କର୍ଲାମୁଣ୍ଡା, ୨୧/୧ : କଳାହାଣ୍ଡି ଜିଲ୍ଲା କର୍ଲାମୁଣ୍ଡା ବ୍ଲକର ବିଜାପାଟି ଓ ରିଂଜା ଅଞ୍ଚଳରେ ହାତୀପଲଙ୍କ ଉପଦ୍ରବ। ସ୍ଥାନୀୟ ଅଞ୍ଚଳରେ ୪୪ଟି ହାତୀ ଥିବା ଏକ ପଲ ବୁଲି ଡାଲି ଜାତୀୟ ଓ ଧାନ ଫସଲ ନଷ୍ଟ କରୁଛନ୍ତି। ଯାହାକୁ ନେଇ ଚାଷୀମାନେ ଆତଙ୍କିତ ଅବସ୍ଥାରେ ଅଛନ୍ତି। ଖୁବଶୀଘ୍ର ହାତୀପଲଙ୍କୁ ଘଉଡ଼ାଇବା ପାଇଁ ଦାବି କରିଛନ୍ତି।
ଏହି ଖବରଟିକୁ ପଢନ୍ତୁ-ସାଧାରଣତନ୍ତ୍ର ଦିବସ କାର୍ଯ୍ୟକ୍ରମ ପାଇଁ ଅତିଥି ତାଲିକା : କଟକରେ ମୁଖ୍ୟମନ୍ତ୍ରୀ... ଖୋର୍ଦ୍ଧା ଏବଂ ପୁରୀରେ ପତାକା ଉତ୍ତୋଳନ କରିବେ ୨ ଉପମୁଖ୍ୟମନ୍ତ୍ରୀ
ସୂଚନାନୁଯାୟୀ, ମ. ରାମପୁର ରେଞ୍ଜ୍ ଏ.ସି.ଏଫ ଅଶୀତ କୁମାର ଦାସ, ମଦନପୁର ବନପାଳ ସମ୍ପଦ କୁମାର, ସୁରୁଜୁଲି ବନରକ୍ଷୀ ସତ୍ୟଭାମା ନାଗଙ୍କ ସମେତ ଅନ୍ୟାନ୍ୟ ଟିମ୍ ମଙ୍ଗଳବାର ସକାଳେ ପହଞ୍ଚି ହାତୀମାନଙ୍କୁ ଜଙ୍ଗଲକୁ ଘଉଡ଼ାଇବାକୁ ଉଦ୍ୟମ କରିଥିଲେ। ଖବର ଲେଖାଯିବା ସୁଦ୍ଧା କେସିଙ୍ଗା ରେଞ୍ଜ କର୍ମଚାରୀମାନେ ହାତୀପଲକୁ ଇନ୍ଦିରାକାନନ ଜଙ୍ଗଲ ପର୍ଯ୍ୟନ୍ତ ଘଉଡ଼ାଇଥିବା ସୂଚନା ମିଳିଛି। ଏହି ହାତୀପଲରେ ୪୪ଟି ହାତୀ ଥିବା ବନ ବିଭାଗ ପକ୍ଷରୁ କୁହାଯାଇଛି।
