ପ୍ରମୂଖ ଖବର
  • ସିବିଏସ୍‌ଇର ନୂଆ ନିୟମ, ବହି ଦେଖି ପରୀକ୍ଷା ଦେବେ ଶିକ୍ଷାର୍ଥୀ, ୨୦୨୬-୨୭ ଶିକ୍ଷାବର୍ଷରୁ ହେବ କାର୍ଯ୍ୟକାରୀ
  • ||
  • ମୋହନା ଥାନା କୁଙ୍କୁଣୀ ଗାଁରେ ଚାଞ୍ଚଲ୍ୟ, ସ୍ତ୍ରୀକୁ କାତିରେ ହାଣି ମାରିଲା ସ୍ୱାମୀ, ଅଭିଯୁକ୍ତ ଥାନାରେ ଅଟକ
  • ||
  • ଆମେରିକା ଉପରେ ପାଲଟା ଟାରିଫ ଲଗାଇପାରେ ଭାରତ, କିଛି ସାମଗ୍ରୀ ଉପରେ ଲାଗୁ ହୋଇପାରେ ୫୦% ଶୁଳ୍କ
  • ||
  • ରାଇଘର ନର୍ସିଂ ଛାତ୍ରୀ ମୃତ୍ୟୁ ଘଟଣା, ନ୍ୟାୟ ଦାବିରେ ବିଜେଡ଼ି ପକ୍ଷରୁ ୧୨ ଘଣ୍ଟିଆ ହରତାଳ
  • ||
  • ଓଟିଇଟି ପ୍ରଶ୍ନପତ୍ର ଲିକ୍‌, ଆଜିଠୁ ୨ ଦିନିଆ ରିମାଣ୍ଡରେ ୨ ଅଭିଯୁକ୍ତ
  • ||
  • ଆଜି ଆରବସାଗରରେ ଭାରତ-ପାକିସ୍ତାନର ସମରାଭ୍ୟାସ, ଦୁଇ ଦେଶର ନୌସେନା ଦେଖାଇବେ ଶକ୍ତି
  • ||
  • ୧୩ରେ ଲଘୁଚାପ, କାଲିଠୁ ବଡ଼ ବର୍ଷା: ତିନି ଦିନ ପ୍ରବଳ ବର୍ଷା ନେଇ ପାଣିପାଗ ବିଭାଗର ଆଲର୍ଟ ଜାରି
  • ||

ଟ୍ରମ୍ପଙ୍କ ମନମାନୀକୁ ନେଇ ଆମେରିକାରେ ଘମାସାନ, ରାଷ୍ଟ୍ରପତିଙ୍କ ଟାରିଫ୍ ପାଓ୍ବାରକୁ ନେଇ କୋର୍ଟ କରିବେ ଶୁଣାଣି

Published By : Harapriya Biswal | July 31, 2025 5:47 PM

ନୂଆଦିଲ୍ଲୀ,୩୧।୭: ଆମେରିକା ରାଷ୍ଟ୍ରପତି ଡୋନାଲ୍ଡୋ ଟ୍ରମ୍ପ ଗତ କିଛି ଦିନ ହେବ ବହୁ ଦେଶ ଉପରେ ଟାରିଫ୍ ଘୋଷଣା କରୁଛନ୍ତି। ବୁଧବାର ଭାରତ ଉପରେ ସେ ୨୫% ଟାରିଫ ଲଗାଇବାର ଘୋଷଣା କରିଥିଲେ। ପାଲେଷ୍ଟାଇନକୁ ସ୍ବତନ୍ତ୍ର ରାଷ୍ଟ୍ର ମାନ୍ୟତା ଦେବା ନେଇ କାନାଡାର ଘୋଷଣା ପରେ ବାଣିଜ୍ୟ ଚୁକ୍ତି ନେଇ ଟ୍ରମ୍ପ ଧମକ ଦେଇଥିଲେ। ଟ୍ରମ୍ପଙ୍କ ମନମାନୀ ଟାରିଫ୍ ଘୋଷଣାକୁ ନେଇ ଆମେରିକାରେ ଏବେ ଚାଲିଛି ଘମାସାନ। ଗୁରୁବାର ଆମେରିକାର ଏକ କୋର୍ଟ ଏହି କଥା ଉପରେ ନିଷ୍ପତ୍ତି ନେବେ ଟ୍ରମ୍ପ ବିଦେଶୀ ଜିନିଷ ଉପରେ ଆମଦାନୀ ଶୁଳ୍କ ଲଗାଇ ନିଜର ସମ୍ବିଧାନିକ ଅଧିକାରର ଉଲଂଘନ କରିଛନ୍ତି କି ନାହିଁ ? ଆମେରିକାର ୧୨ ରାଜ୍ୟ ଓ ଛୋଟ ବେପାରୀ ଟ୍ରମ୍ପଙ୍କ ଟାରିଫ୍ ପାଓ୍ବାରକୁ ଆନ୍ଦୋଳନରେ ଚ୍ୟାଲେଞ୍ଜ କରିଛନ୍ତି। 

