ନୂଆଦିଲ୍ଲୀ, ୨୫।୧: ରାତି ପାହିଲେ ଗଣତନ୍ତ୍ର ଦିବସ ପାଳିବ ସାରା ଦେଶ । ଏଥିପାଇଁ ଜୋରସୋରରେ ପ୍ରସ୍ତୁତି ଚାଲିଛି । ଏହି ଅବସରରେ ଜଳ-ସ୍ଥଳ-ବାୟୁ ତିନି ସେନା ନିଜ କସରତ୍ ଦେଖାଇବା ଲାଗି ଅଭ୍ୟାସ ଜାରି ରଖିଛନ୍ତି । ଏହାରି ଭିତରେ ଭାରତୀୟ ନୈସେନା ଏକ ବଡ଼ ସଫଳତା ହାସଲ କରିଛି । କହିରଖୁ କି, ଡିଆରଡିଓ ଓ ଭାରତୀୟ ନୈସେନା ଦ୍ୱାରା ପି8ଆଇ ବିମାନ ସାହାଯ୍ୟରେ ସ୍ୱଦେଶୀ ଡ୍ରପେବେଲ୍ କଣ୍ଟେନରର ସଫଳ ପରୀକ୍ଷଣ କରିଛି । ଏହି କଣ୍ଟେନର ଯୁଦ୍ଧ ସମୟରେ ସମୁଦ୍ରରେ ଆବଶ୍ୟକ ସାମଗ୍ରୀ ପରିବହନ କରିବ । ଯୁଦ୍ଧ ବେଳେ ସହାୟ ହେବ ।
ଅନ୍ୟପଟେ ଭାରତ ଦେଶ ସୀମାରେ ନିଜର ସ୍ଥିତି ମଜବୁତ୍ କରିବାକୁ ଲଗାତାର ପ୍ରୟାସ ଜାରି ରହିଛି । ଏୟାର ଡ୍ରପେବଲ୍ କଣ୍ଟେନରର ସଫଳ ପରୀକ୍ଷଣ ପରେ ନୌସେନା ଆହୁରି ଶକ୍ତିଶାଳୀ ହେବ । ଏହି କଣ୍ଟେନର ମାଧ୍ୟମରେ ସମୁଦ୍ରତଟରୁ ୨ ହଜାର କିମି ଓ ଏହାଠୁ ଅଧିକ ଦୂର ଯାଏ ଯୁଦ୍ଧପୋତକୁ ଜରୁରୀକାଳିନ ସାମଗ୍ରୀ ପହଞ୍ଚାଯିବ । ମିଳିଥିବା ସୂଚନାନୁସାରେ, ଏରୋନୋଟିକାଲ ଡେଭଲପମେଣ୍ଟ ଏଷ୍ଟାବ୍ଲିସମେଣ୍ଟ ବେଙ୍ଗାଲୁରୁ, ଓ ଆଗ୍ରା ମିଳିତ ଭାବେ ଏହି କଣ୍ଟେନରକୁ ପ୍ରସ୍ତୁତ କରିଛନ୍ତି । ଭାରତରେ ନିର୍ମାଣ ହୋଇଥିବା ଏୟାର ଡ୍ରପେବଲ କଣ୍ଟେନରର ପରୀକ୍ଷଣ ବେଳର ଭିଡିଓ ସୋସିଆଲ ମିଡିଆରେ ଭାଇରାଲ ହେଉଛି ।
Indigenously developed “Air Droppable Container” was successfully flight tested from P8I aircraft by DRDO and Indian Navy. The system will provide much needed capability of delivering critical stores and emergency supplies at sea during peacetime and combat operations pic.twitter.com/5QATFD6W1n
— DRDO (@DRDO_India) January 24, 2025
ଭାରତୀୟ ନୌସେନା ନିଜକୁ ଆହୁରି ଶକ୍ତିଶାଳୀ କରୁଛି । ଯେ କୌଣସି ପରିସ୍ଥିତିକୁ ନିୟନ୍ତ୍ରଣକୁ ଆଣିବାକୁ ଏକାଧିକ ପ୍ରୟାସ ଦାରି ରଖିଛି । ସମୁଦ୍ରତଟରେ ନୌସେନାକୁ ଆହୁରି ମଜବୁତ୍ କରିବାକୁ ପ୍ରୟାସ ଜାରି ରଖିଛନ୍ତି । ନିକଟରେ ଭାରତୀୟ ନୌସେନା ୮ ଦେଶ ସହ ସୈନ୍ୟ ଅଭ୍ୟାସ କରୁଛି । ଯେଉଁଥିରେ ଭାରତୀୟ ନୌସେନା ବ୍ୟତୀତ ଅଷ୍ଟ୍ରେଲିଆ ନୌସେନା, ଫ୍ରାନ୍ସ ନୌସେନା, ବ୍ରିଟେନ ନୌସେନା, ଆମେରିକା ନୌସେନା, ଇଣ୍ଡୋନେସିଆ ନୌସେନା, ମ୍ୟାଲେସିଆ ନୌସେନା, ସିଙ୍ଗାପୁର ଓ କାନାଡ଼ା ନୌସେନା ସାମିଲ ।
