ପ୍ରମୂଖ ଖବର
  • କେନାଲ ନିକଟରେ ଯୁବକଙ୍କ ରକ୍ତାକ୍ତ ମୃତ ଦେହ ଠାବ, ହତ୍ୟା ସନ୍ଦେହ
  • ||
  • ମଙ୍ଗଳବାର ସରିବ ଶ୍ରୀକ୍ଷେତ୍ର ସାହିଯାତ, ରାମାଭିଷେକ ସହ ରାମଲୀଳାର ଅନ୍ତ ଘଟିବ
  • ||
  • IPL 2025: ଆଜି ଦିଲ୍ଲୀ କ୍ୟାପିଟାଲ୍ସକୁ ଭେଟିବ ଲକ୍ଷ୍ନୌ ସୁପରଜାଏଣ୍ଟ୍‌ସ, ଏକାନ୍ନାରେ ପୁଣି ହେବ ରାହୁଲ ରାଜୁତି
  • ||
  • କଟକ ଗତିରାଉତପାଟଣା ନିକଟରେ ପିସିଆର ଗାଡ଼ିକୁ ଧକ୍କା ଦେଲା ହାଇୱା, ୨ ପୋଲିସ କର୍ମଚାରୀ ମୃତ, ଜଣେ ଆହତ
  • ||
  • ପଶ୍ଚିମ, ଆଭ୍ୟନ୍ତରୀଣରେ ବର୍ଷୁଛି ନିଆଁ, ୪୫ ଡିଗ୍ରୀ ଡେଇଁଲା ପାରଦ: ଆଜିଠାରୁ ଗ୍ରୀଷ୍ମ ଲହରୀ, ୨୩ରୁ ସାଂଘାତିକ ତାତି
  • ||

ମ୍ୟୁଚୁଆଲ ଫଣ୍ଡ୍‌ରେ ନିବେଶ ନାଁରେ ପ୍ରାୟ ଦେଢ କୋଟିର ଠକେଇ, ଅଭିଯୁକ୍ତ ଗିରଫ

Published By : Prameya | March 21, 2025 2:30 PM

କଟକ, ୨୧/୦୩ : ମ୍ୟୁଚୁଆଲ୍ ଫଣ୍ଡ୍‌ରେ ନିବେଶ କରାଇବାକୁ କହି ପ୍ରାୟ ଦେଢ କୋଟି ଟଙ୍କାର ଠକେଇ ଅଭିଯୋଗ। ଯୁବକଙ୍କୁ ବାନ୍ଧିଲା ଲାଲବାଗ ଥାନା ପୋଲିସ। ଏକାଧିକ ଲୋକଙ୍କୁ ଠକି ଅଏସ୍ କରୁଥିଲେ ଅଭିଯୁକ୍ତ। ଗିରଫ ହୋଇଥିବା ଯୁବକ ଜଣଙ୍କ ହେଉଛନ୍ତି ଜଗତସିଂହପୁର ଜିଲ୍ଲା ବାଲିକୁଦା ମାଛଗାଁ ଅଞ୍ଚଳର ଆଶିଷ ଜେନା। ଏକାଧିକ ଘରୋଇ ବ୍ୟାଙ୍କରେ ଥିବା ଆଶିଷଙ୍କ ୬ଟି ଆକାଉଣ୍ଟ ଫ୍ରିଜ୍ କଲା ପୋଲିସ। ଏହା ସହ ଗୋଟିଏ ଦାମୀ କାର୍, ଦୁଇଟି ମୋବାଇଲ ଫୋନ୍ ଓ ଲାପ୍‌ଟପ୍ ଜବତ କରାଯାଇଛି। 

ସୂଚନାନୁଯାୟୀ, ବାଲିକୁଦା ମାଛଗାଁ ଅଞ୍ଚଳର ଆଶିଷ ଜେନା ଏକ ଘରୋଇ ବ୍ୟାଙ୍କରେ କାମ କରୁଛନ୍ତି। ୨୦୨୦ ରୁ ୨୦୨୪ ମସିହା ଭିତରେ ସେ ୩ଟି ବଡ଼ ଆର୍ଥିକ ଠକେଇ ମାମଲାରେ ସମ୍ପୃକ୍ତ ଅଛନ୍ତି। ଭୁବନେଶ୍ୱରର ଜଣେ ମହିଳାଙ୍କ ଠାରୁ ୭୦ ଲକ୍ଷ ୧୨ ହଜାର ୯୬୮ ଟଙ୍କା, କଟକର ଜଣେ ବ୍ୟକ୍ତିଙ୍କ ଠାରୁ ୮୨ ଲକ୍ଷ ୫୨ ହଜାର ୮୩୧ ଟଙ୍କା ଏବଂ ଅନ୍ୟ ଜଣେ ବ୍ୟକ୍ତିଙ୍କ ଠାରୁ ୬ ଲକ୍ଷ ଟଙ୍କାର ଆର୍ଥିକ ଠକେଇ କରିଥିବା ଜଣାପଡିଛି। ଏକାଧିକ ବ୍ୟକ୍ତିଙ୍କ ଠାରୁ ସେ ମୋଟ ଏକ କୋଟି ୫୮ ଲକ୍ଷ ଟଙ୍କାର ଠକେଇ କରିଛନ୍ତି। ମ୍ୟୁଚୁଆଲ‌୍ ଫଣ୍ଡରେ ନିବେଶ ନାଁରେ ଅଭିଯୋଗକାରୀମାନଙ୍କ ଠାରୁ ଏହି ଟଙ୍କା ଆଣିଛନ୍ତି। କିଛି ଅର୍ଥ ବିନିଯୋଗ କରି ବାକି ଟଙ୍କାରେ ଅଏସ୍ କରିଥିବା ଜଣାପଡ଼ିଛି। ଏପରିକି ଏହି ଅର୍ଥରେ ସେ ବିଦେଶ ଭ୍ରମଣ ବି କରିଛନ୍ତି। ଆଇ.ପି.ସିର ଧାରା ୪୧୯,୪୨୦,୪୬୭,୪୬୮ ଏବଂ ୪୬୫ ଅନୁଯାୟୀ ଅଶିଷଙ୍କ ବିରୋଧରେ ମାମଲା ରୁଜୁ ହୋଇଛି। ଆଶିଷଙ୍କୁ ଏବେ ଲାଲବାଗ ଥାନା ପୋଲିସ ଗିରଫ କରିଛି। ଏନେଇ ତଦନ୍ତ ଜାରି ରହିଥିବା ଆଡିସନାଲ ଡିସିପି କହିଛନ୍ତି। 

ଏହି ଖବରଟିକୁ ପଢନ୍ତୁ-ବିଧାୟକ ଟଙ୍କଧର ତ୍ରିପାଠୀଙ୍କ ଅପରାଧିକ ତଥ୍ୟ ମାଗିଲେ ହାଇକୋର୍ଟ, ସତ୍ୟପାଠ ଦାଖଲ କରିବେ ଦୀପାଳି

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.