ପ୍ରମୂଖ ଖବର
  • ଯାଜପୁର : ଗଣେଶ ମୂର୍ତ୍ତି ବିସର୍ଜନ ବେଳେ ଅଘଟଣ, ପୋଖରୀରେ ବୁଡ଼ି ଛାତ୍ର ମୃତ
  • ||
  • ଇସ୍ତଫା ଦେଲେ ବିସିସିଆଇ ସଭାପତି ରୋଜର ବିନ୍ନ ! ରାଜୀବ ଶୁକ୍ଳା ସମ୍ଭାଳିଲେ ପଦ
  • ||
  • ହକି ଏସିଆ କପ୍ ୨୦୨୫: ଆଜିଠୁ ୨ଟି ଗ୍ରୁପ୍‌ରେ ମୁହାଁମୁହିଁ ହେବେ ୮ ଟିମ୍, ପ୍ରଥମ ମ୍ୟାଚ୍‌ରେ ଚୀନକୁ ଭେଟିବ ଭାରତ
  • ||
  • ଏୟାର ଶୋ' ବେଳେ ଅଘଟଣ; ମଝି ଆକାଶକୁ ଖସିଲା F-16 ଫାଇଟର ଜେଟ୍, ପାଇଲଟ ମୃତ
  • ||
  • ଗଞ୍ଜାମ : ଢ଼ଉଗାଁ ଛକ ନିକଟରେ ସିରିଜ୍ ଦୁର୍ଘଟଣା, ଟ୍ରକ୍‌ ଧକ୍କାରେ ଚାଲିଗଲା ଜୀବନ
  • ||
  • ଏସ୍‌ସି ଓ ଏସ୍‌ଟି କଲ୍ୟାଣ କମିଟି ଜାତୀୟ ସମ୍ମିଳନୀ, ବିକାଶ, ସଶକ୍ତୀକରଣକୁ ନେଇ ହେବ ଚର୍ଚ୍ଚା, ଉଦ୍‌ଘାଟନ୍ କରିବେ ବାଚସ୍ପତି ଓମ୍‌ ବିର୍ଲା
  • ||
  • ଡାଏମଣ୍ଡ ଲିଗ୍‌ ଫାଇନାଲ୍‌, ନୀରଜ ଚୋପ୍ରାଙ୍କୁ ରନର୍ସ ଅପ୍‌ରେ ସନ୍ତୁଷ୍ଟ, ୯୧.୫୧ ମିଟର ଜାଭେଲିନ୍ ଥ୍ରୋ କରି ୱେବର ଚାମ୍ପିଅନ୍‌
  • ||
  • ଟାରିଫ୍ ବିବାଦ ଭିତରେ ଜାପାନରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି, ପିଏମ୍ ଶିଗେରୁ ଇଶିବାଙ୍କୁ ଭେଟି ଦ୍ୱିପାକ୍ଷିକ ଚର୍ଚ୍ଚା କରିବେ
  • ||
  • ପାଣ୍ଡରାରେ ଚାଞ୍ଚଲ୍ୟ:ଛାତ ଉପରେ ଥିବା ଘରୁ ଆଇନଜୀବୀଙ୍କ ମୃତଦେହ ଉଦ୍ଧାର, ମୃତ୍ୟୁ କାରଣ ଖୋଜୁଛି ପୁଲିସ ଓ ସାଇଣ୍ଟଫିକ୍‌ ଟିମ୍‌
  • ||
  • ଆସୁଛି ଆଉ ଦୁଇଟି ଲଘୁଚାପ: ସେପ୍ଟେମ୍ବର ୩ରେ ଲଘୁଚାପ, ୫ରେ ଅବପାତ, ଆଜି ପ୍ରବଳ ବର୍ଷା ନେଇ୧୧ ଜିଲ୍ଲାକୁ ଆଲର୍ଟ ଜାରି
  • ||

