ନୂଆଦିଲ୍ଲୀ,୦୩/୦୪: ଅଧିକ ଟିକସ ଲଗାଉଥିବା ଦେଶ ତାଲିକାରେ ଭାରତକୁ ଅନ୍ତର୍ଭୁକ୍ତ କରିଛି ଆମେରିକା । ଭାରତ ଉପରେ ରେସିପ୍ରୋକାଲ ଟାରିଫ ଲାଗୁ କରିଛି ଆମେରିକା । ମେକ ଆମେରିକା ଓ୍ବେଲଦି ଏଗେନ କାର୍ଯ୍ୟକ୍ରମରରେ ଭାରତ ସମେତ ବିଶ୍ବର ଅନ୍ୟ ଦେଶ ଉପରେ ପାଲଟା ଶୁଳ୍ପ ଲଗାଇଛି ଟ୍ରମ୍ପ ପ୍ରଶାସନ । ୨୭ ପ୍ରତିଶତ ଡିସକାଉଣ୍ଟେଡ ରେସିପ୍ରୋକାଲ ଟାରିଫ୍ ଆମେରିକା ଲଗାଇଛି ।
ତେବେ ଭାରତ ଉପରେ ଶୁଳ୍କ ଲଗାଇବାକୁ ନେଇ ଡୋନାଲ୍ଡ ଟ୍ରମ୍ପ କହିଛନ୍ତି, ''ନିକଟରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆମେରିକା ଗସ୍ତରେ ଆସିଥିଲେ । ସେ ମୋର ଜଣେ ଭଲ ବନ୍ଧୁ, କିନ୍ତୁ ସେ ଆମ ସହ ଠିକ୍ ବ୍ୟବହାର କରୁନାହାଁନ୍ତି । ସେମାନେ ଆମ ଉପରେ ୫୨% ଶୁଳ୍କ ଲଗାଇଛନ୍ତି। କିନ୍ତୁ ଆମେ ବର୍ଷ ବର୍ଷ ଏବଂ ଦଶନ୍ଧି ଧରି ଆପଣଙ୍କଠାରୁ କୌଣସି ଶୁଳ୍କ ନେଇନାହୁଁ । ସାତ ବର୍ଷ ପୂର୍ବେ ଯେତେବେଳେ ମୁଁ ଶାସନକୁ ଆସିଥିଲି ସେତେବେଳେ ଆମେ ଚୀନଠାରୁ ଏହା ଆରମ୍ଭ କରିଥିଲୁ। କିନ୍ତୁ ଏହା ହେଉଛି ମୁକ୍ତି ଦିବସ, ଲମ୍ବା ସମୟ ପ୍ରତିକ୍ଷାର ଅନ୍ତ ଘଟିଛି । ୨ ଏପ୍ରିଲ ୨୦୨୫ ଚିରଦିନ ପାଇଁ ସ୍ମରଣୀୟ ହୋଇ ରହିବ । କାହିଁକିନା ଏହା ଏପରି ଏକ ଦିନ ଯାହା ଆମେରିକାର ଶିଳ୍ପର ପୁନଃଜନ୍ମ ନେଇଥିଲା । ଆମେ ଆମେରିକାକୁ ଭଲ ଏବଂ ଧନୀ କରିବାକୁ ଯାଉଛୁ । ଆମେରିକାର ସାମଗ୍ରୀ ଉପରେ ଶୁଳ୍କ ଲାଗୁ କରୁଥିବା ଦେଶମାନଙ୍କ ଉପରେ କଡ଼ା ନଜର ରଖାଯାଉଥିବା" କହିଛନ୍ତି ଟ୍ରମ୍ପ ।
ଏହା ମଧ୍ୟ ପଢନ୍ତୁ- ୱାକଫ୍ ବିଲ୍ ବିରୁଦ୍ଧରେ ରାଜ୍ୟସଭାରେ ଭୋଟ ଦେବ ବିଜେଡି: ସଂସଦ ସସ୍ମିତ ପାତ୍ର
ଟ୍ରମ୍ପ ଆହୁରି ମଧ୍ୟ କହିଛନ୍ତି ଯେ, " ଆମେରିକା ଅନ୍ୟ ଦେଶକୁ ମୋଟର ସାଇକେଲ ଉପରେ ମାତ୍ର ୨.୪ ପ୍ରତିଶତ ଶୁଳ୍କ ଆଦାୟ କରୁଛି। ଥାଇଲ୍ୟାଣ୍ଡ ଏବଂ ଅନ୍ୟ ଦେଶମାନେ ୬୦% ରୁ ଅଧିକ ଶୁଳ୍କ ଆଦାୟ କରୁଛନ୍ତି । ଭାରତ ୭୦%, ଭିଏତନାମ ୭୫% ଶଳ୍କ ଲଗାଇଛି । ଆଜି ପର୍ଯ୍ୟନ୍ତ ଆମେରିକା ୨.୫% ଶୁଳ୍କ ଲଗାଇଛି । ଏହି ଶୁଳ୍କ ଘୋଷଣା କରିବାବେଳେ ଟ୍ରମ୍ପ ଏକ ଚାର୍ଟ ଧରିଥିଲେ ଯେଉଁଥିରେ ଭାରତ, ଚୀନ୍, ବ୍ରିଟେନ ଏବଂ ୟୁରୋପୀୟ ୟୁନିଅନ ଭଳି ଦେଶ ଶୁଳ୍କ ଦର୍ଶାଇଥିଲେ । ଏଥିସହ ଏହି ଦେଶଗୁଡିକ ବର୍ତ୍ତମାନ ଶୁଳ୍କ ଦେବାକୁ ପଡିବ ବୋଲି କହିଥିଲେ । ତେବେ ଭାରତ ସମେତ ୨୫ ଦେଶ ଉପରେ ଟାରିଫ ଲଗାଇଛି ଆମେରିକା ।
