ନୂଆଦିଲ୍ଲୀ,୧୯/୧୨: ଆଜିକାଲି, ଦୈନନ୍ଦିନ ଜିନିଷଗୁଡ଼ିକର ମୂଲ୍ୟ କ୍ରମାଗତ ଭାବରେ ବଦଳିବାରେ ଲାଗିଛି। ଏଫ୍ଏମ୍ସିଜି କମ୍ପାନୀଗୁଡିକ ଏହି ମାସରୁ ସେମାନଙ୍କ ଉତ୍ପାଦର ମୂଲ୍ୟ ବୃଦ୍ଧି କରିବାକୁ ପ୍ରସ୍ତୁତ ହେଉଛନ୍ତି। ଦ୍ରବ୍ୟର ମୂଲ୍ୟ ବୃଦ୍ଧି ଏବଂ ସୀମା ଶୁଳ୍କରେ ବୃଦ୍ଧି ହେତୁ ଏହି ବୃଦ୍ଧି ଘଟୁଛି। ଏହି କମ୍ପାନୀଗୁଡିକ ଅନୁଯାୟୀ ଚା, ଖାଇବା ତେଲ, ସାବୁନ୍ ଏବଂ ସ୍କିନ୍ କ୍ରିମ୍ ଭଳି ଜିନିଷ ୫-୨୦% ମହଙ୍ଗା ହେବ। ଯଦି ଏହି ମୂଲ୍ୟରେ ପରିବର୍ତ୍ତନ ଆସେ, ତେବେ ଗତ ୧୨ ମାସ ମଧ୍ୟରେ ଏହା ସବୁଠାରୁ ବଡ଼ ମୂଲ୍ୟ ବୃଦ୍ଧି ହେବ।
ଏହି ଏଫ୍ଏମ୍ସିଜି କମ୍ପାନୀଗୁଡିକରେ ହିନ୍ଦୁସ୍ତାନ ୟୁନିଲିଭର, ଗୋଡ୍ରେଜ କଞ୍ଜୁମର, ଡାବର, ଟାଟା କଞ୍ଜୁମର, ପାର୍ଲେ ପ୍ରଡକ୍ଟ, ୱିପ୍ରୋ କଞ୍ଜୁମର, ମାରିକୋ, ନେସ୍ଲେ ଏବଂ ଆଦାନୀ ୱିଲମାର ଭଳି କମ୍ପାନୀ ରହିଛି। ଏହି କମ୍ପାନୀଗୁଡିକର ଉତ୍ପାଦନ ଖର୍ଚ୍ଚରେ ବହୁତ ବୃଦ୍ଧି ଘଟିଛି। ଖାଇବା ତେଲର ଆମଦାନୀ ଶୁଳ୍କ ୨୨% ବୃଦ୍ଧି ପାଇଛି। ୨୦୨୫ ମସିହାରେ ଏହା ୪୦% ବୃଦ୍ଧି ପାଇବ ବୋଲି ଆକଳନ କରାଯାଇଛି। ଏହା ବ୍ୟତୀତ ୨୦୨୩ ରେ ଚିନି, ଗହମ ମଇଦା ଏବଂ କଫି ଭଳି ଜିନିଷର ମୂଲ୍ୟ ମଧ୍ୟ ବୃଦ୍ଧି ପାଇଥିଲା।
ଏଫ୍ଏମ୍ସିଜି ବଜାରରେ ହ୍ରାସ:
ନଭେମ୍ବରରେ ଏଫ୍ଏମ୍ସିଜି ବଜାରରେ ୪.୮% ହ୍ରାସ ହୋଇଥିଲା। ଏଥିରେ ଉଭୟ ଗ୍ରାମାଞ୍ଚଳ ଓ ସହରାଞ୍ଚଳରେ ବିକ୍ରିରେ ହ୍ରାସ ଦେଖିବାକୁ ମିଳିଥିଲା। ତମାମ ତଥ୍ୟକୁ ନେଇ ବିଶ୍ଲେଷକମାନେ କୌଣସି ଉତ୍ପାଦ ବୃଦ୍ଧିକୁ ନେଇ ସତର୍କ ରହିଛନ୍ତି। କାରଣ ବର୍ଦ୍ଧିତ ମୁଲ୍ୟ ଏବଂ ମାନ୍ଦାବସ୍ତା ଏଫ୍ଏମ୍ସିଜିକୁ ପୁଣିଥରେ ସ୍ବାଭାବିକ କରିବାକୁ ପ୍ରଭାବ ପଡ଼ିପାରେ। ଆଣ୍ଟିକି ବ୍ୟାଙ୍କିଙ୍ଗ୍ କହିଛନ୍ତି ଯେ, କଞ୍ଚାମାଲ ମୁଦ୍ରାସ୍ଫୀତି ଏଫ୍ଏମ୍ସିଜି ସ୍ବାଭାବିକ କରିବାକୁ ଆହୁରି ବିଳମ୍ବ ହୋଇପାରେ।
ଏହି ବୃଦ୍ଧିକୁ କିଛି ପରିମାଣରେ ନିୟନ୍ତ୍ରଣ କରିବା ପାଇଁ କମ୍ପାନୀଗୁଡିକ ଅନେକ ପଦ୍ଧତି ବ୍ୟବହାର କରୁଛନ୍ତି। ମୋଟ ଉପରେ, ଏହି ମୂଲ୍ୟ ବୃଦ୍ଧି ଏଫ୍ଏମ୍ସିଜି ଉତ୍ପାଦଗୁଡିକରେ ଅଧିକ ମୁଦ୍ରାସ୍ଫୀତି ସୃଷ୍ଟି କରୁଛି। କମ୍ପାନୀଗୁଡିକ ଏହାକୁ ସମସ୍ତ ପ୍ୟାକ୍ ଆକାରରେ କାର୍ଯ୍ୟକାରୀ କରୁଛନ୍ତି। ପୂର୍ବରୁ ଏହା କେବଳ ବଡ଼ ପ୍ୟାକ୍ ଉପରେ ପ୍ରଭାବ ପକାଇଥିଲା। ଏପରି ପରିସ୍ଥିତିରେ, ଯଦି ଏହି ପରିବର୍ତ୍ତନ ଘଟେ, ତେବେ ଆଜି ପର୍ଯ୍ୟନ୍ତ ଏହା ସବୁଠାରୁ ବଡ଼ ପରିବର୍ତ୍ତନ ହେବ।
