କରଞ୍ଜିଆ,୧୧।୩ : ରୋଗୀ ବେଶରେ ଡାକ୍ତରଖାନାକୁ ଆସିଲେ ଦୁର୍ବୃତ୍ତ। ଔଷଧ ମାଗିବା ବାହାନାରେ ଭିତରକୁ ପଶି ସ୍ବାସ୍ଥ୍ୟକେନ୍ଦ୍ରର ସିଏଚଓଙ୍କୁ ବନ୍ଧୁକ ଦେଖାଇ ସୁନା ଚେନ ଲୁଟି ନେଲେ । ଲୁଟର ଶିକାର ହୋଇଛନ୍ତି ଠାକୁରମୁଣ୍ଡା କେନ୍ଦୁଜିଆଣି ଠାରେ ଥିବା ସ୍ୱାସ୍ଥ୍ୟ ଉପକେନ୍ଦ୍ରର ସିଏଚଓ ଟୁଇଙ୍କିଲ ବେହେରା।
ଠାକୁରମୁଣ୍ଡା ଥାନା କେନ୍ଦୁଜିଆଣି ଠାରେ ଥିବା ସ୍ୱାସ୍ଥ୍ୟ ଉପକେନ୍ଦ୍ରକୁ ୨ ଜଣ ଦୁର୍ବୃତ୍ତ ଔଷଧ ନେବାକୁ ଆସିଥିଲେ। ଡାକ୍ତରଖାନା ସିଏଚଓ ଟୁଇଙ୍କିଲଙ୍କୁ ପେନ୍ କ୍ଲିଅର ମାଗିବା ବାହାନାରେ ଭିତରକୁ ଯାଇ ବନ୍ଧୁକ ଦେଖାଇ ସୁନା ଚେନ ଲୁଟ କରି ଫେରାର ହୋଇଯାଇଥିଲେ। ଏ ନେଇ ଟୁଇଙ୍କିଲ ବେହେରା ଥାନାରେ ଅଭିଯୋଗ କରିଥିଲେ। ଠାକୁରମୁଣ୍ଡା ପୋଲିସ୍ ଘଟଣା ସ୍ଥଳରେ ପହଞ୍ଚି ତଦନ୍ତ କରୁଛି।
