ପ୍ରମୂଖ ଖବର
  • IPL 2025: ୧୦ ଦିନ ପରେ ଫେରିଲା ଫଟାଫଟ୍ କ୍ରିକେଟ୍, ଆଜି ରୟାଲ ଚ୍ୟାଲେଞ୍ଜର୍ସକୁ ଭେଟିବ ନାଇଟ୍‌ ରାଇଡର୍ସ
  • ||
  • ଭୁବନେଶ୍ୱର : ବାଇକ୍‌ରେ ଆସି କାର୍‌ କାଚ ଭାଙ୍ଗିଲେ ଦୁର୍ବୃତ୍ତ, ଅଭିଯୁକ୍ତ ଫେରାର
  • ||
  • ବାସୁଦେବପୁର : ଭୋଜି ଖାଇ ଫେରିବା ବେଳେ ଓଲଟିଲା ଚାରି ଚକିଆ ଗାଡି, ୧୦ରୁ ଉର୍ଦ୍ଧ୍ଵ ଗୁରୁତର
  • ||
  • ମେ' ୨୦ ସୁଦ୍ଧା ଯୁକ୍ତ ଦୁଇ ପରୀକ୍ଷା ଫଳ, ଏବେ ଚୂଡ଼ାନ୍ତ ପର୍ଯ୍ୟାୟରେ ପ୍ରକ୍ରିୟା
  • ||
  • କାଳବୈଶାଖୀ ଆସିବ, ଆଶ୍ୱସ୍ତି ଦେବନି: ୬ ଦିନ ପର୍ଯ୍ୟନ୍ତ ତାପମାତ୍ରାରେ ବିଶେଷ ପରିବର୍ତ୍ତନ ସମ୍ଭାବନା କମ୍
  • ||

ପିଏନବି ଘୋଟାଲା; ବେଲଜିୟମରୁ ବନ୍ଧା ହେଲା ପଳାତକ ମେହୁଲ ଚୋକସି

Published By : Ankita S | April 14, 2025 8:01 AM

ନୂଆଦିଲ୍ଲୀ,୧୪/୦୪: ପଞ୍ଜାବ ନ୍ୟାସନାଲ ବ୍ୟାଙ୍କ ଘୋଟାଲା ମାମଲାର ମୁଖ୍ୟ ଅଭିଯୁକ୍ତ ମେହୁଲ ଚୋକସି ଗିରଫ ହୋଇଛି । ବେଲଜିୟମରୁ ମେହୁଲ ଚୋକସି ଗିରଫ ହୋଇଥିବା ସୂଚନା ମିଳିଛି । ପିଏନ୍‌ବି ଦୁର୍ନୀତି ମାମଲାରେ ଫେରାର ଥିଲା ହୀରା ବ୍ୟବସାୟୀ ମେହୁଲ ଚୋକସି । ଭାରତ ସରକାରଙ୍କ ଅପିଲ ପରେ ବେଲଜିୟମରୁ ଗିରଫ ହୋଇଛି ମେହୁଲ । ତାଙ୍କ ନାମରେ ୧୩ ହଜାର କୋଟି ଟଙ୍କାର ଠକେଇ ଅଭିଯୋଗ ରହିଛି । ଖୁବଶୀଘ୍ର ମେହୁଲଙ୍କୁ ଭାରତ ଆଣିବାକୁ ପ୍ରୟାସ କରାଯିବ । ଯଦି ସେ ଭାରତ ଫେରେ ତେବେ ଭାରତର ଏହା ଆଉ ଏକ କୂଟନୈତିକ ବିଜୟ ହେବ ।

