ପ୍ରମୂଖ ଖବର
  • ବିଜେଡିର ୬ ଜିଲ୍ଲା ସଭାପତିଙ୍କ ନାଁ ଘୋଷଣା, ଭୁବନେଶ୍ୱର ଦାୟିତ୍ୱରେ ଅଶୋକ ପଣ୍ଡା
  • ||
  • ବୌଦ୍ଧ : ବାଇକ୍‌କୁ ଧକ୍କା ଦେଲା ପିକଅପ୍ ଭ୍ୟାନ: ବାପା ମୃତ, ପୁଅ ଗୁରୁତର
  • ||
  • ମାଲକାନଗିରି : ସେୟାର ମାର୍କେଟରେ ଟ୍ରେଡିଂ ନାଁରେ ୮୦ ଲକ୍ଷ ଲୁଟ୍‌, ଅଭିଯୁକ୍ତ ଗିରଫ
  • ||
  • ଭୁବନେଶ୍ୱର : ପୂର୍ବ ଶତ୍ରୁତାରୁ ଭିଣୋଇକୁ କଟୁରୀରେ ହାଣିଲା ଶାଳକ ଆକ୍ରମଣ, ଥାନାରେ ଅଭିଯୁକ୍ତର ଆତ୍ମ ସମର୍ପଣ
  • ||
  • ଅନୁଗୁଳ : ୨୬ ତାରିଖରୁ ନିଖୋଜ ହୋଇଥିଲେ ଯୁବତୀ, ଗାଁ ପାଖ ବିଲରୁ ମିଳିଲା ମୃତଦେହ
  • ||
  • ନିଟ୍‌-ୟୁଜି ଦେଲେ ୨୦.୮ ଲକ୍ଷ ଶିକ୍ଷାର୍ଥୀ, ୩ ବର୍ଷ ହେଲା ବଢ଼ୁଛି ପଞ୍ଜୀକରଣ
  • ||
  • ସୁବର୍ଣ୍ଣପୁର : ବ୍ରିଜ୍‌ ନିର୍ମାଣ କାମ କରିବା ବେଳେ ଅଘଟଣ, ବିଦ୍ୟୁତ ସଂସ୍ପର୍ଶରେ ଆସି ଶ୍ରମିକଙ୍କ ମୃତ୍ୟୁ
  • ||

ସଡ଼କ ଦୁର୍ଘଟଣାରେ ପୀଡ଼ିତଙ୍କ ତୁରନ୍ତ ହେବ ମାଗଣା ଚିକିତ୍ସା , ସାରା ଦେଶରେ ଲାଗୁ ହେଲା ଏହି ଯୋଜନା

Published By : Prameya | May 6, 2025 4:39 PM

ନୂଆଦିଲ୍ଲୀ : ସଡ଼କ ଦୁର୍ଘଟଣାରେ ଆହତ ହୋଇଥିବା ଲୋକେ ଓ ତାଙ୍କର ପରିବାର ଲୋକଙ୍କ ପାଇଁ କେନ୍ଦ୍ର ସରକାର ବଡ଼ ସହାୟତା ଘୋଷଣା କରିଛନ୍ତି। କେନ୍ଦ୍ର ସରକାର ମଙ୍ଗଳବାର ଏକ ବିଜ୍ଞପ୍ତି ଜାରି କରି ସାରା ଦେଶରେ ସଡ଼କ ଦୁର୍ଘଟଣାରେ ପୀଡ଼ିତଙ୍କ ପାଇଁ କ୍ୟାସଲେସ୍‌ ଟ୍ରିଟମେଣ୍ଟ ସ୍କିମ୍‌ର ଘୋଷଣା କରିଛନ୍ତି। ସଡ଼କ ପରିବହନ ମନ୍ତ୍ରଣାଳୟର ଏକ ଗ୍ୟାଜେଟ୍‌ ବିଜ୍ଞପ୍ତି ମୁତାବିକ ଏହି ଯୋଜନା ଅନୁସାରେ, ପୀଡ଼ିତଙ୍କୁ ଦୁର୍ଘଟଣା ତାରିଖର ୭ଦିନ ସୁଦ୍ଧା କୌଣସି ବି ସ୍ୱୀକୃତି ପ୍ରାପ୍ତ ହସ୍ପିଟାଲରେ  ସର୍ବାଧିକ ୧.୫ ଲକ୍ଷ ଯାଏ କ୍ୟାସଲେସ୍‌ ଚିକିତ୍ସାର ଲାଭ ମିଳି ପାରିବ। ଏହି ଯୋଜନା ୫ ମଇ ୨୦୨୫ରୁ ଲାଗୁ ହୋଇଛି।

