ମୁମ୍ବାଇ ୨୭/୧୦: ମହିଳାମାନେ ପାର୍ଟି, ଉତ୍ସବରେ ସବୁବେଳେ କିଛି ନୂଆ ଡିଜାଇନ୍ର ପୋଷାକ ପିନ୍ଧିବାକୁ ଇଚ୍ଛା କରନ୍ତି । ଯେମିତି ସେମାନେ ସମସ୍ତଙ୍କଠାରୁ ଅଲଗା ଦେଖାଯିବେ । ଯଦି ଆପଣ ବି ଏମିତି ଇଚ୍ଛା ରଖନ୍ତି, ତା’ହେଲେ ଶାଢ଼ି ଷ୍ଟାଇଲ୍ ଗାଉନ୍ ପିନ୍ଧିପାରିବେ।
ନୂଆ ଲୁକ୍
ଆପଣ ଶାଢ଼ି ପିନ୍ଧିବାକୁ ଚାହୁଁଥବେ । କିନ୍ତୁ ଶାଢ଼ି ଭଲଭାବେ ପିନ୍ଧିବା ଜାଣିନଥିବେ ତା’ହେଲେ ଶାଢ଼ି ଷ୍ଟାଇଲ୍ ଗାଉନ୍ ପିନ୍ଧିପାରିବେ । ଏହା ଆରାମଦାୟକ ହେବା ସହିତ ନୂଆ ଲୁକ୍ ଦେଇଥାଏ । ଶାଢ଼ି ପରି ଏଥିରେ ଡ୍ରେପ୍ କରିବାକୁ ପଡିନଥାଏ । ତେଣୁ ସହଜରେ ଏହାକୁ କ୍ୟାରି କରି ଉତ୍ସବ ଏବଂ ସମାରୋହରେ ଅଂଶଗ୍ରହଣ କରିପାରିବେ ।
ପାର୍ଟି ପାଇଁ ୱାଇନ୍ କଲର୍
ପାର୍ଟିରେ ଆପଣ ଅନ୍ୟଙ୍କଠାରୁ ଅଲଗା ଦେଖାଯିବାକୁ ଚାହୁଁଥିଲେ ଶାଢ଼ି ଷ୍ଟାଇଲ୍ ଗାଉନ୍ ପିନ୍ଧିପାରିବେ । ଏହି ଡିଜାଇନ୍ରେ ବିଭିନ୍ନ କଲର୍ ଅପସନ୍ ମଧ୍ୟ ଅଛି । କିନ୍ତୁ ଆପଣ ୱାଇନ୍ କଲର୍ ଶାଢ଼ି ଗାଉନ୍ ପିନ୍ଧନ୍ତୁ । ଏହି କଲର୍ ପାର୍ଟିରେ ବହୁତ ସୁନ୍ଦର ଲାଗିଥାଏ ଏବଂ ପୂରା ପାର୍ଟିରେ ଆପଣ ସମସ୍ତଙ୍କଠାରୁ ଅଲଗା ଦେଖାଯିବେ । ଧ୍ୟାନ ଦେବେ ଯେ ଏହାର ଫ୍ୟାବ୍ରିକ୍ ଯେମିତି ନରମ ଏବଂ ହାଲୁକା ହୋଇଥିବ । ସହଜରେ କ୍ୟାରି କରିପାରିବେ ।
ଅଫିସ୍ ପାର୍ଟିରେ
ଅଫିସ୍ ପାର୍ଟିରେ ମଧ୍ୟ ଆପଣ ଶାଢ଼ି ଷ୍ଟାଇଲ୍ ଗାଉନ୍ ପିନ୍ଧିପାରିବେ । ଅଫିସ୍ ଫଙ୍କସନ୍ ହେଉ କିମ୍ବା ଘରେ କୌଣସି ସମାରୋହ, ସବୁ ଜାଗାରେ ଶାଢ଼ି ଷ୍ଟାଇଲ ଗାଉନ୍ ଆରାମରେ ପିନ୍ଧିପାରିବେ । ୟୁନିକ୍ ଲୁକ୍ ଏବଂ ଷ୍ଟାଇଲ ପାଇପାରିବେ । ଆପଣ ମନପସନ୍ଦର କୌଣସି କଲର୍ ବାଛିପାରିବେ । ଯେହେତୁ ଆପଣ ଏହାକୁ ଫଙ୍କସନ୍ରେ ଦିନସାରା ପିନ୍ଧିବେ ତେଣୁ ଲାଇଟୱେଟ୍ ଫ୍ୟାବ୍ରିକ ବାଛନ୍ତୁ ।
ଜ୍ୟାକେଟ୍ ଷ୍ଟାଇଲ୍
ସିଫନ୍, ଜର୍ଜେଟ୍ ଫ୍ୟାବ୍ରିକରେ ଆସୁଥିବା ଶାଢ଼ି ଷ୍ଟାଇଲ ଗାଉନ୍ ବହୁତ ସୁନ୍ଦର ଲାଗିଥାଏ । ଜର୍ଜେଟ ଫ୍ୟାବ୍ରିକର ଶାଢ଼ି ଗାଉନ୍ ଛୋଟ ବଡ଼ ଫଙ୍କସନ୍ କିମ୍ବା ପାର୍ଟିକୁ ପିନ୍ଧି ଯାଇପାରିବେ । ଏହା ସହିତ ଆଟାଚ୍ ଦୁପଟ୍ଟା ଶାଢ଼ି ଗାଉନ୍ ଲୁକ୍ ଅଧିକ ଷ୍ଟାଇଲିଶ୍ କରିଥାଏ । ନିଜ ଇଚ୍ଛା ଓ ପସନ୍ଦ ହିସାବରେ କଲର୍ ବାଛିପାରିବେ ।
ଟିଲ ବ୍ଲୁ କଲର
ସାଧାରଣତ ପିଙ୍କ୍, ହ୍ୱାଇଟ୍, ରେଡ୍ ପରି ପାରମ୍ପରିକ ରଙ୍ଗ ମଧ୍ୟରେ ଟିଲ୍ ବ୍ଲୁ କଲର୍ ଭିନ୍ନ ଲାଗିଥାଏ । ଆପଣ ଶାଢ଼ି ଷ୍ଟାଇଲ ଗାଉନ୍ରେ କିଛି ଭିନ୍ନ କଲର୍ ଚାହୁଁଥିଲେ ଟିଲ୍ ବ୍ଲୁ ବାଛିପାରିବେ । ଏହାକୁ ଆପଣ ବିବାହ ସମାରୋହ ଏବଂ ଅଫିସ୍ ପାର୍ଟିରେ ପିନ୍ଧିପାରିବେ
