୍ଡିଏ ପାଇଁ ବ୍ଲକ ଓ ପଞ୍ଚାୟତକୁ ଦୌଡ଼ି ଦୌଡ଼ି ନିରାଶ ହୋଇଥିଲେ। ଏବେ କିନ୍ତୁ ସରକାରଙ୍କ ଭିନ୍ନକ୍ଷମ ସଶକ୍ତୀକରଣ ଯୋଜନାରେ ତାଙ୍କୁ ଏହି ଯାନ ଯୋଗାଇ ଦିଆଯାଇଛି । ଏଥିପାଇଁ ସହଯୋଗର ହାତ ବଢ଼ାଇଥିବାରୁ ସେ ତୁମୁଡିବନ୍ଧ ବ୍ଲକ ବିଜେପି ସଭାପତି ସରମେଶ୍ୱର ମାଝୀ, ମଣ୍ଡଳ ଉପଦେଷ୍ଟା ରବିଚନ୍ଦ୍ର ପାତ୍ର, ସାଂସଦ ପ୍ରତିନିଧି ପୂର୍ଣ୍ଣ ଚନ୍ଦ୍ର ପାଢ଼ୀ, ବରିଷ୍ଠ କର୍ମୀ ବଳଭଦ୍ର ରାଉତ, ପ୍ରମୁଖଙ୍କୁ ଧନ୍ୟବାଦ ଦେଇଛନ୍ତି ।
