ନୂଆଦିଲ୍ଲୀ: ଇଣ୍ଡୋନେସିଆର ପଶ୍ଚିମ ଜାଭା ପ୍ରଦେଶରେ ଗତକାଲି (ସୋମବାର) ଏକ ବଡ଼ ବିସ୍ଫୋରଣ ଘଟିଛି। ଏହି ବିସ୍ଫୋରଣରେ ୧୩ ଜଣଙ୍କର ମୃତ୍ୟୁ ହୋଇଛି । ଏମାନଙ୍କ ମଧ୍ୟରେ ଚାରି ଜଣ ସୈନିକ ଅଛନ୍ତି । ଏକ୍ସପାଏରି ହୋଇଥିବା ଗୁଳିଗୋଳା ଯୋଗୁଁ ଏହି ବିସ୍ଫୋରଣ ଘଟିଥିଲା। ତଥାପି, ବିସ୍ଫୋରଣ ପଛର କାରଣ ଏପର୍ଯ୍ୟନ୍ତ ଜଣାପଡି ନାହିଁ। ଏହି ମାମଲାର ତଦନ୍ତ ଚାଲିଛି।
ଏହି ଘଟଣାରେ ଇଣ୍ଡୋନେସିଆର ସାମରିକ ବାହିନୀ କହିଛି ଯେ, ଇଣ୍ଡୋନେସିଆର ସାମରିକ ବାହିନୀର ସଦସ୍ୟ ମାନେ ଅବ୍ୟବହୃତ ଏବଂ ସମୟସୀମା ସମାପ୍ତ କରୁଥିବା ଗୁଳିଗୋଳା ସ୍ଥାନାନ୍ତର କରୁଥିଲେ ।ଏହି ଗୁଳିଗୋଳାକୁ ଗୁରୁଟ ଜିଲ୍ଲାରେ ଥିବା ସେନାର କେନ୍ଦ୍ରୀୟ ଗୋଦାମରେ ରଖାଯାଇଥିଲା। ଏହି ସମୟ ମଧ୍ୟରେ, ଏକ ବିସ୍ଫୋରଣ ହୋଇଥିଲା ଏବଂ ତା’ପରେ ଗୋଟିଏ ପରେ ଗୋଟିଏ ଅନେକ ବିସ୍ଫୋରଣ ହେଲା। ଏହି ବିସ୍ଫୋରଣରେ ୯ ଜଣ ସାଧାରଣ ନାଗରିକ ଏବଂ ୪ ଜଣ ସେନା କର୍ମଚାରୀଙ୍କ ମୃତ୍ୟୁ ହୋଇଛି । ଦୁର୍ଘଟଣାରେ ଅନେକ ଲୋକ ଆହତ ହୋଇଛନ୍ତି । ଏମାନେ ହସ୍ପିଟାଲରେ ଚିକିତ୍ସାଧୀନ ଅଛନ୍ତି। ଏକ୍ସପାୟାର ଶେଷ ହୋଇଥିବା ଗୁଳିଗୋଳା ସ୍ଥାନାନ୍ତର କରିବାରେ କୌଣସି ଅବହେଳା ହୋଇଛି କି ନାହିଁ ସେନେଇ ତଦନ୍ତ କରାଯାଉଛି।
ସୌଭାଗ୍ୟବଶତଃ, ଦୁର୍ଘଟଣା ଘଟିଥିବା ସ୍ଥାନଟି ଆବାସିକ ଅଞ୍ଚଳରୁ ବହୁତ ଦୂରରେ, ଏବଂ ଏଠାରେ ପ୍ରାୟତଃ ସମୟସୀମା ସମାପ୍ତ ହୋଇଥିବା ଗୁଳିଗୋଳା ନଷ୍ଟ କରାଯାଏ। ସ୍ଥାନୀୟ ଲୋକମାନେ ପ୍ରାୟତଃ ବିସ୍ଫୋରଣ ପରେ ମିଳୁଥିବା ଧାତୁ ଖଣ୍ଡ ସଂଗ୍ରହ କରିବାକୁ ସେଠାକୁ ଆସନ୍ତି। ଏହି କାରଣରୁ ଦୁର୍ଘଟଣାରେ ସାଧାରଣ ନାଗରିକଙ୍କ ମୃତ୍ୟୁ ହୋଇଥିବା ବିଶ୍ୱାସ କରାଯାଉଛି।