୨୦୧୮ରେ ଭାରତରୁ ଫେରାର ହୋଇଥିଲା ମେହୁଲ ଚୋକସି । ବର୍ଷ ବର୍ଷ ଧରି ଚାଲିଥିବା ପ୍ରୟାସରେ ମେହୁଲ ଚୋକସିକୁ ଗିରଫ କରିବା ଏକ ମହତ୍ତ୍ୱପୂର୍ଣ୍ଣ ପଦକ୍ଷେପ ବୋଲି କୁହାଯାଉଛି । ସିବିଆଇକୁ ଅନୁରୋଧ ପରେ ମେହୁଲ ଚୋକସି ଗିରଫ ହୋଇଛି । ବେଲଜିୟମର ଏକ ହସ୍ପିଟାଲରୁ ତାଙ୍କୁ ଗିରଫ କରାଯାଇଛି । କୁହାଯାଉଛି କି ଭାରତୀୟ ତଦନ୍ତ ଏଜେନ୍ସିର ଅନୁରୋଧ ପରେ ଚୋକସିକୁ ଗିରଫ କରାଯାଇଛି । 

ଇଡ଼ି ଓ ସିବିଆଇ ଯେବେଠୁ ମେହୁଲ ଚୋକସିର ପ୍ରତ୍ୟର୍ପଣ ନେଇ ଚେଷ୍ଟା କରିଛନ୍ତି ତାର କିଛି ଦିନ ପରଠୁ ସେ ହସ୍ପିଟାଲରେ ଭର୍ତ୍ତି ହୋଇଥିଲେ । ଏବେ ମେହୁଲକୁ ଭାରତ ଅଣାଯିବା ନେଇ ପ୍ରସ୍ତୁତି ଆରମ୍ଭ ହୋଇଛି । ହୀରା ବ୍ୟବସାୟୀ ମେହୁଲ ଚୋକିସ ପିଏନ୍‌ବିରୁ ହୋଇଥିବା ୧୩ ହଜାର ୫୦୦ କୋଟି ଟଙ୍କାର ଘୋଟାଲାରେ ସାମିଲ ଅଛି । ମେହୁଲ ଚୋକସିଙ୍କ ପତ୍ନୀ ପ୍ରୀତି ଚୋକସି ବେଲଜିୟମ ନାଗରିକ । ମିଡିଆ ରିପୋର୍ଟ ଅନୁସାରେ ମେହୁଲ ବେଲଜିୟମରେ ରହିବାକୁ ଜାଲ ଦସ୍ତାବିଜର ବ୍ୟବହାର କରିଥିଲା । ଯାହା ଫଳରେ ଭାରତ ଫେରିବାରୁ ମୁକୁଳିପାରିବ । ୨୦୧୮ରୁ ପରିବାର ସହ ଆଣ୍ଟିଗୁଆ ଫେରାର ହୋଇଥିଲା ମେହୁଲ ଚୋକସି । ୨୦୧୭ରେ ତାଙ୍କୁ ଆଣ୍ଟିଗୁଆ ନାଗରିକତା ମିଳିଥିଲା ।

 ଅଧିକ ପଢନ୍ତୁ...ପିଏନବି ମାମଲା: ଅଡୁଆରେ ମେହୁଲ ଚୋକସି, ନାଗରିକତ୍ୱ ରଦ୍ଦ କରିବାର ପକ୍ରିୟା ଆରମ୍ଭ କଲେ ଆଣ୍ଟିଗୁଆ ସରକାର

ପିଏନ୍‌ବି ଘୋଟାଲା- ଦେଶର ସବୁଠୁ ବଡ଼ ବ୍ୟାଙ୍କ ଘୋଟାଲା । ପଞ୍ଜାବ ନ୍ୟାସନାଲ ବ୍ୟାଙ୍କରୁ ହଜାର କୋଟି ଟଙ୍କାର ଘୋଟାଲାରେ ମେହୁଲ ଚୋକସି ଏବଂ ତାଙ୍କ ଭାଇ ପୁଣ ନୀରବ ମୋଦିଙ୍କ ନାମ ସାମିଲ ଅଛି । ୨୦୨୨ରେ ଇଡ଼ି ମେହୁଲ, ପ୍ରୀତି ଚୋକସିଙ୍କ ବିରୋଧରେ ଚାର୍ଜସିଟ ଦାଖଲ କରିଥିଲା । ନୀରବ ମୋଦି ବର୍ତ୍ତମାନ ଲଂଣ୍ଡନ ଜେଲରେ ଅଛି । ସେ ଯେପରି ଭାରତ ନଫେରିବ ସେ ନେଇ ପ୍ରୟାସ ଜାରି ରଖିଛି ।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.