ଭୁବନେଶ୍ୱର,୧୦/୦୨: ଏଫ୍ଆଇଏଚ୍ ହକି ପ୍ରୋ ଲିଗ୍ ମ୍ୟାଚ୍ ଖେଳିବା ପାଇଁ ରବିବାର ଇଂଲଣ୍ଡ ମହିଳା ଦଳ ଭୁବନେଶ୍ୱର ପହଞ୍ଚିଛି । ବିଜୁ ପଟ୍ଟନାୟକ ବିମାନବନ୍ଦରରେ ପହଞ୍ଚିବା ପରେ ଇଂଲଣ୍ଡ ଖେଳାଳିମାନଙ୍କୁ ଭବ୍ୟ ସ୍ୱାଗତ କରାଯାଇଛି ।
ଇଂଲଣ୍ଡ ଦଳ କଳିଙ୍ଗ ଷ୍ଟାଡିୟମ ହକି କମ୍ପେ୍ଲକ୍ସରେ ଆୟୋଜକ ଭାରତ ଓ ନେଦରଲାଣ୍ଡ୍ସ ବିପକ୍ଷରେ ମୋଟ ୪ଟି ମ୍ୟାଚ୍ ଖେଳିବ । ଆସନ୍ତା ୧୫ ତାରିଖରେ ଭାରତ ଓ ଇଂଲଣ୍ଡ ସାମ୍ନାସାମ୍ନି ହେବେ। ଏହାପରେ ୧୬ ତାରିଖରେ ଉଭୟ ଦଳ ମଧ୍ୟରେ ଦ୍ୱିତୀୟ ମ୍ୟାଚ୍ ଖେଳାଯିବ । ସେହିପରି ଇଂଲଣ୍ଡ ଦଳ ୨୧ ଓ ୨୨ ତାରିଖରେ ନେଦରଲାଣ୍ଡ୍ସକଚ ଭେଟିବ। ଚଳିତ ମହିଳା ହକି ପ୍ରୋ ଲିଗ୍ରେ ଇଂଲଣ୍ଡ ୪ଟି ମ୍ୟାଚ୍ ଖେଳି ଗୋଟିଏ ଜିତିଥିବାବେଳେ ୩ଟିରେ ପରାଜିତ ହୋଇଛି । ଭୁବନେଶ୍ୱରରେ ଦଳ ଶ୍ରେଷ୍ଠ ପ୍ରଦର୍ଶନ ଦେଇ ପଏଣ୍ଟ ତାଲିକାରେ ଉନ୍ନତି ଆଣିବାକୁ ପ୍ରସାଦ କରିବ ।
ଦଳର ମୁଖ୍ୟ କୋଚ୍ ଡେଭିଡ୍ ରାଲ୍ଫ୍ କହିଛନ୍ତି, ଭୁବନେଶ୍ୱରରେ ଖେଳିବା ପାଇଁ ଆମେ ବେଶ୍ ଉତ୍ସାହିତ ରହିଛି । ଆମେ ଜାଣିଛୁ ଏଠାରେ ମ୍ୟାଚ୍ ଗୁଡ଼ିକ କଡ଼ା ସଂଘର୍ଷ ହେବ । ଭାରତୀୟ ସମର୍ଥକଙ୍କ ଗହଣରେ ଖେଳିବାକୁ ଆମ ଖେଳାଳିମାନେ ଉତ୍ସୁକତାର ସହ ଅପେକ୍ଷା କରି ରହିଛନ୍ତି ।
