ଆଜିକାଲି ସମସ୍ତେ ଘର ଖାଇବାଠାରୁ ଅଧିକ ବାହାର ଖାଦ୍ୟ ଅର୍ଥାତ୍ ଫାଷ୍ଟଫୁଡ ଖାଇବାକୁ ପସନ୍ଦ କରନ୍ତି । ଘରର ତିଆରି ଭାତ,ଡାଲି, ରୋଟି ଖାଇବାକୁ ପସନ୍ଦ କରୁନାହାନ୍ତି ପିଲା । ଆଉ ବାହରେ ଅଧିକ ଫାଷ୍ଟଫୁଡ ଖାଇବା ଯୋଗୁଁ ଅନେକ ଲୋକ କମ୍ ବୟସରେ ମେଦବହୁଳତା ସହିତ ବିଭିନ୍ନ ସ୍ବାସ୍ଥ୍ୟଜନିତ ସମସ୍ୟାର ସମ୍ମୁଖୀନ ହେଉଛନ୍ତି । ଏଥିସହ ଶରୀରରେ ଇମ୍ୟୁନିଟି ମଧ୍ୟ ହେଉଛି ପ୍ରଭାବିତ । ସେହିପରି ପିଲାଙ୍କ ଖାଇବା ଅଭ୍ୟାସ ସେମାନଙ୍କ ପ୍ରାରମ୍ଭିକ ବର୍ଷରୁ ଆରମ୍ଭ ହୋଇଥାଏ । ଯଦି ଏହି ସମୟରେ ଜଙ୍କଫୁଡ ନିୟମିତ ଅଭ୍ୟାସ ପଡିଯାଏ ତାହେଲେ ଆଗକୁ ସେମାନଙ୍କ ଏହି ଅଭ୍ୟାସ ଛଡାଇବା କଷ୍ଟକର ହୋଇପଡେ । ଯାହାଫଳରେ ସେମାନେ ବିଭିନ୍ନ ଦରୋଗର ସମ୍ମୁଖୀନ ହୁଅନ୍ତି । ତେବେ ଆସନ୍ତୁ ଜାଣିବା କେଉଁସବୁ କାରଣ ଯୋଗୁଁ ପିଲାମାନେ ଜଙ୍କଫୁଡ଼ ଖାଇବାକୁ ପସନ୍ଦ କରୁଛନ୍ତି ।
ଅଧିକ ବ୍ୟସ୍ତ ରହୁଥିଲେ ଓ ନିଜ ପିଲାର ଖାଦ୍ୟପେୟ ପ୍ରତି ବିଶେଷ ଧ୍ୟାନ ନ ଦେଇପାରନ୍ତିନି। ଫଳରେ ପିଲାମାନେ ଘର ଖାଦ୍ୟ କମ୍ ଓ ବାହାର ଖାଦ୍ୟ ଅଧିକ ଖାଇଥାନ୍ତି । ସେହିପରି ଜଙ୍କଫୁଡ୍ ସ୍ବାଦିଷ୍ଟ ଓ ସହଜରେ ଉପଲବ୍ଧ ହୋଇଥାଏ । ତେଣୁ ପିଲାମାନେ ଏହାକୁ ଖାଇବାକୁ ପସନ୍ଦ କରନ୍ତି । ଟିଭିରେ ଫାଷ୍ଟଫୁଡ ଓ ପ୍ରୋସେସ୍ଡ ଫୁଡର ଲୋଭନୀୟ ବିଜ୍ଞାପନ ପିଲାଙ୍କୁ ଆକର୍ଷିତ କରେ ।ପିଲାଙ୍କୁ ଯଦି ନିର୍ଦ୍ଧିଷ୍ଟ ସମୟରେ ଖାଇବାର ଅଭ୍ୟାସ ନ କରାଯାଏ ତେବେ ସେ ସ୍ନାକ୍ସ, ଫାଷ୍ଟଫୁଡ ଖାଇବାକୁ ଇଚ୍ଛା କରନ୍ତି । ସେହିପରି ପିଲାଙ୍କୁ ତଟକା ଫଳ,ପନିପରିବା, ଡାଲି, ଶସ୍ୟ ଜାତୀୟ ଖାଦ୍ୟ ଦେବା ଉଚିତ୍ । ବାପାମାଆ ଓ ପରିବାରର ଅନ୍ୟ ସଦସ୍ୟ ପିଲାଙ୍କ ସହ ସମୟ ବିତାନ୍ତୁ ଏବଂ ସ୍ବାସ୍ଥ୍ୟକର ଖାଦ୍ୟ ଖାଇବାର ଲାଭ ବୁଝାନ୍ତୁ।
ତେଣୁ ନିୟମିତ ସମୟରେ ଖାଇବା ଅଭ୍ୟାସ ଉପରେ ଧ୍ୟାନ ଦିଅନ୍ତୁ। ସେହିପରି ଖାଇବାର ଗୋଟିଏ ସମୟ ସ୍ଥିର କରନ୍ତୁ ଆଉ ସବୁଦିନ ଠିକ ସେହି ସମୟରେ ହିଁ ଖାଆନ୍ତୁ । ପିଲାଙ୍କ ପାଇଁ ନିୟମିତ ନୂଆ ନୂଆ ଖାଦ୍ୟ ରାନ୍ଧିବାକୁ ଚେଷ୍ଟା କରନ୍ତୁ । ପନିପରିବା,ଫଳମୂଳ ଭଳି ବିଭିନ୍ନ ପୌଷ୍ଟିକ ଖାଦ୍ୟକୁ ପ୍ଲେଟରେ ଭଲ ଭାବେ ସଜାଇ ଦିଅନ୍ତୁ । ଯାହା ଫଳରେ ପିଲାମାନେ ସେହି ଖାଦ୍ୟ ଖାଇବାକୁ ବେଶ ପସନ୍ଦ କରିବେ । ସ୍ନାକ୍ସ ଭାବେ ଫଳମୂଳ, ଡ୍ରାଏ ଫ୍ରୁଟ୍ସ ଓ ବାଦାମ ଲଡୁ ଖାଇବାକୁ ପିଲାମାନଙ୍କୁ ଦିଅନ୍ତୁ । ଖାଦ୍ୟ ଖାଇବା ସମୟରେ ପିଲାଙ୍କୁ ଟିଭି ଓ ମୋବାଇଲ ଦେଖିବାରୁ ଦୂରେଇ ରଖନ୍ତୁ । ଏହାଦ୍ବାରା ସେମାନେ ଏହି ଖରାପ ଅଭ୍ୟାସରୁ ଦୂରେଇ ରହିବେ ।
