ନୂଆଦିଲ୍ଲୀ,୦୯/୦୧: ଦିଦି-ଇଡ଼ି ଲଢେଇ ଦିଲ୍ଲୀରେ ପହଞ୍ଚିଛି । କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କ ବାସଭବନ ଆଗରେ ଇଡ଼ି ରେଡ୍ ବିରୋଧରେ ଟିଏମସି ସାଂସଦ ବିରୋଧ ପ୍ରଦର୍ଶନ କରିଛନ୍ତି । ଏହି ସମୟରେ ପୁଲିସ୍ ସହ ସାଂସଦଙ୍କ ମଧ୍ୟରେ ଧସ୍ତାଧସ୍ତି ହୋଇଥିଲେ । ଟିଏସି ଇଡି ବିରୋଧରେ ଗର୍ଜନ କରୁଥିବାବେଳେ ମହୁଆ ମୋଇତ୍ରାଙ୍କ ସମେତ ୮ ସାଂସଦଙ୍କୁ ପୁଲିସ୍ ଉଠାଇ ନେଇଛି । ଗତକାଲି କୋଲକାତା I-PAC ଅଫିସରେ ଚଢାଉ ହୋଇଥିଲା ଯାହାକୁ ଟିଏମସି ବିରୋଧ କରିଥିଲା ।
ପ୍ରବର୍ତ୍ତନ ନିର୍ଦ୍ଦେଶାଳୟ (ଇଡି) ଏବଂ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କ ମଧ୍ୟରେ ବଡ଼ ଧରଣର ଛକାପଞ୍ଝା ଦେଖିବାକୁ ମିଳିଛି । ଇଡି ଏକ ମନିଲଣ୍ଡରିଂ ଏବଂ କୋଇଲା ଚୋରା ଚାଲାଣ ମାମଲାରେ ପଲିଟିକାଲ କନ୍ସଲ୍ଟାଣ୍ଟ ଫାର୍ମ ଆଇ-ପାକ୍ ଅଫିସ୍ ଏବଂ ତାହାର ନିର୍ଦ୍ଦେଶକ ପ୍ରତୀକ ଜୈନଙ୍କ ଘରେ ଚଢ଼ଉ କରିଥିଲା । ପ୍ରତୀକ ହେଉଛନ୍ତି ମମତାଙ୍କ ପାର୍ଟି ଟିଏମ୍ସିର ଆଇଟି ସେଲ ମୁଖ୍ୟ । ତେଣୁ ଇଡିର ଏହି ଚଢ଼ଉ ରାଜନୈତିକ ଉଦ୍ଦେଶ୍ୟ ପ୍ରଣୋଦିତ ବୋଲି ମମତା କହିଛନ୍ତି । ଏହାକୁ ନେଇ ମମତା ଏବଂ ଇଡି ମୁହାଁମୁହିଁ ହୋଇଛନ୍ତି । ଏପରିକି ଇଡି ଚଢ଼ଉ ବାହାନାରେ ଟିଏମ୍ସିର ଦସ୍ତାବିଜ୍ ସବୁ ଚୋରି କରିଥିବା ମମତା ଅଭିଯୋଗ ଆଣିଛନ୍ତି । ଇଡ଼ିର ଏହି କାର୍ଯ୍ୟାନୁଷ୍ଠାନକୁ ବିରୋଧ କରି ଆଜି ଟିଏମ୍ସି ସାଂସଦ କେନ୍ଦ୍ର ଗୃହମନ୍ତ୍ରୀ ଅମିତ୍ ଶାହଙ୍କ ଅଫିସ୍ ଆଗରେ ବିକ୍ଷୋଭ ପ୍ରଦର୍ଶନ କରିଛନ୍ତି । ଏହି ସମୟରେ ପୁଲିସ୍ ଓ ସାଂସଦଙ୍କ ମଧ୍ୟରେ ମୁହାଁମୁହିଁ ପରିସ୍ଥିତି ଉପୁଜିଥିଲା । ମହୁଆ ମୋଇତ୍ରାଙ୍କ ସମେତ ୮ ସାଂସଦଙ୍କୁ ଟେକି ଟେକି ନେଇଯାଇଛି ପୁଲିସ୍
#WATCH | Delhi | Detained TMC MPs brought to Parliament Street police station, following their protest outside Union Home Minister Amit Shah's Office pic.twitter.com/SaYmgEAeYn
— ANI (@ANI) January 9, 2026
