ନୂଆଦିଲ୍ଲୀ ୩୧/୧୨: ଇଣ୍ଟର୍ନେଟ୍ରେ ଏକ ବିଳାସପୂର୍ଣ୍ଣ ବିବାହର ଭିଡିଓ ଭାଇରାଲ ହେଉଛି । ଭିଡିଓରେ ପାକିସ୍ତାନର ସିନ୍ଧ ପ୍ରଦେଶରେ ହାଇଦରାବାଦ ସ୍ଥିତ ଏକ ଘର ଉପରେ ବିମାନରୁ ଟଙ୍କା ବର୍ଷା ହେଉଥିବା ଦେଖିବାକୁ ମିଳିଛି । ଏହି ଦୃଶ୍ୟକୁ ଲୋକେ ଆଶ୍ଚର୍ଯ୍ୟଚକିତ ହୋଇ ଦେଖୁଛନ୍ତି । ଜଣେ ପାକିସ୍ତାନୀ ବରଙ୍କ ବାପା କନ୍ୟାର ଘର ଉପରେ ଲକ୍ଷାଧିକ ଟଙ୍କା ବର୍ଷା କରିବା ଲାଗି ବିମାନ ଭଡ଼ାରେ ନେଇଥିଲେ ।
କିଛି ରିପୋର୍ଟ ଅନୁସାରେ, କନ୍ୟା ବାପାଙ୍କ ଅନୁରୋଧ ରକ୍ଷା କରିବାକୁ ଯାଇ ବର ବାପା ଏହା କରିଛନ୍ତି । ଘର ଓ ଲୋକଙ୍କ ଉପରେ ଟଙ୍କା ବର୍ଷା ହେବାର ଭିଡିଓକୁ ନେଇ ଚର୍ଚ୍ଚା ଜୋର ଧରିଥିବା ବେଳେ ସୋସିଆଲ ମିଡିଆ ୟୁଜର୍ ଏ ନେଇ ମିଶ୍ର ପ୍ରତିକ୍ରିୟା ଦେଉଛନ୍ତି । କିଛି ଲୋକ ଏହାକୁ ବିଳାସପୂର୍ଣ୍ଣ ଆୟୋଜନ କହୁଛନ୍ତି । ଆଉ କିଛି କହୁଛନ୍ତି, ଏହା କେବଳ ଅର୍ଥ ଅପଚୟ । ଆଉ କିଛି ଏହାର ଖୁବ୍ ମଜା ନେଉଛନ୍ତି । ବିମାନ ଭଡ଼ାରେ ଆଣି କନ୍ୟା ଘର ଉପରେ ଟଙ୍କା ବର୍ଷା କରିଥିବା ବ୍ୟକ୍ତିଙ୍କ ପୁଅ ଜୀବନ ସାରା ବାପା କରିଥିବା ଋଣ ସୁଝିବେ ବୋଲି ୟୁଜର କହିଛନ୍ତି ।