କେନ୍ଦ୍ର ସରକାରଙ୍କ ବିଜ୍ଞପ୍ତି ମୁତାବିକ୍‌ ,କୌଣସି ବି ସଡ଼କରେ ମୋଟର ଯାନ ଦ୍ୱାରା ହୋଇଥିବା ସଡ଼କ ଦୁର୍ଘଟଣାର ଶିକାର ହେଉଥିବା କେହି ବି ବ୍ୟକ୍ତି ଏହି ଯୋଜନାର ପ୍ରାବଧାନ ଅନୁସାରେ କ୍ୟାସ୍‌ଲେସ୍‌ ଚିକିତ୍ସାର ଯୋଗ୍ୟ ହୋଇ ପାରିବେ। କହି ରଖୁଛୁ କି , ଏହା ପୂର୍ବରୁ ଚଳିତ ବର୍ଷ ଜାନୁଆରୀରେ କେନ୍ଦ୍ର ପରିବହନ ମନ୍ତ୍ରୀ ନିତିନ ଗଡ଼କରୀ ଭାରତରେ ସଡ଼କ ଦୁର୍ଘଟଣାର ସଂଖ୍ୟା ବୃଦ୍ଧିରେ ଚିନ୍ତା ବ୍ୟକ୍ତ କରି ଏହି ଘୋଷଣା କରିଥିଲେ ଯେ , ସରକାର ସଡ଼କ ଦୁର୍ଘଟଣା ପୀଡ଼ିତଙ୍କ ପାଇଁ ଖୁବ୍‌ ଶୀଘ୍ର ଏମିତି ଯୋଜନା ଆଣିବା ଉପରେ ବିଚାର କରୁଛନ୍ତି।

ଇଣ୍ଡିଆନ ଏକ୍ସପ୍ରେସ୍‌ର ଏକ ରିପୋର୍ଟ ମୁତାବିକ , ଏହି ଯୋଜନାକୁ ଲାଗୁ କରିବା ପାଇଁ ରାଷ୍ଟ୍ରୀୟ ସ୍ୱାସ୍ଥ୍ୟ ପ୍ରାଧିକରଣ (ଏନଏଚଏ ) ରାଜ୍ୟର ପୁଲିସ, ହସ୍ପିଟାଲ ଓ ରାଜ୍ୟର ସ୍ୱାସ୍ଥ୍ୟ ଏଜେନ୍ସି  ସହ ମିଶି କାମ କରିବେ। କହି ରଖୁଛି କି, ଭାରତରେ ସଡ଼କ ଦୁର୍ଘଟଣାରେ ପ୍ରତିବର୍ଷ ପାଖାପାଖି ୫ ଲକ୍ଷ ଲୋକଙ୍କ ମୃତ୍ୟୁ ହୋଇଥାଏ। ସେପଟେ ପାଖାପାଖି ୪ଲକ୍ଷ ଲୋକ ଗୁରୁତର ରୂପେ ଆହତ ହୋଇଥାନ୍ତି। ଏକ ରିପୋର୍ଟ ମୁତାବିତ , ଏଥିରେ ସବୁଠୁ ଅଧିକ ପ୍ରଭାବିତ ଦୁଇ ଚକିଆ ଯାନର ଚାଳକ ଓ ପଦଯାତ୍ରୀ ହୋଇଥା’ନ୍ତି। 

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.