ଖୋର୍ଦ୍ଧା, ୨୧/୦୮: ଭ୍ୟାନ୍ରୁ କୋଟିଏ ଟଙ୍କାର ଗଞ୍ଜେଇ ଜବତ । ଚୋରା ଚାଲାଣ ବେଳେ ମାଡ଼ି ବସିଲା ଅବକାରୀ ବିଭାଗ। ଜଣେ ଅଭିଯୁକ୍ତ ଗିରଫ। ୧୬ନଂ ଜାତୀୟ ରାଜପଥ ଚଣ୍ଡେଶ୍ଵର ନିକଟରୁ ପିକଅପ୍ ଭ୍ୟାନ୍ଟି ଧରା ପଡ଼ିଛି । ଗାଡ଼ି ଭିତରୁ ୧୦ କ୍ଵିଣ୍ଟାଲ୍ ୫୦ କିଲୋର ଗଞ୍ଜେଇ ଜବତ କରାଯାଇଛି।
ସୂଚନାନୁଯାୟୀ, ଗଜପତିରୁ ପୁରୀ ଅଭିମୁଖେ ଏକ ଗଞ୍ଜେଇ ଭର୍ତ୍ତି ପିକଅପ୍ ଭ୍ୟାନ୍ ଯାଉଥିଲା। ଏନେଇ ଖବର ପାଇବା ପରେ ଅବକାରୀ ବିଭାଗ ଚଢାଉ କରି ୧୬ନଂ ଜାତୀୟ ରାଜପଥ ଚଣ୍ଡେଶ୍ଵର ନିକଟରୁ ପିକଅପ୍ ଭ୍ୟାନ୍କୁ ଅଟକାଇଥିଲା । ଗାଡିକୁ ଯାଞ୍ଚ ବେଳେ ସେଥିରୁ ୧୦ କ୍ଵିଣ୍ଟାଲ୍ ୫୦ କିଲୋ ଓଜନର ଗଞ୍ଜେଇ ଜବତ ହୋଇଛି । ଏହାର ଆନୁମାନିକ ମୂଲ୍ୟ ୧ କୋଟିରୁ ଅଧିକ ହେବ ବୋଲି ସୂଚନା ମିଳିଛି । ଗଞ୍ଜେଇ ଚୋରା ଚଲାଣ ଅଭିଯୋଗରେ ପୁଲିସ ଜଣେ ଅଭିଯୁକ୍ତକୁ ଗିରଫ କରି ତଦନ୍ତ ଚଳାଇଛି । ଗିରଫ ହୋଇଥିବା ଅଭିଯୁକ୍ତ ଜଣଙ୍କ ଖୋର୍ଦ୍ଧା ଗୁଡୁମୁ ଗ୍ରାମର ପ୍ରିୟ ରଂଜନ ପଣ୍ଡା ବୋଲି ଜଣାପଡ଼ିଛି।
