ଭୁବନେଶ୍ବର,୨୪। ୭ : ଆଇଏଏସ ସ୍ତରରେ ରାଜ୍ୟ ସରକାର ଗୁରୁବାର ପୁଣି ଅଦଳବଦଳ କରିଛନ୍ତି। ମଙ୍ଗଳବାର ୪୯ ଜଣ ଆଇଏଏସଙ୍କୁ ବଦଳି କରିଥିବା ବେଳେ ଗୁରୁବାର ପୁଣି ୧୩ ଜଣ ଆଇଏଏସଙ୍କୁ ବଦଳି କରିଛନ୍ତି। ଏନେଇ ସାଧାରଣ ପ୍ରଶାସନ ଓ ସାଧାରଣ ଅଭିଯୋଗ ବିଭାଗ ପକ୍ଷରୁ ବିଜ୍ଞପ୍ତି ପ୍ରକାଶ ପାଇଛି । ୨୦୦୫ ବ୍ୟାଚର ବରିଷ୍ଠ ଆଇଏଏସ୍ ଅଧିକାରୀ ତଥା ବିଏମସିର ପୂର୍ବତନ କମିଶନର ରାଜେଶ ପ୍ରଭାକର ପାଟିଲଙ୍କୁ ସମବାୟ ସଚିବ ଭାବେ ନିଯୁକ୍ତି ଦିଆଯାଇଛି । ସେହିପରି ବିଜୟ କେତେନ ଉପାଧ୍ୟୟଙ୍କୁ ସଂସ୍କୃତି ସଚିବ, ସମର୍ଥ ବର୍ମାଙ୍କୁ ଲଘୁ ଖଣିଜ ବିଭାଗ ନିର୍ଦେଶକ ଦାୟିତ୍ବ ଦିଆଯାଇଛି। ଦୀପଙ୍କର ମହାପାତ୍ରଙ୍କୁ ହକି ପ୍ରମୋଶନ କାଉନସିଲର ସିଇଓ ଭାବେ ନିଯୁକ୍ତି ଦିଆଯାଇଛି।
ସେହିପରି ଉପଜିଲ୍ଲାପାଳ କ୍ଷେତ୍ରରେ ଅଦଳବଦଳ କରାଯାଇଛି। ଧର୍ମଗଡ ଉପଜିଲ୍ଲାପାଳ ଭାବେ ପ୍ରେକ୍ଷା ଅଗଓ୍ବାଲଙ୍କୁ ଦାୟିତ୍ବ ଦିଆଯାଇଛି। ପ୍ରଣିତା ଦାସଙ୍କୁ ବାଲିଗୁଡା ଉପଜିଲ୍ଲାପାଳ, କସ୍ତୁରୀ ପଣ୍ଡାଙ୍କୁ ପଞ୍ଚୁପୀଡ, କରଞ୍ଜିଆ ଉପଜିଲ୍ଲାପାଳ, ଅଭିଶେଷକ ଦୀପକଙ୍କୁ ଗୁଣପୁର ଉପଜିଲ୍ଲାପାଳ ଭାବେ ନିଯୁକ୍ତି ଦିଆଇଛି।
ଏ.ଏଲ ଅଶ୍ବନୀଙ୍କୁ ନବରଙ୍ଗପୁର ଉପଜିଲାପାଳ, ସି. ସରବଣାଙ୍କୁ କୁଚିଣ୍ଡା, ତେଜେସ୍ବନୀ ବେହେରାଙ୍କୁ ସୁନ୍ଦରଗଡ ଉପଜିଲାପାଳ, ଶିବ ମାଲ୍ୟବଙ୍କୁ ଆନନ୍ଦପୁର ଉପଜିଲ୍ଲାପାଳ, ଅଭିନାଶ କୁମାରଙ୍କୁ ବ୍ରହ୍ମପୁର ଉପଜିଲ୍ଲାପାଳ ଭାବେ ନିଯୁକ୍ତି ଦିଆଯାଇଛି।
