ଦୈନନ୍ଦିନ ଜୀବନର ବ୍ୟସ୍ତବହୁଳତା ମଧ୍ୟରେ, ଆମ ମଧ୍ୟରୁ ଅନେକ ଲୋକ ରାତି ୯ଟାରେ କିମ୍ବା ରାତି ୧୦ଟା ପରେ ରାତ୍ରିଭୋଜନ ଖାଆନ୍ତି । ଯେତେବେଳେ ଓଜନ ବୃଦ୍ଧି ପାଏ, ଆମେ ଭାବିବା ଆରମ୍ଭ କରିଥାଉ ଯେ, ଆମେ କେଉଁଠି ଭୁଲ କରୁଛି ? ହେଲେ କ'ଣ ଆପଣ ଜାଣନ୍ତି ଯେ, ଓଜନ ହ୍ରାସ କରିବା ପାଇଁ ଆପଣଙ୍କର ପ୍ରଥମ ଅଭ୍ୟାସ ରାତିରେ ଶୀଘ୍ର ରାତ୍ରିଭୋଜନ ଖାଇବା ଉଚିତ । ଏହା କେବଳ ଏକ "ଡାଏଟ୍ ଟିପ୍ସ" ନୁହେଁ, ବରଂ ଏହା ପଛରେ ସ୍ୱାସ୍ଥ୍ୟ ବିଶେଷଜ୍ଞଙ୍କ ବୈଜ୍ଞାନିକ ଆଧାର ଏବଂ ପରାମର୍ଶ ରହିଛି । କିଛି ଲୋକ ଭାବନ୍ତି ଯେ, ସମୟ ପ୍ରଭାବ ପକାଇଥାଏ ନାହିଁ । କିନ୍ତୁ ବାସ୍ତବତା ସମ୍ପୂର୍ଣ୍ଣ ଭିନ୍ନ। ତେଣୁ ଆସନ୍ତୁ ଜାଣିବା କିପରି ଶୀଘ୍ର ରାତ୍ରିଭୋଜନ କରିବା ଦ୍ୱାରା ଓଜନ ହ୍ରାସ ପାଇପାରେ ଏବଂ ଏହାର ପ୍ରକୃତ କାରଣ କ'ଣ?
ଆମ ଶରୀରରେ ଏକ ନ୍ୟାଚୁରାଲ କ୍ଲକ୍ ରହିଛି, ଯାହାକୁ "ସରକାଡିଆନ୍ ରିଦମ୍" କୁହାଯାଏ । ଏହି ଘଣ୍ଟା ଆମର ଖାଇବା, ଶୋଇବା ଏବଂ ଉଠିବା ସମୟକୁ ନିୟନ୍ତ୍ରଣ କରେ । ଯଦି ଆମେ ଶୀଘ୍ର ରାତ୍ରୀ ଭୋଜନ କରିବା ଅର୍ଥାତ୍ ରାତି ୮ଟା ସୁଦ୍ଧା, ତେବେ ଆମର ପାଚନ କ୍ରିୟା ଭଲ ଭାବରେ କାମ କରେ ଏବଂ ଚର୍ବି ଜମା ହୁଏ ନାହିଁ, ଯାହା ଓଜନ ହ୍ରାସ କରିବାରେ ସାହାଯ୍ୟ କରେ।
ବିଳମ୍ବିତ ରାତିରେ ରାତ୍ରି ଭୋଜନ-
ଯଦି ଆପଣ ରାତି ୧୦ଟା କିମ୍ବା ୧୧ଟାରେ ଖାଆନ୍ତି, ତେବେ ଶରୀର ଖାଦ୍ୟ ହଜମ କରିବା ପାଇଁ ପର୍ଯ୍ୟାପ୍ତ ସମୟ ପାଏ ନାହିଁ। ଶୋଇବା ପରେ ତୁରନ୍ତ ପାଚନ ପ୍ରକ୍ରିୟା ଧୀର ହୋଇଯାଏ ଏବଂ ଖାଦ୍ୟ ଶରୀରରେ ଚର୍ବି ଭାବରେ ଜମା ହେବା ଆରମ୍ଭ କରେ। ଏହା ଧୀରେ ଧୀରେ ଓଜନ ବୃଦ୍ଧି ପାଏ ଏବଂ ସ୍ଥୂଳତା ଏକ ବଡ଼ ସମସ୍ୟା ହୋଇପାରେ।
ଶୀଘ୍ର ଖାଇବା ଦ୍ଵାରା ଭଲ ନିଦ ହୁଏ-
ଯେତେବେଳେ ଆପଣ ଠିକ୍ ସମୟରେ ଖାଆନ୍ତି, ଶୋଇବା ସମୟରେ ଆପଣଙ୍କ ଶରୀର ହାଲୁକା ଅନୁଭବ ହୁଏ । ଏହା ଗଭୀର ନିଦ ଆଣିଥାଏ ଏବଂ ନିଦର ଗୁଣବତ୍ତା ଉନ୍ନତ କରିଥାଏ । ଭଲ ନିଦ ଓଜନ ହ୍ରାସ କରିବାରେ ବହୁତ ସହାୟକ ହୋଇଥାଏ, କାରଣ ଏହା ହରମୋନ ସନ୍ତୁଳନ ବଜାୟ ରଖେ।
ଶୀଘ୍ର ଖାଇବା ଦ୍ୱାରା, ଖାଦ୍ୟ ସହଜରେ ହଜମ ହେଇଯାଏ । ବଦହଜମୀ, ଗ୍ୟାସ୍ ଏବଂ ଭାରୀ ହେବା ଭଳି ସମସ୍ୟା ଦେଖାଯାଏ ନାହିଁ, ଯାହା ଫଳରେ ପରଦିନ ମଧ୍ୟ ସତେଜ ଆରମ୍ଭ ହୁଏ । ଏହା ସହିତ ଆପଣ ସକାଳେ ଶୀଘ୍ର ଉଠି ବ୍ୟାୟାମ କିମ୍ବା ଯୋଗ କରିପାରିବେ, ଯାହା ଓଜନ ହ୍ରାସ ପ୍ରକ୍ରିୟାକୁ ତ୍ୱରାନ୍ୱିତ କରିଥାଏ ।
ଗବେଷଣା କ’ଣ କହୁଛି ?
ଅନେକ ଅଧ୍ୟୟନରୁ ଜଣାପଡିଛି ଯେ, ଯେଉଁମାନେ ସନ୍ଧ୍ୟା ୭ଟା ପୂର୍ବରୁ ରାତ୍ରିଭୋଜନ କରନ୍ତି ସେମାନଙ୍କର ମେଟାବୋଲିଜିମ୍ ଦ୍ରୁତ ହୋଇଥାଏ ଏବଂ ଅନ୍ୟମାନଙ୍କ ତୁଳନାରେ ସେମାନଙ୍କର ଓଜନ ଶୀଘ୍ର ହ୍ରାସ ପାଏ। ଏହା ବ୍ୟତୀତ ଇନସୁଲିନ୍ ସ୍ତର ନିୟନ୍ତ୍ରଣରେ ରହିଥାଏ, ଯାହା ମଧୁମେହ ଭଳି ରୋଗର ଆଶଙ୍କା ମଧ୍ୟ ହ୍ରାସ କରିଥାଏ।