ଟ୍ରମ୍ପ ଅପ୍ରେଲ ଓ ଫେବୃଆରୀରେ ଚୀନ୍, କାନାଡା, ମେକ୍ସିକୋ ଓ ଅନ୍ୟ ବହୁ ଦେଶରୁ ଆସୁଥିବା ଉତ୍ପାଦ ଉପରେ ଭାରି ଟାରିଫ୍ ଲଗାଇ ଦେଇଥିଲେ। ତାଙ୍କର ଯୁକ୍ତି ଥିଲା, ଏହି ପଦକ୍ଷେପ ଆମେରିକାର ଅର୍ଥବ୍ୟବସ୍ଥା, ଚାକିରୀ ଓ ଡ୍ରଗ୍ସର ତସ୍କରୀର ମୁକାବିଲା ପାଇଁ ଜରୁରୀ। କିନ୍ତୁ ଏବେ ଏହି ନିଷ୍ପତ୍ତି ନେଇ ଆଇନଗତ ସମସ୍ୟାରେ ପଡିଛନ୍ତି। ଟ୍ରମ୍ପ ଏହି ନିଷ୍ପତ୍ତି ବିରୋଧରେ ଆମେରିକାର ୧୨ ଡେମୋକ୍ରାଟିସ୍ ଶାସିତ ରାଜ୍ୟ ଓ ୫ ଛୋଟ ବାଣିଜ୍ୟ ସଂଗଠନ କୋର୍ଟରେ ଆବେଦନ ଦାଖଲ କରିଛନ୍ତି। ତାଙ୍କର କହିବା ଅନୁସାରେ, ରାଷ୍ଟ୍ରପତିଙ୍କୁ ଏଭଳି ଏକାକୀ ନିଷ୍ପତ୍ତି ନେବାର ଅଧିକାର ନାହିଁ। ସମ୍ବିଧାନ ଅନୁସାରେ, ଟ୍ୟାକ୍ସ ଓ ଟାରିଫ୍ ସମ୍ପର୍କିତ ଅଧିକାର କେବଳ ସଂସଦ ପାଖରେ ରହିଛି। 

ଟ୍ରମ୍ପ ଆଇଇଇପିଏମ୍ ନାମକ ଏକ ପୁରୁଣା ଆଇନର ବ୍ୟବହାର କରାଯାଇଛି। ଯାହାକୁ ଜରୁରୀକାଳୀନ ସ୍ଥିତିରେ ଶତ୍ରୁ ଦେଶ ଉପରେ କଟକଣା ଲଗାଇବା ପାଇଁ ଅଣାଯାଇଥିଲା। ଏହି ଆଇନ ୧୯୭୭ ରେ ତିଆରି ହୋଇଥିଲା। କିନ୍ତୁ ଟାରିଫ୍ ଲଗାଇବା ପାଇଁ ଏହାର ପ୍ରଥମ ବ୍ୟବହାର ହୋଇଥିଲା। ଟ୍ରମ୍ପଙ୍କ କହିବା ଅନୁସାରେ, ଏହା ଜାତୀୟ ଜରୁରୀକାଳୀନ ସ୍ଥିତି। କାରଣ ଆମେରିକା ବାଣିଜ୍ୟରେ ପ୍ରବଳ କ୍ଷତି ସହି ସାରିଛି। ଏହା ପୂର୍ବରୁ ମଇରେ ନିମ୍ନ ଅଦାଲତ କହିଥିଲେ, ଟ୍ରମ୍ପ ଟାରିଫ୍ ଲଗାଇ ନିଜ ଅଧିକାର ସୀମାକୁ ଉଲଂଘନ କରୁଛନ୍ତି। କୋର୍ଟ ସ୍ପଷ୍ଟ ଭାବରେ କହିଛନ୍ତି, ଆଇଇଇପିଏ ଭଳି ଆଇନର ବ୍ୟବହାର କେବଳ ‘ସତ ଜରୁରୀ ସ୍ଥିତି’ରେ କରାଯାଉଛି। ନା କି ପୁରୁଣା ବାଣିଜ୍ୟରେ କ୍ଷତି ଭଳି ମାମଲା। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.