ଚଳିତ ବର୍ଷ ମାର୍ଚ୍ଚ ୧୪ ତାରିଖରେ କନ୍ୟା ରାଶିରେ ହେବାକୁ ଯାଉଛି ବର୍ଷର ପ୍ରଥମ ଚନ୍ଦ୍ରଗ୍ରହଣ । ଏହି ଦିନ ଦୋଳ ପୂର୍ଣ୍ଣିମା ମଧ୍ୟ ପଡ଼ୁଛି । ଏହି ଚନ୍ଦ୍ର ଗ୍ରହଣ ଭାରତରେ ଦେଖିବାକୁ ମିଳିବ ନାହିଁ । ତେଣୁ ଏହାର କୌଣସି ଧାର୍ମିକ ପ୍ରଭାବ ବଡ଼ିବ ନାହିଁ । ପରନ୍ତୁ ଜ୍ୟୋତିଷ ଶାସ୍ତ୍ର ଅନୁସାରେ, ବର୍ଷର ଏହି ପ୍ରଥମ ଚନ୍ଦ୍ରଗ୍ରହଣ ସମସ୍ତ ରାଶିଉପରେ ପ୍ରଭାବ ପକାଇବ । ଗ୍ରହଣ ଲାଗିବା ସମୟରେ ଚନ୍ଦ୍ର କନ୍ୟା ରାଶିରେ ରହିବେ । କନ୍ୟା ରାଶିରେ ପୂର୍ବରୁ କେତୁ ବିରାଜମାନ ହୋଇ ରହିଛନ୍ତି । 

କନ୍ୟା ରାଶିରେ କେତୁ ଏବଂ ଚନ୍ଦ୍ରଙ୍କ ସଂଯୋଗରୁ ଚନ୍ଦ୍ରଗ୍ରହଣ ହେବ । ଏହି ଗ୍ରହଣ ଲାଗିବାରୁ କିଛି ରାଶିର ବ୍ୟକ୍ତିଙ୍କୁ ମାନସିକ ଚିନ୍ତା ଭୋଗିବାକୁ ପଡ଼ିପାରେ । କେବଳ ସେତିକି ନୁହେଁ, ଜୀବନରେ ଉତ୍ଥାନ-ପତନର ମଧ୍ୟ ସାମ୍ନା କରିବାକୁ ପଡ଼ିପାରେ । ତେବେ ହୋଲିରେ କନ୍ୟା ରାଶିରେ ଚନ୍ଦ୍ରଗ୍ରହଣ ଲାଗିବାର ସମୟ ଏବଂ କେଉଁ କେଉଁ ରାଶି ଉପରେ ଏହାର ଅଶୁଭ ପ୍ରଭାବ ପଡ଼ିବ, ଆସନ୍ତୁ ସେ ବିଷୟରେ ଜାଣିବା ।

ଚନ୍ଦ୍ରଗ୍ରହଣର ସମୟ- ଭାରତୀୟ ସମୟ ଅନୁସାରେ, ବର୍ଷର ପ୍ରଥମ ଚନ୍ଦ୍ରଗ୍ରହଣ ମାର୍ଚ୍ଚ ୧୪ ତାରିଖ ସକାଳ ୯ଟା ୨୯ ମିନିଟରେ ଆରମ୍ଭ ହୋଇ ଅପରାହ୍ନ ୩ଟା ୨୯ ମିନିଟରେ ସମାପ୍ତ ହେବ ।

ମେଷ ରାଶି-

ମେଶ ରାଶିର ବ୍ୟକ୍ତିଙ୍କ ପାଇଁ ଏହି ସମୟ ସଂଘର୍ଷମୟ ହୋଇପାରେ । ମାନସିକ ଅବସାଦ ସହ ଆର୍ଥିକ ସମସ୍ୟାର ମଧ୍ୟ ସାମ୍ନା କରିବାକୁ ପଡ଼ିପାରେ । ଯଦି କୌଣସି ମହତ୍ତ୍ୱପୂର୍ଣ୍ଣ ବିଷୟରେ ନିଷ୍ପତ୍ତି ନେବାକୁ ପଡ଼ୁଛି, ତେବେ ବର୍ତ୍ତମାନ ତାଠାରୁ ଦୂରେଇ ରୁହନ୍ତୁ । କୌଣସି ନୂତନ କାମର ଆରମ୍ଭ କରନ୍ତୁ ନାହିଁ । 

କର୍କଟ ରାଶି-

କର୍କଟ ରାଶିର ବ୍ୟକ୍ତିଙ୍କ ପାଇଁ ଏହି ସମୟ ଅଶୁଭ ସାବ୍ୟସ୍ତ ହେବ । କାରଣ କର୍କଟ ରାଶିର ସ୍ୱାମୀ ହେଉଛନ୍ତି ଚନ୍ଦ୍ର । ତେଣୁ କର୍କଟ ରାଶିର ବ୍ୟକ୍ତିଙ୍କୁ ଏହି ସମୟରେ ଆର୍ଥିକ, ମାନସିକ ଏବଂ ଶାରୀରିକ ସମସ୍ୟାର ସାମ୍ନା କରିବାକୁ ପଡ଼ିପାରେ । ସମ୍ପର୍କରେ ତିକ୍ତତା ସୃଷ୍ଟି ହୋଇପାରେ।

ତୁଳା ରାଶି- 

ତୁଳା ରାଶିର ବ୍ୟକ୍ତିଙ୍କ ପାଇଁ ଏହି ସମୟ ଭାବନାତ୍ମକ ଉତ୍ଥାନ-ପତନରେ ପରିପୂର୍ଣ୍ଣ ହୋଇ ରହିପାରେ । ଆପଣ କୌଣସି ନିସ୍ପତ୍ତି ନେବାରେ ଅସୁବିଧାର ସମ୍ମୁଖୀନ ହୋଇପାରନ୍ତି । ସବୁ ସମୟରେ ମନ ବିଚଳିତ ରହିବ । କୌଣସି ବିଷୟକୁ ନେଇ ମନରେ ଭୟ ସୃଷ୍ଟି ହେବ । ତେଣୁ ଏହି ସମୟରେ ଧୈର୍ଯ୍ୟର ସହ କାମ କରନ୍ତୁ । 

କନ୍ୟା ରାଶି- 

ଚଳିତ ବର୍ଷର ପ୍ରଥମ ଚନ୍ଦ୍ରଗ୍ରହଣ କନ୍ୟା ରାଶିରେ ହିଁ ହେବ । ସେଥିପାଇଁ ଏହି ରାଶିର ବ୍ୟକ୍ତିଙ୍କୁ ପ୍ରତିକୂଳ ପରିସ୍ଥିତିର ସାମ୍ନା କରିବାକୁ ପଡ଼ିପାରେ । ଏହି ସମୟରେ କୌଣସି ପ୍ରକାରର ରିସ୍କ ନିଅନ୍ତୁ ନାହିଁ ଏବଂ ସବୁବେଳେ ସତର୍କ ରୁହନ୍ତୁ ।