ପ୍ରଦର୍ଶନ ବେଳେ ଟିଏମସି ସାଂସଦ ଡାରେକ୍ ଓ ବରେନ ଏବଂ ମହୁଆ ମୋଇତ୍ରାଙ୍କୁ ପୁଲିସ୍ ଟେକି ନେଇଛି । ଏହି ସମୟରେ ମହୁଆ କହିଛନ୍ତି କି, ଯାହା କରିବା କଥା କର ଆମେ ବିଜେପିକୁ ହରାଇ କି ମାନିବୁ । ଲୋକ ଦେଖନ୍ତୁ ନିର୍ବାଚିତ ସଦସ୍ୟ ଏମପିଙ୍କୁ କିପରି ଭାବେ ଦିଲ୍ଲୀ ପୁଲି୍ସ ଘୋଷଡ଼ି ନେଉଛି । ସାଂସଦଙ୍କ ସହ ଏ କିପରି ବ୍ୟବହାର ହେଉଛି ଜନତା ଦେଖନ୍ତୁ । ସେହିପରି ଟିଏମସି ସାଂସଦ କୀର୍ତ୍ତି ଆଜାଦ କହିଛନ୍ତି, "ଇଡି ଭୁଲ ଉପାୟରେ ଚଢାଉ କରିଛି, ଏବଂ ଏହା ଅଗଣତାନ୍ତ୍ରିକ ଉପାୟରେ ନିର୍ବାଚନ ଜିତିବାର ଏକ ପ୍ରୟାସ, ବିଜେପି ଏହିପରି ନିର୍ବାଚନ ଜିତିବ ନାହିଁ ।"
#WATCH | Delhi | TMC MP Kirti Azad says, "ED conducted the raids in a wrong way, and this is an attempt to win the elections in an undemocratic manner, BJP will not win the elections this manner..." https://t.co/qLa9j5jKKd pic.twitter.com/svmFWy0dg7
— ANI (@ANI) January 9, 2026
ଇଡି ପଶ୍ଚିମବଙ୍ଗର କୋଲକାତା ସମେତ ୬ ସ୍ଥାନ ଏବଂ ଦିଲ୍ଲୀର ୪ ଠିକଣାରେ ଚଢ଼ଉ କରିଥିଲା । କୋଲକାତାରେ ଛାନ୍ଭିନ୍ ବେଳେ ପ୍ରତୀକ ଘରେ ହିଁ ରହିଥିଲେ । ପ୍ରଥମେ କୋଲକାତା ପୁଲିସ କମିଶନର ପ୍ରତୀକଙ୍କ ବାସଭବନରେ ପହଞ୍ଚିଥିଲେ । ଏହାର କିଛି ସମୟ ପରେ ନିଜେ ମମତା ଲାଉଡିନ୍ ଷ୍ଟ୍ରିଟ୍ ସ୍ଥିତ ତାଙ୍କ ଘରେ ପହଞ୍ଚି ଯାଇଥିଲେ । ସେଠାରେ ମମତା କିଛି ସମୟ ରହିଥିଲେ । ବାହାରକୁ ବାହାରିବା ବେଳେ ତାଙ୍କ ହାତରେ ଏକ ସବୁଜ ରଙ୍ଗର ଫାଇଲ, ଲାପ୍ଟପ ଏବଂ ଫୋନ୍ ରହିଥିଲା । ଏହା ପରେ ମମତା ଆଇ-ପାକ୍ ଅଫିସ୍ ବି ଯାଇଥିଲେ । ଗଣମାଧ୍ୟମକୁ ସମ୍ବୋଧନ କଲାବେଳେ ମମତା କହିଥିଲେ, ସ୍ୱରାଷ୍ଟ୍ର ମନ୍ତ୍ରୀ ଇଡି ମାଧ୍ୟମରେ ମୋ ପାର୍ଟିର ଦସ୍ତାବିଜ୍ ଉଠାଉଛନ୍ତି । ମମତା ଆହୁରି କହିଥିଲେ, ଟିଏମ୍ସି ଆଇଟି ମୁଖ୍ୟଙ୍କ ଘରେ ଇଡି ଚଢ଼ଉ ରାଜନୈତିକ ପ୍ରତିଶୋଧମୂଳକ କାର୍ଯ୍ୟ । ଯଦି ମୁଁ ବିଜେପି ଅଫିସ୍ରେ ଚଢ଼ଉ କରିବି ତେବେ କ’ଣ ହେବ? ନିର୍ବାଚନ ନାଁରେ ସେମାନେ ମୋ ପାର୍ଟିର ସମସ୍ତ ତଥ୍ୟ ଏକାଠି କରୁଛନ୍ତି ।
