ନୂଆଦିଲ୍ଲୀ,୨୨/୦୬: ଭାରତ ଓ ଇଂଲଣ୍ଡ ମଧ୍ୟରେ ଲିଡ୍ସର ହେଡିଂଲେ କ୍ରିକେଟ ଗ୍ରାଉଣ୍ଡରେ ଆଣ୍ଡରସନ୍-ତେନ୍ଦୁଲକର ଟ୍ରଫିର ପ୍ରଥମ ଇନିଂସ ଖେଳାଯାଉଛି । ମୁକାବିଲାରେ ଆଜି (ରବିବାର) ତୃତୀୟ ଦିନ । ଭାରତ ୪୭୧ରେ ଅଲଆଉଟ୍ ହୋଇଛି । ଦ୍ୱିତୀୟ ଦିନ ଇଂଲଣ୍ଡ ବ୍ୟାଟିଂ କରି ୪୯ ଓଭରରେ ୩ ୱିକେଟ ହରାଇ ୨୦୯ ରନ୍ କରିଛି । ୨୬୨ରନ୍ ପିଛା କରୁଛି ଘରୋଇ ଇଂଲଣ୍ଡ ।
ବଡ଼ କଥା ହେଉଛି ଭାରତକୁ ୩ଟି ୱିକେଟ୍ ମିଳିଛି । ସବୁ ୱିକେଟ ଯଶପ୍ରୀତ ବୁମରାଙ୍କ ଖାତାରେ ରହିଛି । ୧୩ ଓଭରରେ ବୁମରା ୪୮ରନ୍ ଦେଇ ୩ଟି ୱିକେଟ ହାତେଇଛନ୍ତି । ଇଂଲଣ୍ଡର ବ୍ୟାଟର ଜ୍ୟାକ କ୍ରଲି ୪ ରନ୍ କରି ଆଉଟ୍ ହୋଇଥିଲେ । ପ୍ରଥମ ଓଭରରେ କ୍ୟାଚ ଆଉଟ୍ ହୋଇଥିଲେ । ଏହାପରେ ୬୨ ରନ୍ କରି ବେନ୍ ଡକେଟ୍ଙ୍କୁ (୬୨) ବୋଲ୍ଡ କରିଥିଲେ ବୁମରା । ଜୋ ରୁଟ୍ ବି ବଡ଼ ସ୍କୋର କରିପାରି ନଥିଲେ । ନାହିଁ ବୁମରାଙ୍କ ବଲରେ ସେ ପାଭିଲିୟନ ଫେରିଥିଲେ । ନାୟରଙ୍କ ହାତରେ କ୍ୟାଚ ଆଉଟ୍ ହୋଇଥିଲେ ଡକେଟ୍ ।
ବୁମରାଙ୍କ ରେକର୍ଡ- ଇଂଲଣ୍ଡ ବିପକ୍ଷରେ ୩ ୱିକେଟ ନେଇ ସେନା ଦେଶରେ ସର୍ବାଧିକ ୱିକେଟ ହାସଲକାରୀ ଏସିଆଲ ବୋଲର ହୋଇଛନ୍ତି ଯଶପ୍ରୀତ ବୁମରା । ତାଙ୍କ ନାମରେ ୧୪୭ଟି ୱିକେଟ ରହିଛି । ବୁମରାଙ୍କ ପରେ ଦ୍ବିତୀୟ ସ୍ଥାନରେ ୧୪୬ ୱିକେଟ ନେଇ ୱାସିମ୍ ଆକରମ୍ ରହିଛନ୍ତି । ୧୪୧ ୱିକେଟ ସହ ତୃତୀୟ ସ୍ଥାନରେ ରହିଛନ୍ତି ଅନିଲ କୁମ୍ବଲେ ।
ତେବେ ଏଠି ପ୍ରଶ୍ନ ଉଠୁଛି ତୃତୀୟ ଦିନରେ କ'ଣ ଭାରତ କମବ୍ୟାକ କରିପାରିବ । ଯଶପ୍ରୀତ ବୁମରା ଏକାକୀ କେତେ ଲଢିବେ । ଭାରତର ନୈରାଶ୍ୟଜନକ ଫିଲ୍ଡିଂ ଦେଖିବାକୁ ମିଳିଥିଲା । ରବୀନ୍ଦ୍ର ଜାଡେଜା ଏବଂ ଜୈସ୍ୱାଲ କ୍ୟାଚ ଛାଡିଥିଲେ । ଯଦି ଏ ଦୁଇଜଣ ବୁମରାଙ୍କ ବଲର କ୍ୟାଚ ମିସ୍ କରି ନଥାନ୍ତେ ତେବେ ପରିଣାମ କିଛି ଅଲଗା ହୋଇଥାନ୍ତା । ଓଲି ପୋପ୍ ଯିଏକି ୧୦୦ରନ୍ କରି ଅପରାଜିତ ଅଛନ୍ତି ସେ ୬୦ ରନ୍ରେ ଆଉଟ୍ ହୋଇଥାନ୍ତେ । ଯଦି ପ୍ରଥମେ ଜାଡେଜା ଡକେଟ୍ଙ୍କ କ୍ୟାଚ, ଜୈସ୍ୱାଲ ଓଲି ପୋପ୍ଙ୍କ କ୍ୟାଚ ଓ ହ୍ୟାରୀ ବ୍ରୁକ ଯେଉଁ ବଲରେ ଆଉଟ୍ ହୋଇଥିଲେ ତାହା ନୋ ବଲ ହୋଇନଥାନ୍ତା ତେବେ ଭାରତର ପଲ୍ଲା ଭାରି ହୋଇଥାନ୍ତା । କ୍ୟାଚ ମିସ୍ ଭାରତ- ଇଂଲଣ୍ଡ ମ୍ୟାଚକୁ ୫୦-୫୦ କରି ଦେଇଛି । କାରଣ ଇଂଲଣ୍ଡ ଜବରଦସ୍ତ କମବ୍ୟାକ କରିଛି । ମାତ୍ର ୨୬୨ ରନ୍ ଟ୍ରାଏଲ କରୁଛି ଇଂଲଣ୍ଡ ।
