ନୂଆଦିଲ୍ଲୀ : ଭାରତୀୟ ଟିମ୍ର ମୁଖ୍ୟ କୋଚ୍ ଗୌତମ ଗମ୍ଭୀର ଶୁକ୍ରବାର ନିଜ ପରିବାର ସହ ଛୁଟି ପାଳିବାକୁ ଫ୍ରାନ୍ସ ଯାଇଛନ୍ତି। ଏହିଥର ପ୍ରଶଂସକ ନିଜର ପସନ୍ଦର ପୂର୍ବତନ କ୍ରିକେଟରଙ୍କୁ ଆଇପିଏଲରେ ଦେଖି ପାରିବେ ନାହିଁ। କାରଣ ସେ ଭାରତୀୟ ଟିମ୍ର କୋଚ୍ ପରେ ଆଇପିଏଲରୁ ହଟି ଯାଇଛନ୍ତି। ହେଲେ ଗତ ସିଜନ ସୁଦ୍ଧା ଗୌତମ ଗମ୍ଭୀର ଆଇପିଏଲରେ ମେଣ୍ଟରର ଭୂମିକାରେ ନଜର ଆସି ଥିଲେ ଏବଂ କୋଲକାତା ନାଇଟ୍ ରାଇଡର୍ସକୁ ଚାମ୍ପିଅନ କରିବାରେ ପ୍ରମୁଖ ଭୂମିକା ତୁଲାଇ ଥିଲେ।
ସୋସିଆଲ ମିଡ଼ିଆରେ ଗୌତମ ଗମ୍ଭୀରଙ୍କର ଏକ ଭିଡ଼ିଓ ଭାଇରାଲ ହେଉଛି, ଯେଉଁଥିରେ ସେ ନିଜ ପରିବାର ସହ ଏୟାରପୋର୍ଟରେ ନଜର ଆସିଛନ୍ତି। ଗୌତମ ଗମ୍ଭୀର ଗତ ସିଜନରେ ପରଦା ପଛରେ ପ୍ରମୁଖ ଭୂମିକା ତୁଲାଇ ଥିଲେ, ଯେଉଁଥି ପାଇଁ କେକେଆର ନିଜର ୩ୟ ଆଇପିଏଲ ଟାଇଟଲ ଜିତି ଥିଲା। ବର୍ତ୍ତମାନ ଚାମ୍ପିଅନ ଟିମ୍ ଆଇପିଏଲ ୨୦୨୫ ସିଜନ ପୂର୍ବରୁ ବ୍ରାବୋଙ୍କ ଆଡ଼କୁ ଢଳିଛି, କାରଣ ଗମ୍ଭୀର ଏବେ ଭାରତୀୟ ଟିମ୍ର ମୁଖ୍ୟ କୋଚ୍ ଅଛନ୍ତି। ଗୌତମ ଗମ୍ଭୀର ଆଇପିଏଲ ୨୦୨୨ ଓ ୨୦୨୩ରେ ଲକ୍ଷ୍ନୌ ସୁପର ଜଏଣ୍ଟସର ମେଣ୍ଟର ମଧ୍ୟ ଥିଲେ।
ମୁଖ୍ୟକୋଚ ଗୌତମ ଗମ୍ଭୀର ନିଜର ପତ୍ନୀ ନତାଶା ଓ ନିଜର ଦୁଇ ଝିଅ, ଆଜିନ ଓ ଅନାଇଜାଙ୍କ ସହ ଫ୍ରାନ୍ସ ପ୍ରସ୍ଥାନ କରିଛନ୍ତି। ଗମ୍ଭୀରଙ୍କର କୋଚିଂରେ ଭାରତ ଚାମ୍ପିୟନ୍ସ ଟ୍ରଫି ୨୦୨୫ ନିଜ ନାଁରେ କରିଛି। ୯ମାର୍ଚ୍ଚରେ ଭାରତ ନ୍ୟୁଜିଲ୍ୟାଣ୍ଡକୁ ୪ ୱିକେଟ୍ରେ ହରାଇ ଟାଇଟଲ ହାତେଇ ଥିଲା। ଗୌତମ ଗମ୍ଭୀର ଗତ କିଛି ଦିନରୁ ଲଗାତାର ଭାରତୀୟ ଟିମ୍ ସହ ଥିଲେ, ଏହା ପୂର୍ବରୁ ସେ ବର୍ଡର ଗାଭାସ୍କର ଟ୍ରଫିର ଲମ୍ୱା ଗସ୍ତରେ ମଧ୍ୟ ଉପସ୍ଥିତ ଥିଲେ। ଜୁଲାଇରେ ଟି-୨୦ ବିଶ୍ୱକପ୍ ଜିତିବା ସହ ରାହୁଲ ଦ୍ରାବିଡଙ୍କ କାର୍ଯ୍ୟକାଳର ଶେଷ ହେବା ପରେ ଗମ୍ଭୀରଙ୍କୁ ରାଷ୍ଟ୍ରୀୟ ଟିମ୍ର ଦାୟିତ୍ୱ ସମ୍ଭାଳିବାର ୮ ମାସ ହୋଇ ସାରିଛି।
ଆଇପିଏଲ ୨୦୨୪ରେ ଗୌତମ ଗମ୍ଭୀର କୋଲକାତା ନାଇଟ୍ ରାଇଡର୍ସର ମେଣ୍ଟର ଥିଲେ ଏବଂ ତାଙ୍କର ତତ୍ତ୍ୱାବଧାନରେ କୋଲକାତା ଚାମ୍ପିଅନ ହୋଇଥିଲା। ଆଇପିଏଲରେ ଆକର୍ଷଣୀୟ ସଫଳତା ମିଳିବା ପରେ ଗୌତମ ଗମ୍ଭୀରଙ୍କୁ ଭାରତୀୟ ଟିମ୍ର ମୁଖ୍ୟ କୋଚ୍ ନିଯୁକ୍ତ କରାଯାଇ ଥିଲା।
ନ୍ୟୁଜିଲ୍ୟାଣ୍ଡକୁ ହରାଇ ଚାମ୍ପିଅନ୍ସ ଟ୍ରଫିର ଟାଇଟଲ ଜିତିଥିବା ଭାରତୀୟ ପୁରୁଷ ଟିମ୍କୁ ବିସିସିଆଇ, ୫୮ କୋଟି ଟଙ୍କାର ନଗଦ ପୁରସ୍କାର ଦିଆ ଯିବାକୁ ଘୋଷଣା କରିଛି। ବିସିସିଆଇ ଦ୍ୱାରା ଷୋଘିତ ଏହି ପୁରସ୍କାର ରାଶିର ବିତରଣ ଭାରତୀୟ କ୍ରିକେଟ୍ ଟିମ୍ର ଖେଳାଳି , କୋଚିଂ, ସହଯୋଗୀ ଷ୍ଟାଫ୍ ଓ ଅଜିତ ଅଗରକରଙ୍କର ଅଧ୍ୟକ୍ଷତାରେ ଚୟନ କମିଟି ମଧ୍ୟରେ ହେବ।