'ବଢି ପାଣିରେ ସବୁ ଭାସିଗଲା, ଗରିବ ଲୋକ ବାବୁ, ଆମକୁ ସାହା ହୁଅ'... ଜିଲ୍ଲାପାଳଙ୍କ ଆଗରେ କାନ୍ଦି କାନ୍ଦି ଗୁହାରି କଲେ ବନ୍ୟା ବିପନ୍ନ

Published By : Rasmita Pradhan | August 29, 2025 1:19 PM

ଯାଜପୁର, ୨୯/୦୮: 'କାଣୀ ନଦୀର ଘାଈ ମେରୁଦଣ୍ଡ ଭାଙ୍ଗିଦେଲା। ବଢି ପାଣିରେ ସବୁ ଭାସିଗଲା। ନା ଖାଇବାକୁ ଅଛି, ନା ପିନ୍ଧିବାକୁ ଅଛି। ଗରିବ ଗୁରୁବା ଲୋକ ବାବୁ, ଆମକୁ ସାହା ହୁଅ'... ଏ ହେଉଛି ବନ୍ୟା ପ୍ରଭାବିତ ଯାଜପୁର ଜିଲ୍ଲା ଦଶରଥପୁର ଦରଘାର ଦୃଶ୍ୟ। ଜିଲ୍ଲାପାଳଙ୍କୁ ଦେଖି କୋହ ସମ୍ଭାଳି ନପାରି କୁଣ୍ଢାଇ ପକାଇଲେ ଜଣେ ବନ୍ୟା ବିପନ୍ନ। ଆଉ କାନ୍ଦି କାନ୍ଦି ଜିଲ୍ଲାପାଳଙ୍କ ଆଗରେ କଲେ ଗୁହାରି ।

ବୈତରଣୀରେ ବନ୍ୟା ଆସିବା ଯୋଗୁଁ ଶାଖା ନଦୀ କାଣୀରେ ୧୫୦ଫୁଟ୍ ଘାଇ ସୃଷ୍ଟି ହୋଇଥିଲା। ଫଳରେ ଅନେକ ଅଞ୍ଚଳ କ୍ଷତିଗ୍ରସ୍ତ ହୋଇଥିଲା। ଦଶରଥପୁରର ମୁଖ୍ୟତଃ କସପା, ଅହିୟାସ, ମଲିକାପୁର ଆଦି ଅଞ୍ଚଳ ପ୍ରବଳ କ୍ଷତିଗ୍ରସ୍ତ ହୋଇଛି । ୩୦ରୁ ଅଧିକ ଗାଁ ବନ୍ୟା ପାଣି ଘେରରେ ରହିଛି। ଏବେ ବର୍ଷା ଥମିଛି, ବନ୍ୟା ପାଣି ବି କମିଛି, ହେଲେ ବନ୍ୟା ବିପନ୍ନଙ୍କ ଦୁର୍ଦ୍ଦଶା ବଢିଛି। ବନ୍ୟା ପ୍ରଭାବରେ ଜୀବନ, ଜୀବିକା ସବୁ ଉଜୁଡ଼ି ଯାଇଛି । ତଳିଆ ଅଞ୍ଚଳରେ ସ୍ଥିତି ସୁଧୁରିବା ନାଁ ଧରୁନି । ଅଦ୍ୟାବଧି ବ୍ଲକ୍‌ର ବିଭିନ୍ନ ରାସ୍ତା ବନ୍ୟା ପାଣିରେ ବୁଡ଼ି ରହିଥିବାରୁ ସମ୍ପୃକ୍ତ ଅଞ୍ଚଳରେ ଗମନାଗମନ ସ୍ୱାଭାବିକ ହୋଇନାହିଁ । ବିଭିନ୍ନ ବନ୍ୟା ପ୍ରଭାବିତ ଅଞ୍ଚଳରେ ଅନେକ ବନ୍ୟା ବିପନ୍ନଙ୍କ ଘର ଦ୍ୱାର, ଘରେ ଥିବା ଆସବାବପତ୍ର, ଟଙ୍କା, ଖାଦ୍ୟ ସାମଗ୍ରୀ, ଲୁଗାପଟା ଭାସିଯାଇଛି । ଅହିୟାସ ବଜାରରେ ତେଜରାତି, କପଡ଼ା, ପରିବା ଦୋକାନ କରିଥିବା ବହୁ ବ୍ୟବସାୟୀଙ୍କର ସବୁ ସାମଗ୍ରୀ ପାଣିରେ ବୁଡ଼ି ନଷ୍ଟ ହୋଇଛି । ହଠାତ ପାଣି ମାଡ଼ି ଆସିବାରୁ ଦୋକାନ ଭିତରୁ କିଛି ସାମଗ୍ରୀ କାଢ଼ି ହୋଇନଥିଲା । ସେଥିରୁ କେତେକ ଜିନିଷ ପାଣିରେ ଭାସିଯାଇଛି । କିଏ ବ୍ୟାଙ୍କ ଋଣ କରି ବ୍ୟବସାୟ ବୃଦ୍ଧି ଆଶା ରଖିଥିଲା ତ ଆଉ କିଏ ହାତ ଉଦ୍ଧାରି ଆଣି ନିଜ ବ୍ୟବସାୟରେ ଟଙ୍କା ବିନିଯୋଗ କରିଥିବାରୁ ଏବେ କେମିତି ସେ ଋଣ ପରିଶୋଧ କରିବେ ଚିନ୍ତାରେ ପଡ଼ିଛନ୍ତି।

