କୋଲକାତା,୨୯।୬: ପଶ୍ଚିମବଙ୍ଗର କଲିକତା ଲ’ କଲେଜରେ ଘଟିଥିବା ଗଣଦୁଷ୍କର୍ମ ମାମଲା ଗତ ବର୍ଷ କୋଲକାତାରେ ଘଟିଥିବା ଆରଜି କର ଗଣଦୁଷ୍କର୍ମ ଏବଂ ହତ୍ୟା ମାମଲାକୁ ମନେପକାଇ ଦେଇଛି ୮ ଏବଂ ୯ ଅଗଷ୍ଟ, ୨୦୨୪ ରାତିରେ ଲେଡି ଡାକ୍ତରଙ୍କୁ ଦୁଷ୍କର୍ମ ଏବଂ ହତ୍ୟା କରାଯାଇଥିଲା। ତେବେ ସେ ଦିନ ଆରଜିକର ପୀଡିତା ପାଇଁ ନ୍ୟାୟ ମାଗୁଥିବା ଲୋକଙ୍କ ଭିତରେ ଥିବା ବ୍ୟକ୍ତି ନିକଟରେ ଲ’ କଲେଜ ବଳାତ୍କାର ମାମଲାର ମୁଖ୍ୟ ଅଭିଯୁକ୍ତ ମନୋଜିତ ମିଶ୍ର। ସେ ଆରଜି କର ମାମଲାରେ ମାମଲାର ଦୋଷୀମାନଙ୍କୁ ମୃତ୍ୟୁଦଣ୍ଡ ଦେବାକୁ ଦାବି କରିଥିଲା।
ଲ’ କଲେଜ ଦୁଷ୍କର୍ମ ମାମଲାର ମୁଖ୍ୟ ଅଭିଯୁକ୍ତ ମନୋଜିତ ମିଶ୍ରର ଏକ ପୁରୁଣା ଫେସବୁକ୍ ପୋଷ୍ଟ ସୋସିଆଲ ମିଡିଆରେ ଭାଇରାଲ ହେଉଛି। ଗତ ବର୍ଷ କୋଲକାତାରେ ଆରଜି କର ଘଟଣା ପରେ ମନୋଜିତ ନିଜ ସୋସିଆଲ ମିଡିଆ ଆକାଉଣ୍ଟରେ ଦୁଷ୍କର୍ମକାରୀଙ୍କୁ ମୃତ୍ୟୁଦଣ୍ଡ ଦାବି କରିଥିଲା। ସେ ନିଜ ଫେସବୁକ୍ ପୋଷ୍ଟରେ ଲେଖିଥିଲା, 'ଦୁଷ୍କର୍ମକାରୀଙ୍କୁ ଫାଶୀ ଦିଆଯାଉ, ମୁଁ ନ୍ୟାୟ ଚାହୁଁଛି, ନାଟକ ନୁହେଁ, ମୁଁ ତୁରନ୍ତ ନ୍ୟାୟ ଚାହୁଁଛି, ଦୋଷୀମାନଙ୍କୁ ଫାଶୀ ଦିଆଯାଉ।'
ଉଲ୍ଲେଖନୀୟ ଯେ, କୋଲକାତା ଲ’ କଲେଜରେ ୨୫ ଜୁନରେ ଘଟିଥିବା ଗଣଦୁଷ୍କର୍ମ ମାମଲାରେ ଏପର୍ଯ୍ୟନ୍ତ ଚାରି ଜଣ ଅଭିଯୁକ୍ତଙ୍କୁ ଗିରଫ କରାଯାଇଛି। ଏଥିରେ କଲେଜର ପୂର୍ବତନ ଛାତ୍ର ଏବଂ ମୁଖ୍ୟ ଅଭିଯୁକ୍ତ ମନୋଜିତ ମିଶ୍ର, ଦୁଇ ଛାତ୍ର ପ୍ରମିତ ମୁଖାର୍ଜୀ ଏବଂ ଜାଇଦ ଅହମ୍ମଦଙ୍କ ସାମିଲ ଅଛନ୍ତି। ଏହା ବ୍ୟତୀତ ଏହି ମାମଲାରେ ଜଣେ ଗାର୍ଡଙ୍କୁ ମଧ୍ୟ ଗିରଫ କରାଯାଇଛି। ଅଭିଯୋଗ ହୋଇଛି ଯେ ମନୋଜିତ ସେହି ସମୟରେ ସେଠାରେ ଉଭୟ ଛାତ୍ର ସହ ମିଶି ଦୁଷ୍କର୍ମ କରିଥିଲା।
ଅଭିଯୋଗ ଅନୁଯାୟୀ, ୨୪ ବର୍ଷୀୟ ଆଇନ କଲେଜ ଛାତ୍ରୀଙ୍କୁ କ୍ୟାମ୍ପସର ଡି ୱାର୍ଡରେ ଥିବା ଗାର୍ଡ ରୁମକୁ ଡକାଯାଇଥିଲା, ଯେଉଁଠାରେ ପୂର୍ବରୁ ତିନି ଜଣ ଲୋକ ଉପସ୍ଥିତ ଥିଲେ। ଏହା ପରେ, ଏହି ଲୋକମାନେ ତାଙ୍କୁ ଗାର୍ଡ ରୁମରେ ବନ୍ଧକ ରଖିଥିଲେ। ପ୍ରାୟ ତିନି ଘଣ୍ଟା ଧରି ପୀଡିତାଙ୍କୁ ନିର୍ଯାତନା ସହ ଦୁଷ୍କର୍ମ କରାଯାଇଥିଲା। ଡାକ୍ତରୀ ରିପୋର୍ଟ ଅନୁଯାୟୀ, ପୀଡିତାଙ୍କ ବେକରେ କ୍ଷତ ଚିହ୍ନ ମିଳିଛି, ଜଙ୍ଘ ଏବଂ ଛାତିରେ ମଧ୍ୟ ଆଘାତ ଲାଗିଛି।
