ପୁରୁଷୋତ୍ତମପୁର ,୨୮।୪ : ପାରିବାରିକ କଳହର କରୁଣ ପରିଣତି। ବାପକୁ ପିଟିପିଟି ହତ୍ୟାକଲେ ଦୁଇ ପୁଅ । ଏଭଳି ଏକ ଅଭାବନୀୟ ଘଟଣା ପୁରୁଷୋତ୍ତମପୁର ଥାନା କୁଶପୁର ଗାଁରେ ଘଟିଛି । ମୃତକ ଜଣକ ହେଲେ ଗୋପାଳକୃଷ୍ଣ ସାହୁ।
କୁଶପୁର ଗାଁର ଗୋପାଳକୃଷ୍ଣ ସବୁବେଳେ ତାଙ୍କ ସ୍ତ୍ରୀକୁ ମାରଧର କରୁଥିଲେ। ଏହାକୁ ୨ ପୁଅ ବାରଣ କରିଥିଲେ। ମା’କୁ କାହିଁକି ମାରପିଟ କରୁଛ ବୋଲି ୨ ପୁଅ କହିଥିଲେ। ସୋମବାର ପୁଣି ଗୋପାଳ ନିଜ ସ୍ତ୍ରୀକୁ ମାରପିଟ କରିଥିଲେ।ଏଥିରେ ଉତ୍ତ୍ୟକ୍ତ ହୋଇ ୨ ପୁଅ ନିଜ ବାପାକୁ ପିଟି ପିଟି ମାରି ଦେଇଥିଲେ। ଖବର ପାଇଁ ପୁରୁଷୋତ୍ତମପୁର ପୋଲିସ ପହଞ୍ଚି ମୃତଦେହ ଜବତ କରି ବ୍ୟବଛେଦ ପାଇ ପଠାଇବା ସହ ୨ ପୁଅକୁ ଅଟକ ରଖିଛି।
