କୋଲକାତା,୩୦/୦୪; ସେଣ୍ଟ୍ରାଲ କୋଲକାତାର ଏକ ହୋଟେଲରେ ଭୟଙ୍କର ଅଗ୍ନିକାଣ୍ଡ ହୋଇଛି । ଏଥିରେ ୧୪ଜଣଙ୍କର ମୃତ୍ୟୁ ହୋଇଥିବା ସୂଚନା ମିଳିଛି । ଏକାଧିକ ଗୁରୁତର ହୋଇଛନ୍ତି । ଅନେକ ଲୋକ ହୋଟେଲ ଭିତରେ ଫସି ରହିଥିବା ଆଶଙ୍କା କରାଯାଉଛି । ଅଗ୍ନିକାଣ୍ଡର କାରଣ ଅସ୍ପଷ୍ଟ ରହିଛି । ଉଦ୍ଧାରକାର୍ଯ୍ୟ ଜାରି ରହିଛି ।
କୋଲକାତାର ଋତୁରାଜ ନାମକ ହୋଟେଲରେ ନିଆଁ ଲାଗିଛି । ଅଗ୍ନିକାଣ୍ଡର କାରଣ ଜଣାପଡିନାହିଁ । ଘଟଣାର ଖବର ପାଇ ତୁରନ୍ତ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚିଥିଲେ । ବର୍ତ୍ତମାନ ନିଆଁକୁ ଆୟତ କରାଯାଇଥିବା ପୋଲିସ କମିଶନର ମନୋଜ କୁମାର ବର୍ମାଙ୍କ ପକ୍ଷରୁ ସୂଚନା ମିଳିଛି । ଅଘଟଣରେ ୧୪ ଜଣଙ୍କର ମୃତ୍ୟୁ ହୋଇଛି । ଏକାଧିକ ଆହତ ହୋଇଛନ୍ତି । କେଉଁ କାରଣକୁ ଏପରି ଭୟଙ୍କର ଅଗ୍ନିକାଣ୍ଡ ହେଲା ତଦନ୍ତ ନେଇ ସ୍ୱତନ୍ତ୍ର ଟିମ୍ ଗଠନ ହେବ ।
କେନ୍ଦ୍ରମନ୍ତ୍ରୀ ତଥା ବିଜେପି ସଭାପତି ସୁକାନ୍ତ ମଜୁମଦାର ସ୍ଥିତି ସମୀକ୍ଷା କରିଛନ୍ତି । ଅଘଟଣ ନେଇ ଅପଡେଟ୍ ନେଇଛନ୍ତି । ନିଆଁ ଲାଗିବା ପରେ ଉଦ୍ଧାରକାରୀ ଦଳଙ୍କୁ ତୁରନ୍ତ ଘଟଣାସ୍ଥଳକୁ ଯିବାକୁ ନିର୍ଦ୍ଦେଶ ଦେଇଥିଲେ । ଆହତଙ୍କୁ ଯେପରି ସମସ୍ତ ପ୍ରକାର ଚିକିତ୍ସା ସୁବିଧା ଯୋଗାଇ ଦିଆଯିବ ସେ ନେଇ ମେଡିକାଲ କର୍ତ୍ତୃପକ୍ଷଙ୍କ ସହ ଆଲୋଚନା କରିଥିଲେ ।
ଅଘଟଣକୁ କଂଗ୍ରେସ ସଭାପତି ଶୁଭଙ୍କର ଶଙ୍କର କୋଲକାତା କର୍ପୋରେସନ ଉପରେ ବର୍ଷିଛନ୍ତି । ସେ କହିଛନ୍ତି, ''ଏହି ଟ୍ରାଜିକ୍ ଘଟଣାରେ ଅନେକ ଲୋକଙ୍କର ଜୀବନ ନେଇଛି । ଏଠାରେ କୌଣସି ସୁରକ୍ଷା ବ୍ୟବସ୍ଥା ନଥିଲା । ମୁଁ ଜାଣିପାରୁନାହିଁ କର୍ପୋରେସନ କରୁଛି କଣ ?''
