ହାଟଡିହି, ୧।୬: ଆନନ୍ଦପୁର ଉପଖଣ୍ଡରେ ଗୋଟିଏ ପରେ ଗୋଟିଏ ଲୁଟ୍ ବଢ଼ି ଚାଲିଛି । ଯାହାକୁ ନେଇ ଲୋକେ ଆତଙ୍କିତ ହୋଇପଡ଼ିଛନ୍ତି । ଶନିବାର ରାତିରେ ନନ୍ଦିପଦା ଥାନା ନିସଙ୍ଖପୂର ଗ୍ରମରେ ବିଳମ୍ୱିତ ରାତିରେ ଝରକା ଗ୍ରିଲ ଭାଙ୍ଗି ପାଖାପାଖି ୫ଲକ୍ଷ ଟଙ୍କାର ସୁନା, ରୂପା ଅଳଙ୍କାର ଲୁଟହୋଇଥିବା ଅଭିଯୋଗ ହୋଇଛି ।
ସୂଚନାନୁସାରେ, ବାସୁଦେବ ଖୁଣ୍ଟିଆଙ୍କ ପରିବାର ଲୋକେ ଶନିବାର ରାତିରେ ନିକଟରେ ହେଉଥିବା ଯାତ୍ରା ଦେଖିବାକୁ ଯାଇଥିଲେ । ସାଢେ଼ ଗୋଟାଏରୁ ୨ଟା ଭିତରେ ଫେରିବା ବେଳକୁ ଘରୁ ଚୋରି ହୋଇ ସାରିଥିଲା । ଲୁଟେରାମାନେ ଘରର ଝରକା ଗ୍ରିଲ ଭାଙ୍ଗି ଭିତରେ ପସି ଆଲାମିରା ଭିତରେ ଥିବା ସୁନା, ରୂପା ଅଳଙ୍କର ଓ କିଛି ନଗଦ ଟଙ୍କା ଲୁଟି ନେଇଛନ୍ତି । ଏନେଇ ନନ୍ଦିପଦା ଥାନାରେ ଅଭିଯୋଗ କରାଯାଇଛି । ପୁଲିସ ପ୍ରାଥମିକ ତଦନ୍ତ ଜାରି ରଖିଛି । କିଛିଦିନ ଭିତରେ ଗୋଟିଏ ପରେ ଗୋଟିଏ ଚୋରି ଲୋକଙ୍କ ମଧ୍ୟରେ ଆତଙ୍କ ଖେଳାଇ ଦେଇଛି । ପୁଲିସ ଗୋଟିଏ ବି ଲୁଟ୍ର ରହସ୍ୟ ଭେଦିପାରୁନି ।
