ନୂଆଦିଲ୍ଲୀ,୭।୮: ପ୍ରବର୍ତ୍ତନ ନିର୍ଦ୍ଦେଶାଳୟ (ED) 'ଗୁଣ୍ଡା' ଭଳି କାର୍ଯ୍ୟ କରିପାରିବ ନାହିଁ। ଏହାକୁ ଆଇନର ପରିସର ମଧ୍ୟରେ କାମ କରିବାକୁ ପଡିବ। ପ୍ରିଭେନସନ୍ ଅଫ୍ ମନି ଲଣ୍ଡରିଂ ଆକ୍ଟ  (PMLA) ଅନୁଯାୟୀ ମାମଲାଗୁଡ଼ିକରେ ଦଣ୍ଡବିଧାନ ହାର କମ ଥିବା ନେଇ ସୁପ୍ରିମକୋର୍ଟର ବିଚାରପତି ଉଜ୍ଜଲ ଭୂୟାଁ ଗୁରୁବାର ଏହା  କହିଛନ୍ତି ।  PMLA ମାମଲାରେ ଦଣ୍ଡବିଧାନ ହାର ୧୦%  ରୁ କମ୍ ଥିବା ଦର୍ଶାଇ ଜଷ୍ଟିସ ଭୂୟାଁ କହିଛନ୍ତି ,କୋର୍ଟ କେବଳ ଲୋକଙ୍କ ସ୍ୱାଧୀନତା ପାଇଁ ନୁହେଁ ବରଂ EDର ପ୍ରତିଛବି ବିଷୟରେ ମଧ୍ୟ ଚିନ୍ତିତ।

ଖଣ୍ଡପୀଠ ବିଜୟ ମଦନଲାଲ ଚୌଧୁରୀ ମାମଲାରେ ୨୦୨୨ ମସିହାର ରାୟ ବିରୁଦ୍ଧରେ ହୋଇଥିବା ପୁଃନ ବିଚାର ଆବେଦନଗୁଡ଼ିକର ଶୁଣାଣି କରି ଏହା କହିଛନ୍ତି।  ଶୁଣାଣି ସମୟରେ, ଆଡିସନାଲ ସଲିସିଟର ଜେନେରାଲ ଏସଭି ରାଜୁ କହିଥିଲେ, ଅଭିଯୁକ୍ତଙ୍କୁ ECIR  କପି ପ୍ରଦାନ କରିବା ପାଇଁ କୌଣସି ବାଧ୍ୟତାମୂଳକ ନୁହେଁ। ASG ଆହୁରି କହିଥିଲେ ଯେ ମୁଖ୍ୟ, ଅଭିଯୁକ୍ତ କେମ୍ୟାନ୍ ଦ୍ୱୀପପୁଞ୍ଜ ଭଳି ସ୍ଥାନକୁ ପଳାଇଯିବା ପରେ ତଦନ୍ତକାରୀମାନେ ଯାଞ୍ଚ କରିବାରେ ଅକ୍ଷମ।

ଏହାର ଉତ୍ତରରେ ଜଷ୍ଟିସ୍ ଭୂୟାଁ କହିଥିଲେ,  ଆପଣ ଜଣେ ଗୁଣ୍ଡା ବଦମାସ ଭଳି କାମ କରିପାରିବ ନାହିଁ, ଆଇନର ୪ କୋଣ ମଧ୍ୟରେ କାମ କରିବାକୁ ପଡିବ। ମୁଁ  ଏକ କୋର୍ଟ କାର୍ଯ୍ୟରେ ଦେଖିଛି ଯେ, ଆପଣମାନେ ପ୍ରାୟ ୫୦୦୦ ଇସିଆଇଆର ଦାଖଲ କରିଛନ୍ତି। ତେବେ ଦୋଷୀ ସାବ୍ୟସ୍ତ ହେବାର ପରିମାଣ ୧୦% ରୁ କମ୍... ତେଣୁ ଆମେ ଜୋର ଦେଉଛୁ, ଆପଣ ନିଜର ତଦନ୍ତରେ ସୁଧାର କରନ୍ତୁ। ଆମେ ଲୋକଙ୍କ ସ୍ୱାଧୀନତା ବିଷୟରେ କଥା ହେଉଛୁ। ଆମେ EDର ପ୍ରତିଛବି ବିଷୟରେ ମଧ୍ୟ ଚିନ୍ତିତ। ଯଦି ଲୋକମାନେ ୫-୬ ବର୍ଷର ନ୍ୟାୟିକ ହାଜତ ଶେଷରେ ନିର୍ଦ୍ଦୋଷ ପାଆନ୍ତି ତେବେ ଏହାର ମୂଲ୍ୟ କିଏ ଦେବ?  ASG କହିଛନ୍ତି ଯେ PMLA ମାମଲାରେ ଦୋଷମୁକ୍ତ ହେବାର ସଂଖ୍ୟା ବହୁତ କମ୍। PMLA ମାମଲାର ବିଚାର ଖୁବ୍ ବିଳମ୍ବିତ ହେଉଛି। କାରଣ ପ୍ରଭାବଶାଳୀ ଅଭିଯୁକ୍ତମାନେ ଶୁଣାଣୀକୁ ବିଳମ୍ବିତ କରିବା ପାଇଁ ବିଭିନ୍ନ ପର୍ଯ୍ୟାୟରେ ଅନେକ ଓକିଲଙ୍କୁ ନିଯୁକ୍ତି  ଦେଇ ଆବେଦନ ପରେ ଆବେଦନ ଦାଖଲ କରୁଛନ୍ତି। ସଂଘ ଆଇନ ଅଧିକାରୀ କହିଛନ୍ତି, ତଦନ୍ତକାରୀମାନେ ମଧ୍ୟ ‘ଖୁବ୍ ଅକ୍ଷମ’ ।