ନୂଆଦିଲ୍ଲୀ,୦୫/୦୩: ମଣିପୁରରେ ଭୂକମ୍ପ ଝଟକା। ଆଜି ଦିନ ଦ୍ବିପହରରେ ମଣିପୁରରେ ଭୂକମ୍ପ ଝଟକା ଅନୁଭୂତ ହୋଇଛି। ଯାହାର ରିକ୍ଟର ସ୍କେଲରେ ତୀବ୍ରତା ୫.୬ ରେକର୍ଡ କରାଯାଇଛି । ଯଦିଓ ଏହି ଭୂକମ୍ପରେ କାହାର କୌଣସି କ୍ଷୟକ୍ଷତି ହୋଇଥିବା ନେଇ କୌଣସି ସୂଚନା ମିଳିନି । କିନ୍ତୁ ଏଥିରେ ଲୋକେ ଭୟଭୀତ ହୋଇଥିବା ଜଣାପଡ଼ିଛି ।
ଏହା ମଧ୍ୟ ପଢନ୍ତୁ- ମିଆଁମାରରେ ଭୂକମ୍ପ ଝଟକା,ରିକ୍ଟର ସ୍କେଲରେ ତୀବ୍ରତା ୪.୭ ରେକର୍ଡ
ନ୍ୟାସନାଲ ସେଣ୍ଟର ଫର୍ ସେସମୋଲୋଜି ଅନୁସାରେ, ଭୂକମ୍ପ କେନ୍ଦ୍ର ମଣିପୁରର ଚୋଙ୍ଗଦାନରୁ ୨୯ କିଲୋମିଟର ଦୂରରେ ଥିଲା । ସେହିପରି ମିଆଁମାରରେ ମଧ୍ୟ ଭୂକମ୍ପ ଝଟକା ଅନୁଭୂତ ହୋଇଛି । ଆଜି ସକାଳୁ ମିଆଁମାରରେ ମଧ୍ୟ ଭୂକମ୍ପ ହୋଇଥିଲା । ଯାହାର ରିକ୍ଟର ସ୍କେଲରେ ତୀବ୍ରତା ୪.୭ ରେକର୍ଡ କରାଯାଇଥିଲା । ଏଥିରେ ମଧ୍ୟ କ୍ଷୟକ୍ଷତି ହେବା ନେଇ କୌଣସି ସୂଚନା ନାହିଁ । ନିକଟ ଅତୀତରେ ଭାରତ ଏବଂ ବିଶ୍ବରେ ଅନେକ ଛୋଟ ବଡ଼ ଭୂମିକମ୍ପ ଲୋକଙ୍କ ମନରେ ଭୟ ସଞ୍ଚାର କରିଛି । ଗତ ଦୁଇ ମାସରେ ଦିଲ୍ଲୀ-ଏନସିଆର, ହରିଆଣା, ଫରିଦାବାଦ,ଆଫଗାନିସ୍ତାନ, ପାକିସ୍ତାନ, ତିବ୍ବତ, ବିହାର ଓ ନେପାଳରେ ଭୂକମ୍ପ ହୋଇଛି । ସେହିପରି ଗତ ୨୦୨୪ ମସିହାରେ ସମସ୍ତ ଦେଶରେ ଭୂକମ୍ପ ହୋଇଥିଲା ।
