ନୂଆଦିଲ୍ଲୀ,୨୧।୧୦: ରୁଷର ସମସ୍ତ ପ୍ରକାରର ଶକ୍ତି ଆମଦାନୀ ଉପରେ ଏକ ବଡ଼ ପଦକ୍ଷେପ ନେଇଛି ୟୁରୋପୀୟ ସଂଘ । ଏହା ଅନୁସାରେ,୧ ଜାନୁଆରୀ ୨୦୨୮ ରୁ ରୁଷରୁ ସମସ୍ତ ପ୍ରକାରର ଶକ୍ତି ଆମଦାନୀ ଉପରେ ସମ୍ପୂର୍ଣ୍ଣ କଟକଣା ଲାଗୁ କରାଯିବ। ଲକ୍ସେମବର୍ଗରେ ଅନୁଷ୍ଠିତ ୟୁରୋପୀୟ ସଂଘର ଶକ୍ତି ମନ୍ତ୍ରୀଙ୍କ ବୈଠକରେ ଏହି ନିଷ୍ପତ୍ତି ନିଆଯାଇଛି। ଏଥିରେ, ପ୍ରାୟ ସମସ୍ତ ସଦସ୍ୟ ଦେଶ ୟୁରୋପୀୟ କମିଶନରଙ୍କ ପ୍ରସ୍ତାବକୁ ସମର୍ଥନ କରିଥିଲେ। ଏହି ମାମଲାରେ, ୟୁରୋପୀୟ ସଂଘର ଅଧ୍ୟକ୍ଷତା କରୁଥିବା ଡେନମାର୍କର ଶକ୍ତି ମନ୍ତ୍ରୀ ଲାର୍ସ ଆଗର୍ଡ କହିଛନ୍ତି, ଏହି ପ୍ରସ୍ତାବ ଶକ୍ତି କ୍ଷେତ୍ରରେ ୟୁରୋପକୁ ଆତ୍ମନିର୍ଭରଶୀଳ କରିବା ଦିଗରେ ଏକ ନିର୍ଣ୍ଣାୟକ ପଦକ୍ଷେପ।
ଏହି କଟକଣା ପାଇପଲାଇନ ମାଧ୍ୟମରେ ଆମଦାନୀ ହେଉଥିବା ତେଲ ଏବଂ ତରଳୀକୃତ ପ୍ରାକୃତିକ ଗ୍ୟାସ (LNG) ଉଭୟ ପାଇଁ ପ୍ରଯୁଜ୍ୟ ହେବ। ୧ ଜାନୁଆରୀ ୨୦୨୬ ରୁ ରୁଷ ଗ୍ୟାସ ଆମଦାନୀ ବନ୍ଦ ହୋଇଯିବ। କିନ୍ତୁ ପୂର୍ବରୁ ଚାଲୁଥିବା ସ୍ୱଳ୍ପକାଳୀନ ଚୁକ୍ତିଗୁଡ଼ିକୁ ଜୁନ୍ ୨୦୨୬ ପର୍ଯ୍ୟନ୍ତ ଛାଡ କରାଯିବ ଏବଂ ଦୀର୍ଘକାଳୀନ ଚୁକ୍ତିଗୁଡ଼ିକ ୨୦୨୮ ପର୍ଯ୍ୟନ୍ତ ଜାରି ରହିପାରିବ।
ରୁଷ-ୟୁକ୍ରେନ ଯୁଦ୍ଧ ପରେ ରୁଷ ଗ୍ୟାସ ଯୋଗାଣକୁ ଅସ୍ତ୍ର ଭାବରେ ବ୍ୟବହାର କରିବା ଏବଂ ବାରମ୍ବାର ଯୋଗାଣ ବାଧାପ୍ରାପ୍ତ କରିବାରୁ ୟୁରୋପୀୟ ସଂଘ ଏହି ପଦକ୍ଷେପ ନେଇଛି। ଏହି ପଦକ୍ଷେପ REPowerEU ରୋଡମ୍ୟାପର ଏକ ଅଂଶ, ଯାହାର ଲକ୍ଷ୍ୟ ରୁଷ ଉପରେ ଶକ୍ତି ନିର୍ଭରଶୀଳତାକୁ ସମ୍ପୂର୍ଣ୍ଣ ଭାବରେ ଦୂର କରିବା। ରୁଷ-ୟୁକ୍ରେନ ଯୁଦ୍ଧ ପରେ ରୁଷ ଗ୍ୟାସ ଯୋଗାଣକୁ ଅସ୍ତ୍ର ଭାବରେ ବ୍ୟବହାର କରିବା ଏବଂ ବାରମ୍ବାର ଯୋଗାଣ ବାଧାପ୍ରାପ୍ତ କରିବାରୁ ୟୁରୋପୀୟ ସଂଘ ଏହି ପଦକ୍ଷେପ ନେଇଛି।।
