ନୂଆଦିଲ୍ଲୀ: ଆଇପିଏଲର ୫୧ତମ ମ୍ୟାଚ୍ରେ ସନରାଇଜର୍ସ ହାଇଦ୍ରାବାଦକୁ ଜିତିବା ପାଇଁ ଗୁଜରାଟ ଟାଇଟାନ୍ସ ୨୨୫ ରନ୍ର ଟାର୍ଗେଟ ଦେଇଛି। ଗୁଜରାଟର ନରେନ୍ଦ୍ର ମୋଦି ଷ୍ଟାଡିୟମ୍ରେ ହେଉଥିବା ଏହି ମ୍ୟାଚରେ ଟସ୍ ଜିତି ହାଇଦ୍ରାବାଦ ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଥିଲା।
ଗୁଜରାଟ ଟାଇଟାନ୍ସ ୨୦ ଓଭର ସୁଦ୍ଧା ୬ ୱିକେଟ୍ ହରାଇ ୨୨୪ ରନ୍ ସଂଗ୍ରହ କରିଥିଲା। ଅଧିନାୟକ ଶୁଭମନ ଗିଲ୍ ୭୬ ରନ୍ ର ଏକ ଲମ୍ୱା ପାରି ଖେଳିଥିଲେ। ସେହିଭଳି ଜୋସ୍ ବଟଲର୍ ୬୪ ରନ୍ କରି ଆଉଟ୍ ହୋଇଥିଲେ। ସାଇ ସୁଦର୍ଶନ ୪୮ ରନ୍ର ଇନିଂସ ଖେଳିଥିଲେ। ଏହି ମ୍ୟାଚରେ ଜୟଦେବ ଉନାଦକଟଙ୍କୁ ୩ ୱିକେଟ୍ ମିଳିଥିଲା। ପ୍ୟାଟ୍ କମିନ୍ସ ଏବଂ ଜିଶାନ୍ ଅନସାରୀଙ୍କୁ ଗୋଟିଏ ଲେଖାଏଁ ୱିକେଟ୍ ମିଳିଥିଲା।
