ପ୍ରମୂଖ ଖବର
  • କଳାହାଣ୍ଡି : ଗାଁ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ ଆରମ୍ଭ
  • ||
  • ରାଇରଙ୍ଗପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଆଜି ପଣ୍ଡିତ ରଘୁନାଥ ମୁର୍ମୁଙ୍କ ଜୟନ୍ତୀ ଉତ୍ସବରେ ଯୋଗ ଦେବେ
  • ||
  • ଆଗାମୀ ୪ ଦିନ ପ୍ରଚଣ୍ଡ ତାତି: ବୁଧବାର ୪୫ ଡିଗ୍ରୀ ଛୁଇଁବ ପାରଦ, ତତଲା ଲୌହପିଣ୍ଡ ପାଲଟିବ ପଶ୍ଚିମ ଓଡ଼ିଶା
  • ||

ପାକିସ୍ତାନର କ୍ରିକେଟ ଷ୍ଟାଡିୟମ ନିକଟରେ ଡ୍ରୋନ୍ ଆଟାକ୍, ସନ୍ଧ୍ୟାରେ ଥିଲା PSL ମ୍ୟାଚ୍

Published By : Prameya | May 8, 2025 5:20 PM

ନୂଆଦିଲ୍ଲୀ,୮/୫ : ପାକିସ୍ତାନର ରାଓ୍ବଲପିଣ୍ଡିରେ ଡ୍ରୋନ୍ ଆଟାକ୍ । ଏହି ଆକ୍ରମଣ କ୍ରିକେଟ ଷ୍ଟାଡିୟମ ନିକଟରେ ହୋଇଛି । ଗୁରୁବାର ରାତି ଏହି ଷ୍ଟାଡିୟମରେ ପାକିସ୍ତାନ ସୁପର ଲିଗର ମ୍ୟାଚ୍ ଖେଳାଯିବାକୁ ଥିଲା। ରାଓ୍ବଲପିଣ୍ଡିରେ ଏହି ଡ୍ରୋନ୍ ଆଟାକ୍ ପରେ ଚାରିଆଡ଼େ ଆତଙ୍କ ଖେଳିଯାଇଛି ।

ରାଓ୍ବଲପିଣ୍ଡିର ଏହି ଷ୍ଟାଡିୟମରେ ଆଜି ରାତି ୮ଟା ସମୟରେ କରାଚୀ କିଙ୍ଗ୍ସ ଏବଂ ପେଶାଓ୍ବର ଜାଲ୍ମୀ ମଧ୍ୟରେ ମ୍ୟାଚ୍ ହେବାରେ ଥିଲା । ପାକିସ୍ତାନରେ ଚାଲୁଥିବା କ୍ରିକେଟ ଟୁର୍ଣ୍ଣାମେଣ୍ଟ ପିଏସଏଲ ୨୦୨୫ମଧ୍ୟରେ ଏହା ବି ଖବର ସାମ୍ନାକୁ ଆସୁଛି କି କେତେକ ଖେଳାଳୀ ଲିଗ୍ ଛାଡ଼ି ଯିବାକୁ ଚାହୁଁଛନ୍ତି । ଏହି ଡ୍ରୋନ୍ ଆଟାକ୍ ପରେ ପିଏସଏଲର ଏହି ମ୍ୟାଚ୍ ରଦ୍ଦ ବି କରାଯାଇପାରେ । କିନ୍ତୁ ଏବେ ଏହି ମ୍ୟାଚ୍ ରଦ୍ଦ ହେବାର କୌଣସି ସୂଚନା ସାମ୍ନାକୁ ଆସିନାହିଁ ।

ଭାରତୀୟ ସେନା ଅପରେସନ ସିନ୍ଦୂର ମାଧ୍ୟମରେ ପାକିସ୍ତାନକୁ ଜୋରଦାର୍ ଜବାବ ଦେଇଛି । ଭାରତୀୟ ସେନା ଏକ୍ସ ଆକାଉଣ୍ଟ ମାଧ୍ୟମରେ ଅପରେସନ ସିନ୍ଦୂରର ସଫଳ ହେବାର ସୂଚନା ଦେଇଛି । ସେନାର ଏହି ଆକ୍ରମଣରେ ପାକିସ୍ତାନର କେତେକ ଆତଙ୍କୀ ଗଡ଼ ନଷ୍ଟ ହୋଇଯାଇଛି । ଭାରତୀୟ ସେନା ଏହି ଅପରେସନରେ ପହଲଗାମ ଆକ୍ରମଣର ବଦଲା ନେଇଛି । ୨୨ଏପ୍ରିଲରେ କଶ୍ମୀର ଘାଟିର ପହଲଗାମରେ ଆତଙ୍କବାଦୀ ଆକ୍ରମଣ ହୋଇଥିଲା । ଯେଉଁଥିରେ ଭାରତର ୨୬ନିର୍ଦୋଶ ଲୋକଙ୍କ ମୃତ୍ୟୁ ହୋଇଥିଲା ।

 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.