ଶ୍ରୀନଗର,୧୫/୦୪: ସୀମାରୁ ଆତଙ୍କୀ କାର୍ଯ୍ୟକଳାପ ମୂଳପୋଛ କରିବାକୁ କୁମ୍ବିଂ ଅପରେସନ୍ ଜୋରଦାର ହୋଇଛି । ଜାମ୍ମୁକାଶ୍ମୀର ପୁଞ୍ଚରେ ଭାରତୀୟ ସେନାର ଅପରେସନ୍ 'ଲାସାନା' ଜରିଆରେ ସର୍ଚ୍ଚ ଅପରେସନ ଆରମ୍ଭ ହୋଇଛି । ସୁରକ୍ଷାକର୍ମୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଛି । ଏଥିରେ ଜଣେ ଯବାନ ଆହତ ହୋଇଥିବା ସୂଚନା ମିଳିଛି । ଏବେ ବି ସର୍ଚ୍ଚ ଅପରେସନ୍ ଜାରି ରହିଛି ।

ଭାରତୀୟ ସେନା ଓ ଜାମ୍ମୁକାଶ୍ମୀର ପୋଲିସର ମିଳିତରେ ଅପରେସନ 'ଲାସାନା' ଜୋରଦାର ହୋଇଛି । ସୋମବାର ମଧ୍ୟରାତିରେ ପୁଞ୍ଚର ସୁରାନକୋଟ ଲାସାନା ଅଞ୍ଚଳରେ ସୁରକ୍ଷାକର୍ମୀ ଓ ଆତଙ୍କୀଙ୍କ ମଧ୍ୟ ଗୁଳି ବିନିମୟ ହୋଇଥିଲା । ଏଥିରେ ଜଣେ ଯବାନ ଆହତ ହୋଇଛନ୍ତି । ଗୁଇନ୍ଦା ପକ୍ଷରୁ ସ୍ଥାନୀୟ ଅଞ୍ଚଳରେ ଆତଙ୍କୀଙ୍କ ଉପସ୍ଥିତି ନେଇ ସୂଚନା ମିଳିବା ପରେ ଅପରେସନ୍ 'ଲାସାନା' ଲଞ୍ଚ କରିଥିଲା ସେନା । ସ୍ଥାନୀୟ ଅଞ୍ଚଳରେ ଅତିରିକ୍ତ ସେନା ମୁତୟନ ହୋଇଛନ୍ତି ।

ଅଧିକ ପଢ଼ନ୍ତୁ...LOCରେ ଆତଙ୍କୀଙ୍କ ଅନୁପ୍ରବେଶ ପଣ୍ଡ, ଜଣେ ଯବାନ ଶହୀଦ୍

ଉଲ୍ଲେଖ୍ୟନୀୟ ଗତ ୧୧ ତାରିଖରେ ଜମ୍ମୁ-କାଶ୍ମୀରର କିସ୍ତୱାରା ଜିଲ୍ଲା ଚତ୍ରୁ ଜଙ୍ଗଲରେ ସୁରକ୍ଷା ବାହିନୀ ଓ ଆତଙ୍କବାଦୀଙ୍କ ମଧ୍ୟରେ ଗୁଳି ବିନିମୟ ହୋଇଥିଲା । ଏଥିରେ ୩ ଆତଙ୍କବାଦୀ ନିହତ ହୋଇଥିଲେ । ସେମାନଙ୍କ ମଧ୍ୟରେ ଜୈସ୍‌ କମାଣ୍ଡର ସୈଫୁଲ୍ଲା ନିପାତ ହୋଇଥିଲା । ୩ ଆତଙ୍କୀଙ୍କ ମୁଣ୍ଡରେ ୫ ଲକ୍ଷ ଲେଖାଏଁ ଟଙ୍କାର ପୁରସ୍କାର ରାଶି ରହିଥିଲା । ୩ ଦିନ ଧରି ଗୁଳି ବିନିମୟ ପରେ ୩ ଆତଙ୍କୀବାଦୀ ନିପାତ କରିବାରେ ସଫଳ ହୋଇଥିଲେ ସେନା । ଏଥିରେ ପଞ୍ଜାବ ୯ ଜେସିଓ (ସୁବେଦାର) କୁଳଦୀପ ଚାନ୍ଦ ଶହୀଦ ହୋଇଥିଲେ । କିସ୍ତୱାରା ଅଞ୍ଚଳରୁ ଆତଙ୍କବାଦୀଙ୍କୁ ମୂଳପୋଛ କରିବା ପାଇଁ ଆଗକୁ ମଧ୍ୟ କୁମ୍ବିଂ ଅପରେସନ ଜୋରଦାର ହେବ ।