ଗୌହାଟୀ,୧୦/୦୬: ଆସାମର କଚାର ଜିଲ୍ଲାରେ ବଡ଼ ଧରଣର ଅପରେସନ୍‌ରେ ପୁଲିସକୁ ସଫଳତା ମିଳିଛି । ବଡ଼ ଡ୍ରଗ୍ସ ନେଟ୍‌ୱାର୍କର ପର୍ଦ୍ଦାଫାସ୍ ହୋଇଛି । ୪୫ କୋଟି ଟଙ୍କାର ବିପୁଳ ଡ୍ରଗ୍ସ ଜବତ ହୋଇଛି । ଏଥିରେ ୪ଜଣ ଡ୍ରଗ୍ସ ମାଫିଆଙ୍କୁ ଗିରଫ କରିଛି ଆସାମ ପୁଲିସ । ଏ ଗ୍ୟାଙ୍ଗରେ ଆଉ କିଏ କିଏ ସାମିଲ ଅଛନ୍ତି ତାର ଖୋଳତାଡ ଜାରି ରହିଛି ।

ସୋମବାର ଡ୍ରଗ୍ସ କାରବାର ବିରୋଧରେ ବଡ଼ ଧରଣର ଅପରେସନ୍ ହୋଇଥିଲା । ଦୀର୍ଘ ଘଣ୍ଟାର ସର୍ଚ୍ଚ ପରେ ପୁଲିସକୁ ସଫଳତା ମିଳିଥିଲା । ଲଗାତାର ଦୁଇ ଚଢାଉରେ ୧.୫ ଲକ୍ଷ ଟାବଲେଟ ଜବତ ହୋଇଥିଲା । ଯାହାର ଆନୁମାନିକ ମୂଲ୍ୟ ପ୍ରାୟ ୪୫ କୋଟି ଟଙ୍କା ହେବ । ଘଟଣାରେ ୪ ଡ୍ରଗ୍ସ ମାଫିଆଙ୍କୁ ଗିରଫ କରିଛି କଚାର ପୁଲିସ । ଏତେ ବଡ଼ ଧଳାଜହର କାରବାର ପଛରେ ଆଉ କିଏ କିଏ ରହିଛନ୍ତି ତା'ର ଖୋଳତାଡ଼ ଜାରି ରହିଛି ।

ଏହାପୂର୍ବରୁ ମଣିପୁର ଏବଂ ମିଜୋରାମର ସୁରକ୍ଷାବାହିନୀଙ୍କ ଦ୍ୱାରା ୫.୭ କୋଟି ଟଙ୍କାରୁ ଅଧିକ ମୂଲ୍ୟର ଡ୍ରଗ୍ସ ଜବତ ହୋଇଥିଲା । ଜଣେ ପ୍ରତିରକ୍ଷା ମୁଖ୍ୟପାତ୍ର କହିଥିଲେ, ଆସାମ ରାଇଫଲ୍ସ ମଣିପୁରର ନୋନୀ ଜିଲ୍ଲାରୁ ଜଣେ ଡ୍ରଗ୍ସ ଚାଲାଣକାରୀଙ୍କୁ ଗିରଫ କରିବା ସହିତ ବିପୁଳ ବେଆଇନ ଡ୍ରଗ୍ସ ଜବତ କରିଥିଲେ । ସନ୍ଦିଗ୍ଧ ଡ୍ରଗ୍ସ ମାଫିଆ ଜାତୀୟ ରାଜପଥ-୩୭ ଦେଇ ଇମ୍ପାଲରୁ ଜିରିବାମକୁକୁ ଏକ ଟ୍ରକରେ ଯାଉଥିବାବେଳେ ଧରା ପଡ଼ିଥିଲେ । ସର୍ଚ୍ଚ ଅପରେସନ୍‌ ସମୟରେ ଡ୍ରଗ୍ସ ବ୍ୟବସାୟୀଙ୍କଠୁ ୫୬୯.୨୪ ଗ୍ରାମର ହେରୋଇନ୍‌ ଏବଂ ବିପୁଳ ପରିମାଣର ଆମ୍ଫେଟାଣାଇନ୍‌ ଟାବଲେଟ୍‌ ଜବତ ହୋଇଥିଲା । ଯାହାର ଆନୁମାନିକ ମୂଲ୍ୟ ୫କୋଟି ଟଙ୍କା ହେବ । ଡ୍ରଗ୍ସ ପଡୋଶୀ ମିଆଁମ୍ୟାରରୁ ଚୋରା ଚାଲାଣ କରାଯାଉଥିବା ଅନୁମାନ କରାଯାଇଥିଲା ।

ଆସାମ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ଏକ୍ସରେ ଖବର ବାବଦରେ କହିଛନ୍ତି, ''୪୫ କୋଟି ଟଙ୍କାର ଡ୍ରଗ୍ସ ଜବତ ହୋଇଛି । ଦୁଇ ସଫଳ ଡ୍ରଗ୍ସ କାରବାର ବିରୋଧୀ ଅଭିଯାନରେ କଚାର ପୁଲିସକୁ ସଫଳତା ମିଳିଛି । ଘଟଣାରେ ୪ ଜଣ ଗିରଫ ହୋଇଛନ୍ତି ।''

₹45 Crore of Drugs recovered

In two successful anti-narcotics operations, @cacharpolice seized 1.5 lakh Yaba tablets worth ₹45 crore in two back-to-back operations based on credible intelligence.

4 people were arrested in this regard.@assampolice stands firm in protecting… pic.twitter.com/IJ6ZDeugn4

— Himanta Biswa Sarma (@himantabiswa) June 9, 2025