ପ୍ରମୂଖ ଖବର
  • କଳାହାଣ୍ଡି : ଗାଁ ରାସ୍ତାରୁ ଯୁବକଙ୍କ ମୃତଦେହ ଉଦ୍ଧାର, ପୋଲିସର ତଦନ୍ତ ଆରମ୍ଭ
  • ||
  • ରାଇରଙ୍ଗପୁର ଗସ୍ତରେ ଯିବେ ମୁଖ୍ୟମନ୍ତ୍ରୀ, ଆଜି ପଣ୍ଡିତ ରଘୁନାଥ ମୁର୍ମୁଙ୍କ ଜୟନ୍ତୀ ଉତ୍ସବରେ ଯୋଗ ଦେବେ
  • ||
  • ଆଗାମୀ ୪ ଦିନ ପ୍ରଚଣ୍ଡ ତାତି: ବୁଧବାର ୪୫ ଡିଗ୍ରୀ ଛୁଇଁବ ପାରଦ, ତତଲା ଲୌହପିଣ୍ଡ ପାଲଟିବ ପଶ୍ଚିମ ଓଡ଼ିଶା
  • ||

ମଇଁଷି ଲଢେଇକୁ ନେଇ ମାରପିଟ, ପୁତୁରା ମାଡ଼ରେ ଦାଦା ମୃତ

Published By : Prameya | May 5, 2025 7:21 PM

ବାଙ୍କୀ,୫।୫ : ମଇଁଷି ମଇଁଷି ମଧ୍ୟରେ ଲଢେଇକୁ ନେଇ  ଝଗଡା ପରେ ମାରପିଟ। ଠେଙ୍ଗା ଓ ଲୁହା ରଡ଼ ଆକ୍ରମଣରେ ଶରତ ବେହେରା ଗୁରୁତର ହୋଇଥିଲା। ଗୁରୁତରଙ୍କୁ ବାଙ୍କୀରୁ କଟକ ବଡ଼ ମେଡିକାଲ ସ୍ଥାନାନ୍ତର କରାଯାଇଥିଲା। ୯ ଦିନ ଧରି ଚିକିତ୍ସା ହେବା ପରେ  ଶରତ ବେହେରାଙ୍କ ମୃତ୍ୟୁ ଘଟିଛି।  ସେପଟେ ଏହି ଘଟଣାରେ ବାଙ୍କୀ ଥାନାରେ ଏତଲା ଦିଆ ଯାଇଥିଲା। ଏତଲାରେ ଚାରି ଜଣଙ୍କ ନାମରେ ଦିଆଯାଇଥିବା ବେଳେ ଜଣକୁ ପୋଲିସ ଧରି କୋର୍ଟ ଫରୱାଡ଼ କରିଥିବା ବେଳେ ଅନ୍ୟ ତିନି ଜଣ ଏବେ ଫେରାର। ବାଙ୍କୀ ପୋଲିସ ଅନ୍ୟ ଅଭିଯୁକ୍ତକଙ୍କୁ ଧରିବାରେ ଵିଲମ୍ବ କରୁଥିବା ନେଇ ମୃତକଙ୍କ ପରିବାର ଅସନ୍ତୋଷ ପ୍ରକାଶ କରିଛନ୍ତି। ଏମିତି ଘଟଣା ଦେଖିବାକୁ ମିଳିଛି କଟକ ଜିଲ୍ଲା ବାଙ୍କୀର ଶିମିଳିପୁର ଗ୍ରାମରେ।

 ଆଜିକୁ ନଅ ଦିନ ତଳେ ଗ୍ରାମର ବାବୁ ବେହେରା, ପ୍ରମୋଦ ବେହେରା, ଵାପିନା ବେହେରା ମିଶି ଶରତ ବେହେରାଙ୍କୁ ମରଣତ୍ମକ ଆକ୍ରମଣ କରିଥିଲେ। ଯାହାଦ୍ଵାରା ଚିକିତ୍ସା ଅବସ୍ଥାରେ କଟକ ଏସସିବି ମେଡିକାଲରେ ତାଙ୍କର ମୃତ୍ୟୁ ଘଟିଥିଲା। ପୋଷ୍ଟ ମର୍ଟମ ପରେ ଶିମିଳିପୁରକୁ  ଶରତଙ୍କ ଶବ ଆସିବା ପରେ ଗାଁରେ ଉତ୍ତେଜନା ଦେଖିବାକୁ ମିଳିଥିଲା।   ମୃତକଙ୍କ ପରିବାର ପକ୍ଷରୁ ବାଙ୍କୀ କଟକ ମୁଖ୍ୟ ରାସ୍ତାର ଶିମିଳିପୁର ଛକରେ ତାର ଶବ ରଖି ରାସ୍ତା ରୋକ କରିଥିଲେ। ବାଙ୍କୀ ପୋଲିସ ଏସ୍ଡ଼ିପିଓ ଓ ଡମପଡ଼ା ତହସିଲଦାର ଆସି ଲୋକଙ୍କୁ ବୁଝାସୁଝା କରିବାରେ ରାସ୍ତା ରୋକ ହଟିଥିଲା। ପୋଲିସ ଅନ୍ୟ ଅଭିଯୁକ୍ତଙ୍କୁ ଯଥା ଶୀଘ୍ର ଗିରଫ କରିବା ପ୍ରତିଶ୍ରୁତି ଦେବାପରେ ଏହା ହଟିଥିଲା।

Prameya Is Now On WhatsApp Join And Get Latest News Updates Delivered To You Via WhatsApp

Copyright © 2024 - Summa Real Media Private Limited. All Rights Reserved.