ଏହାରି ଭିତରେ ଗୁରୁବାର ଯାଜପୁର ସାଂସଦ ଡ. ରବୀନ୍ଦ୍ର ନାରାୟଣ ବେହେରା, ଜିଲ୍ଲାପାଳ ଅମ୍ବର କୁମାର କର, ବିଡିଓ ଆକାଶ ପଟ୍ଟନାୟକ, ଅତିରିକ୍ତ ତହସିଲଦାର ରଶ୍ମିରଞ୍ଜନ ମଲ୍ଲିକ, ବ୍ଲକ୍‌ ଯୋଗାଣ ନିରୀକ୍ଷିକା, ପୂର୍ବତନ ଜିଲ୍ଲା ବିଜେପି ସଭାପତି, ବିଜେପି ନେତ୍ରୀ ବବିତା ମଲ୍ଲିକ, ସଞ୍ଜୟ ନାୟକ, ସଂଗ୍ରାମ ପାତ୍ର, ସବ୍ୟସାଚୀ ଦାସ, ସତ୍ୟଜିତ ସାମଲ, ସୁବାସ ମହାନ୍ତି, ପ୍ରମୋଦ ପଣ୍ଡା, ଦୀପ୍ତିରେଖା ମିଶ୍ରଙ୍କ ପ୍ରମୁଖ କାଣି ନଦୀ ପାର୍ଶ୍ୱ କସପା ପଞ୍ଚାୟତ ଦରଘା ନିକଟ ଘାଇ ଓ ନିକଟସ୍ଥ ପ୍ରଭାବିତ ଅଞ୍ଚଳ ଅନୁଧ୍ୟାନ କରିବା ସହ ଅନେକ ବନ୍ୟା ପ୍ରଭାବିତ ସ୍ଥାନୀୟ ବାସିନ୍ଦାଙ୍କ ସମସ୍ୟା ଶୁଣିଥିଲେ। ଏହି ସମୟରେ ଜଣେ ବନ୍ୟା ବିପନ୍ନ କୋହ ସମ୍ଭାଳି ନପାରି ଜିଲ୍ଲାପାଳଙ୍କୁ କୁଣ୍ଢାଇ କାନ୍ଦି ପକାଇଥିଲେ। କୋହଭରା କଣ୍ଠରେ ଜିଲ୍ଲାପାଳଙ୍କୁ ଗୁହାରି କରିଥିଲେ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.