ଲାଞ୍ଜିଗଡ଼,୨୧/୮(ଆପ୍ର)-ଜଣେ ପୁଅ ନିଖୋଜ ହେବାର ପ୍ରାୟ ୬ଦିନ ହେଲାଣି କୌଣସି ପତ୍ତା ମିଳୁନାହିଁ। ପରିବାର ଲୋକେ ନିଜ ବନ୍ଧୁ ବାନ୍ଧବ ଓ ସମ୍ପର୍କୀୟ ତଥା ଆଖ ପାଖ ଅଞ୍ଚଳରେ ବହୁତ ଖୋଜାଖୋଜି ପରେ ମଧ୍ୟ କୌଣସି ସନ୍ଧାନ ମିଳୁନାହିଁ। ଏନେଇ ଗୁରୁବାର ବାପା ଧନ ହରିଜନ ବିଜେପୁର ଥାନାର ଦ୍ୱାରସ୍ଥ ହୋଇଛନ୍ତି।
ସୂଚନା ଅନୁସାରେ କଳାହାଣ୍ଡି ଜିଲ୍ଲା ବିଜେପୁର ଥାନା ଅନ୍ତର୍ଗତ ଲିଟିବଣ୍ଡେଲ ଗାଁର ଧନ ହରିଜନଙ୍କ ପୁଅ ଦେବେନ୍ଦ୍ର ହରିଜନ (୨୩) ଗତ ଅଗଷ୍ଟ ୮ ଘରୁ କୁଆଡ଼େ ବାହାରି ଚାଲି ଯାଇଥିଲେ। ନିଖୋଜ ଦେବେନ୍ଦ୍ରଙ୍କ ବାପା କହିବା ମୁତାବକ ଗତ ଦୁଇ ବର୍ଷ ପୂର୍ବେ ତାଙ୍କ ପୁଅ କିଛି ମାତ୍ରାରେ ମାନସିକ ଭାରସାମ୍ୟ ହରାଇଥିଲେ। କିନ୍ତୁ ଯୁଆଡେ଼ ଗଲେ ବି ଘରକୁ ଫେରୁଥିଲେ।କିନ୍ତୁ' ଏଥର କୁଆଡେ ଚାଲିଯାଇଛି ଯେ ଖୋଜାଖୋଜି ପରେ ମଧ୍ୟ ଏଯାଏଁ ପୁଅର କୌଣସି ସନ୍ଧାନ ମିଳିପାରୁନାହିଁ। ଶେଷରେ ବିଜେପୁର ଥାନାର ଦ୍ବାରସ୍ଥ ହୋଇଛନ୍ତି ବାପା। ଏନେଇ ବିଜେପୁର ଥାନାରେ ଏକ ମାମଲା ରୁଜୁ କରି ପୋଲିସ ତଦନ୍ତ ଜାରି ରଖିଥିବା ଏସ୍.ଆଇ ଶ୍ୟାମ କୁଳୁଷିକା ସୂଚନା ଦେଇଛନ୍ତି।
