କର୍ଲାମୁଣ୍ଡା୨୭/୦୫ ଆଜି ସମ୍ବଲପୁରରୁ କଳାହାଣ୍ଡି ଜିଲ୍ଲା ନର୍ଲା ବ୍ଲକର ପ୍ରାରୋଡକୁ ଯାଉଥିବା ଏକ ବିଡି ବୋଝଇ ପିକଅପ ଭ୍ୟାନକୁ ରିଷିଡା ପୁଲିସ ଓ ସେଲଟ୍ୟାକ୍ସ ପକ୍ଷରୁ ଚଢ଼ାଉ କରାଯାଇ ଜିଏସଟି ଆଦାୟ କରାଯାଇଥିବା ଜଣାଯାଇଛି l ରିଷିଡା ଫାଣ୍ଡି ଅଧିକାରୀ ମନୁଆ ବିଡ଼ିକା ଆଜି ଦିନବେଳା ପାଟ୍ରୋଲିଙ୍ଗ କରୁଥିବା ସମୟରେ ଏକ ପିକଅପ ଭ୍ୟାନ (ଓଡି ୧୫ -୮୬୧୧) କୁ ସନ୍ଦେହ କରି ଅଟକାଇ ଥିଲେ l ଗାଡ଼ିରେ ୭ ବସ୍ତା ବିଡି ଥିବା ଜାଣି ସେ ସେଲଟ୍ୟାକ୍ସ ବିଭାଗକୁ ଖବର ଦେଇଥିଲେ l ଖବର ପାଇ ଜିଲ୍ଲା ବାଣିଜ୍ୟକର ଯୁଗ୍ମ ଆୟୁକ୍ତ ସମୀର କୁମାର ମାଝୀଙ୍କ ନିର୍ଦ୍ଦେଶ କ୍ରମେ ଏନଫୋର୍ସମେଣ୍ଟ ଟିମ ଆସି ତଦନ୍ତ କରିଥିଲେ ଓ ଗାଡିର ଦ୍ରବ୍ୟ ଉପରେ ୫୬ ହଜାର ଟଙ୍କାର ଜିଏସଟି ଜରିମାନା ଆଦାୟ କରିଥିଲେ l ଏହି ଟିମରେ ଜିଲ୍ଲାର ସହକାରୀ ସେଲଟ୍ୟାକ୍ସ ଅଫିସର (ଏ ଏସ.ଟି.ଓ. )ଟଙ୍କଧର ସାହୁ ଓ ସୁଧାଂଶୁ ଶେଖର ବେହେରା ସାମିଲ ଥିଲେ l ଏହି ଘଟଣା ପରେ ଅସାଧୁ ବ୍ୟବସାୟୀ ଓ ଜି ଏସ ଟି ଠକୁଥିବା ବ୍ୟବସାୟୀ ମହଲରେ କୋକୁଆ ଭୟ ସୃଷ୍ଟି ହୋଇଛି ।