ନୂଆଦିଲ୍ଲୀ : ପିସ୍ ବୋର୍ଡର ଔପଚାରିକ ଘୋଷଣା କରିଛନ୍ତି ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ। ଆଜି (ଗୁରୁବାର) ଡାଭୋସରେ ବିଶ୍ୱ ଅର୍ଥନୈତିକ ଫୋରମର ବାର୍ଷିକ ବୈଠକ ଅବସରରେ ଟ୍ରମ୍ପ ଏହି ଘୋଷଣା କରିଛନ୍ତି। ଏହି ସମୟରେ ଭାରତ ମଞ୍ଚରେ ଉପସ୍ଥିତ ନଥିଲା। ଭାରତ ଏହି ପଦକ୍ଷେପରେ ଯୋଗଦେବା ପାଇଁ ନିମନ୍ତ୍ରଣ ପାଇଥିଲା, କିନ୍ତୁ ଏପର୍ଯ୍ୟନ୍ତ ଆନୁଷ୍ଠାନିକ ଭାବରେ ପ୍ରସ୍ତାବକୁ ଗ୍ରହଣ କିମ୍ବା ପ୍ରତ୍ୟାଖ୍ୟାନ କରିନାହିଁ। ହେଲେ ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ ସ୍ୱାକ୍ଷର ସମାରୋହରେ ଉପସ୍ଥିତ ଥିଲେ।
ମଞ୍ଚରୁ ଦୁଇଜଣ କାହାକୁ ଇଙ୍ଗିତ କରିଥିଲେ?
ଟ୍ରମ୍ପଙ୍କ ପିସ୍ ବୋର୍ଡରେ ସ୍ୱାକ୍ଷର କରିବା ସମୟରେ, ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ ଆମେରିକା ରାଷ୍ଟ୍ରପତିଙ୍କ କାନରେ କିଛି କହିଥିଲେ। ତା'ପରେ ଦୁଇ ନେତା ସାମ୍ନାରେ ଥିବା ଭିଡ଼କୁ ଇଙ୍ଗିତ କରି ହସିଥିଲେ। ଆମେରିକା ସହ ନିକଟତର ହେବାରେ ପାକିସ୍ତାନର ପ୍ରଧାନମନ୍ତ୍ରୀ ଶାହବାଜ ସରିଫ କୌଣସି ସୁଯୋଗ ହାତଛଡ଼ା କରୁନଥିବା ଦେଖିବାକୁ ମିଳିଛି।
ବିଶ୍ୱବ୍ୟାପୀ ଯୁଦ୍ଧ ସମାଧାନରେ ସାହାଯ୍ୟ କରିବ: ଟ୍ରମ୍ପ
ଉନ୍ମୋଚନ ସମାରୋହକୁ ସମ୍ବୋଧିତ କରି ଟ୍ରମ୍ପ ବୋର୍ଡକୁ ବିଶ୍ୱ ପାଇଁ ଏକ ଅନନ୍ୟ ପଦକ୍ଷେପ ବୋଲି ବର୍ଣ୍ଣନା କରିଥିଲେ। ବୋର୍ଡର ଘୋଷଣାପତ୍ରରେ ସ୍ୱାକ୍ଷର କରିବା ପାଇଁ ଆୟୋଜିତ ଉତ୍ସବରେ ସେ କହିଥିଲେ, "ଏହି ବୋର୍ଡ, ଜାତିସଂଘ ସହିତ ମିଶି, କେବଳ ପଶ୍ଚିମ ଏସିଆରେ ନୁହେଁ ବରଂ ଅନ୍ୟ ସ୍ଥାନରେ ମଧ୍ୟ ଯୁଦ୍ଧ ସମାଧାନ କରିବାରେ ସାହାଯ୍ୟ କରିପାରିବ।
ଆମେରିକା ପିସ୍ ବୋର୍ଡର ଉଦ୍ଦେଶ୍ୟ…
ଗାଜା ଏବଂ ବାହାରେ ଶାନ୍ତି ଏବଂ ସ୍ଥିରତା ଆଣିବା ପାଇଁ ଆମେରିକା ଦ୍ୱାରା ଟ୍ରମ୍ପଙ୍କ "ପିସ୍ ବୋର୍ଡ"କୁ ଏକ ନୂତନ ଅନ୍ତର୍ଜାତୀୟ ସଂସ୍ଥା ଭାବରେ ଉପସ୍ଥାପିତ କରାଯାଉଛି। ଏହି ପଦକ୍ଷେପ ଦ୍ୱାରା ଅନୁମାନ କରାଯାଉଛି ଯେ "ପିସ୍ ବୋର୍ଡ" ଜାତିସଂଘର ପ୍ରତିଦ୍ୱନ୍ଦ୍ୱୀ ଭାବରେ ଉଭା ହୋଇପାରେ।
ଏହା ସହ ପଢନ୍ତୁ : ପ୍ରମେୟ ଡିଜିଟାଲର ସ୍ୱତନ୍ତ୍ର ଲାଇଭ୍ ସୋ ‘ମେଡିକାଲ ଆଷ୍ଟ୍ରୋ’: ଫୋନ୍ କରି ବାସ୍ତୁ ଓ ଆପଣଙ୍କ ସ୍ୱାସ୍ଥ୍ୟ ସଂପର୍କରେ ଜାଣନ୍ତୁ...
