ଚନ୍ଦାହାଣ୍ଡି ୨୮/୦୨ ନବରଙ୍ଗପୁର ଜିଲ୍ଲା ଚନ୍ଦାହାଣ୍ଡି ବ୍ଲକ ଆମ୍ଭେଦକର ନାଗରିକ ମଞ୍ଚର   ବରିଷ୍ଠ ସଦସ୍ୟ  କ୍ଷେମରାଜ ବାଘ ଏବଂ ପାନାବେଡା ଗଣ୍ଡା ସମାଜର ସଭାପତି  ନରେଶ୍ୱର ବେଶ୍ରାଙ୍କ ନେତୃତ୍ବରେ ଶୁକ୍ରବାର ଦିନ ବିଧାୟକ ପ୍ରତିନିଧି ପ୍ରତାପ ବାଘଙ୍କୁ   ସାଂସଦ ପ୍ରତିନଧି ବସନ୍ତ ମାଝି ଏବଂ ବିଜେପି କର୍ମୀଙ୍କ ଚପଲ ମାଡ଼ ଘଟଣାର ପ୍ରତିବାଦ କରାଯାଇଛି। ନାଗରିକ ମଞ୍ଚ ଏବଂ ଗଣ୍ଡା ସମାଜର ଶତାଧିକ ସଦସ୍ୟ ଚନ୍ଦାହାଣ୍ଡି ସଦର ଦୋକାନ ବଜାର ବନ୍ଦ କରିବା ସହ ଚନ୍ଦାହାଣ୍ଡି ଥାନା ଘେରାଉ କରିଥିଲେ l ଏହା ସହ ନବରଙ୍ଗପୁର ସାଂସଦ ବଳଭଦ୍ର ମାଝିଙ୍କ କୁଶପୁତୁଳିକା ଦାହ କରିବା ସହ ଉତ୍ୟକ୍ତ ଆନ୍ଦୋଳନକାରୀ ମାନେ ସାଂସଦ ବଳଭଦ୍ର ମାଝି ଏବଂ ସାଂସଦ ପ୍ରତିନଧି ବସନ୍ତ ମାଝିଙ୍କ ଫୋଟୋ ଚିତ୍ରରେ ଚପଲ ମାଡ଼ କରିବା ସହ ସାଂସଦ ପ୍ରତିନିଧି ଏବଂ ଦଳୀୟ କର୍ମୀଙ୍କ ବିରୁଦ୍ଧରେ ବିଧାୟକ ପ୍ରତିନିଧି ପ୍ରତାପ ବାଘ ଏକ ଲିଖିତ ଅଭିଯୋଗ ଦେଇଥିଲେ l 

 ବିଜେପି ଦଳ ମଧ୍ୟରେ ଏବାବଦରେ ଆଲୋଚନା ହେବା ପରେ କେସ ପଞ୍ଜିକୃତ କରାଯିବ ବୋଲି ବିଧାୟକ ପ୍ରତିନିଧି ଥାନା ଅଧିକାରୀଙ୍କୁ କହିଥିବା ନେଇ ଥାନା ଅଧିକାରୀ ପ୍ରଶାନ୍ତ କୁମାର କୋଲର୍ସ ଗଣମାଧ୍ୟମକୁ ପ୍ରକାଶ କରିଛନ୍ତି l ଏହା ଦଳୀୟ କନ୍ଧଳ ଏହାକୁ ଦଳ ମଧ୍ୟରେ ନିଷ୍ପତି ହେବା ପରେ ଯାହାବି ନିଷ୍ପତି ନେବେ ବୋଲି ବିଧାୟକ ପ୍ରତିନିଧି ପ୍ରତାପ ବାଘ ସୂଚନା ଦେଇଛନ୍ତି l ଏହାକୁ ନେଇ ଗଣ୍ଡା ସମାଜ ମଧ୍ୟରେ ଅସନ୍ତୋଷ ଦେଖାଦେଇଛି । 

ପ୍ରକାଶ ଥାଉକି ଗତ ଗୁରୁବାର ଦିନ ଠିକା କାମକୁ ନେଇ ବ୍ଲକ ସମ୍ମୁଖରେ ବିଧାୟକ ପ୍ରତିନିଧି ପ୍ରତାପ ବାଘଙ୍କୁ ସାଂସଦ ପ୍ରତିନିଧି ବସନ୍ତ ମାଝିଙ୍କ ସମେତ ବିଜେପି ଦଳୀୟ କର୍ମୀ ମାନେ ଆକ୍ରମଣ କରିବା ସହ ଚପଲରେ ପିଟିଥିଲେ l ଏହାକୁ ନେଇ ବିଭିନ୍ନ ମହଲରେ ତୀବ୍ର ପ୍ରତିକ୍ରିୟା ପାଇଥିବା ସହ ଏକ ଅସନ୍ତୋଷର ବାତାବରଣ ଦେଖାଦେଇଥିଲା।