ନୂଆଦିଲ୍ଲୀ: ଗୁଜୁରାଟର ଅମରେଲି ଜିଲ୍ଲାରେ ଆଜି (ରବିବାର) ୩.୧ ତୀବ୍ରତାର ଏକ ଭୂମିକମ୍ପ ଅନୁଭୂତ ହୋଇଛି। ଏଥିରେ କୌଣସି ମୃତାହତ କିମ୍ବା ସମ୍ପତ୍ତି କ୍ଷୟକ୍ଷତିର ରିପୋର୍ଟ ମିଳିନାହିଁ। ଗତ ଛଅ ଦିନ ମଧ୍ୟରେ ଏହା ସୌରାଷ୍ଟ୍ରରେ ଦ୍ୱିତୀୟ ଭୂମିକମ୍ପ ଅନୁଭୂତ ହୋଇଛି।
ଅଧିକାରୀ ମାନେ କହିଛନ୍ତି ଯେ, ଗାନ୍ଧୀନଗର ସ୍ଥିତ ଭୂକମ୍ପ ଗବେଷଣା ପ୍ରତିଷ୍ଠାନ ଅନୁଯାୟୀ, ଏହି ଭୂମିକମ୍ପ ଅପରାହ୍ନ ୪:୧୦ ରେ ରେକର୍ଡ କରାଯାଇଥିଲା। ସେମାନେ କହିଛନ୍ତି ଯେ ଭୂକମ୍ପର କେନ୍ଦ୍ରସ୍ଥଳ ସୌରାଷ୍ଟ୍ର ଅଞ୍ଚଳର ଅମରେଲିର ଦକ୍ଷିଣ-ଦକ୍ଷିଣ ପୂର୍ବରେ ପ୍ରାୟ ୪୨ କିଲୋମିଟର ଦୂରରେ ୧୧.୬ କିଲୋମିଟର ଗଭୀରତାରେ ଅବସ୍ଥିତ ଥିଲା।
ଆମରେଲି ନିକଟରେ ଅନୁଭୂତ ହୋଇଥିବା ଭୂମିକମ୍ପ ସମ୍ପର୍କରେ, ଅଧିକାରୀ ମାନେ କହିଛନ୍ତି ଯେ କେହି ଆହତ କିମ୍ବା କୌଣସି ସମ୍ପତ୍ତି କ୍ଷତିଗ୍ରସ୍ତ ହୋଇ ନାହିଁ। ସେମାନେ ଏହା ମଧ୍ୟ ଉଲ୍ଲେଖ କରିଛନ୍ତି ଯେ, ଗତ ମଙ୍ଗଳବାର ସୌରାଷ୍ଟ୍ର ଅଞ୍ଚଳର ରାଜକୋଟ ଜିଲ୍ଲାରେ ସମାନ ୩.୨ ତୀବ୍ରତାର ଭୂମିକମ୍ପ ହୋଇଥିଲା ।
